Skandal ‘Rumah Modular’ Ngemaluka Kompeni CMS |
| Skandal ‘Rumah Modular’ Ngemaluka Kompeni CMS Posted: 29 Nov 2013 06:00 AM PST  Tukuh rumah ti dijamin tan? Rumah tu baru lima taun tang tau nyadika gambar iklan ti jai! Tanya Lumur 2 bekaul enggau asil projek Rumah Modular sida, kompeni Cahya Mata Sarawak Berhad (CMS) ulih meri saut ti nadai besiping. Nyadika saut ngagai tanya "Nama jamin ti diberi CMS ngagai bala orang ti meli rumah modular kita tu?" Sida CMS madahka "Penan ba tukuh rumah tu dijamin enggau penuh lalu bala orang ti meli rumah dijamin dalam timpuh sepuluh taun". Taja pan munyi nya, penemu tu enda dipansutka, lebuh kabut besai kali ke terubah mangka kandang menua nya semina beberapa taun udah rumah-rumah nya tembu digaga dalam taun 2009. Dalam penusah nya semua perabung ba 80 buah rumah modular nya tekebu, nyengkaum mayuh agi pengerusak ba dinding enggau tukuh rumah. Bala orang ti meli rumah nya madahka ungkus dikena nyeruri rumah ti rusak nya enda diberi enggau penuh lalu penusah ti ninggang genturung menua nya nunjukka pengelemi ba gaya ramu pasang tembu ti dikeluarka kompeni nya.  Dijamin dalam timpuh sepuluh taun – enda dikamatka lebuh perabung dikebuka angin lalu tukuh rumah ditemu enda tegap Jaku ambu pelesu dalam pengawa ngaga rumah modular CMS ke raban orang ti seranta nya endang bepun ari skandal penyalah ngerampas tanah, ti dilanggurka Kepala Menteri ngarika kompeni sida sebilik di Bandar Samariang di luar kandang nengeri Kuching. Sepuluh taun udah nya lalu kompeni sida Taib sebilik nya udah nguji ngiarka projek rumah modular ke tisi, lalu beserimbai enggau nya sida chakah agi bejualka lot-lot tanah ti diulih sida enggau pechuma kelimpah ari penemu ti deka mantu raban orang ti seranta. "Penakal tukuh rumah dijamin"? Taja pan bakanya, beratus-ribu iku orang di Bandar Samariang napi penyai tukuh rumah ti digaga CMS. Ipar Taib, Robert Geneid ti nyadika tuai ba projek nya, udah kala mangku pengawa nyadi Pengarah Urusan dalam Opis Pemansang Reta CMS. Ba sebengkah konflik tanggungpengawa ti nyata bendar iya enggau ipar iya, Pengerusi CMS Onn Mahmud udah nyual buah runding rumah modular, ti dikeluarka kompeni sida empu, Total Pride, ngagai CMS, ba rega bepuluh-puluh juta ringgit. Enggau jaku ti tinggi Robert Geneid madahka ramu bansa baru nya deka mai penguntung ngagai pengawa dagang CMS ngaga beribu buah rumah betukuh manah, murah sereta jampat ditembuka.  Orang ti besai tanggungpengawa – entara 1997-2005 Tang sistem ngaga rumah modular ti baru dipatenka nya bedau diuji ba sebarang gaya hari. Taja pan baka nya, surat penerang CMS madahka cara ngaga rumah modular ulih nyediaka 5,000 buah rumah, ba pemayuh seribu buah rumah ulih digaga dalam kandang 21 minggu lalu pengawa ngaga rumah nya endang 'chukup manah' ke tukuh rumah ti udah dikelala.  Seribu buah rumah modular ulih ditembuka dalam kandang 6 bulan … Tukuh rumah modular nya endang bedau diuji gaya hari lalu enda ulih narit ati orang ti deka meli. Rumah bansa nya mega enda besenutuk enggau tukuh rumah asal orang ti di menua nya. Nadai digagaka palan endur orang mayuh begempuru, baka ba genturung pendiau asal, baka ba tumpuk pendiau bansa Melayu.  Berdiri di tengah, baris belakang – Geneid nyadika sebagi ari raban pengurus dalam CMS dalam ruang bilik Taib Jau tanya lumur 8 ditujuka ngagai pekara ti udah nyadi lebuh kabut besai mangka ke menua nya? Laban asil nya baru, penan ati nyaut tanya tu mega patut dipeda berani?  Digaga tan kena pangka angin ti balat!
Taja pan baka nya, tukuh rumah bansa baru tu, rumah modular, enda engkeman ke diwan orang bansa asal di menua tu, taja pan sebedau kena pangka kabut besai taun 2009 nya.  Perabung ti tegap?
Perabung bebansa 'Insul Roof' ba rumah modular CMS nya nyadika pengering ati munyi ti disebut sida dalam surat penerang kompeni sida. Lebuh penusah pangka kabut 2009, perabung ke 80 buah rumah nya balat bendar rusak, lalu pemanah asil gaga nya endang bejamin. Udah bekau penusah nya, palan pengeluar ramu bansa baru CMS enda tau enda ditutup tekala nya. Robert Geneid badu mangku pengawa iya dalam CMS dalam taun 2005, udah bekau lama udah meindahka penguntung ari kompeni Total Pride ngagai kompeni CMS.  Cherita ti enda ditusui CMS Tang lebuh Geneid mindah ngagai projek bukai, raban orang ti seranta udah diperansang perintah nginjau duit dikena meri rumah modular ti enda manah tukuh, ti diatu benung dituntung mayuh macham pengerusak.  Dinding ngemipis keretas Kompeni CMS mengkang enggai ngaku pengerusak ba tukuh rumah nya nyadika pengerusak ti kena pangka kabut ba 80 buah perabung rumah, ti udah nya ngujungka jamin ba rumah nya enda dikamatka. Bala orang ti meli rumah rega murah nya madahka sida semina dipampas ungkus ti mimit aja udah bekau penusah nya, tang penyampau nya enda chukup dikena napi pengerusak nya. Penanggul ti besai bendar ditapi orang bansa asal di menua nya, sida tepejal nguan rumah ti udah jai, lalu napi emba ari kompeni ti nyali sida duit dikena mayar rumah nya, taja pan dulu ari nya, sida diperansang nginjau duit dikena meli rumah.  Pak Aziz – udah manggai umur lebih 60 taun agi gagau ngiga belanja dikena mulaika duit ti diinjau iya kena mayar rumah semesai 20' x 20' ba Bandar Samariang. Pala rumah nya agi ditanka bank ti nyali iya duit, lalu iya enda ulih nyual rumah nya ngagai sapa-sapa! Rumah modular nya endang ditagaka ngagai raban orang ti seranta ti nadai sebarang pengawa tetap dikereja. Taja pan baka nya, sida udah tepejal mayar pulai entara RM138 – RM176 sebulan dalam pengelama 25 taun dikena sida beempu rumah modular ti berega RM35,000 sebuah nya. Mayuh raban orang diri sebilik udah tepejal ninggalka rumah sida, taja pan udah lepas timpuh udah bekau kabut besai, lalu lebuh sida napi ungkus nyeruri tukuh rumah ti majak rusak nya.  Pelekat BN – orang diri sebilik tu udah diburu pansut ari rumah sida sepengudah PRU bulan Lima tu tadi Orang tuai nya raban orang ti mudah kena tuntung penanggul dalam projek nya. Sarawak Report udah dipadahka baka ni mayuh bengkah bank enggai nyali duit ngagai raban orang ti udah tuai umur.  Chakah ngiga belanja lebih dikena mayar duit injau dikena meli rumah – siku agi orang di Bandar Samariang
Ari 13,500 buah rumah ti disemayaka deka digaga dalam kandang 5 taun dalam taun 1997 suba, diatu semina lebih 2,000 buah aja udah tembu digaga. Nya pan, 80 buah rumah udah tekebu perambung dipangkaka kabut besai, lalu tukuh rumah di endur nya pan majak rusak sereta nadai penan. Taja pan udah bulih kandang menua dikena meri penguntung ngagai rbana orang ti seranta, tang kompeni sida Taib sebilik diatu udah numpuka dagang sida ngagai pengawa ngemansangka projek ngaga rumah berega mar enggau kandang pasar besai-besai. Dalam Repot Taun CMS 2012, sida udah netapka projek Bandar Samariang nya tau mai penguntung RM474 juta dalam 5 taun ti deka datai tu ila. Tang CMS mengkang nadai didinga nyebut pasal tanggungpengawa sida ti deka mantu raban orang ti seranta ngaga rumah!
 Tinggal lalu ditejuka – sebuah agi penusah ba orang ti seranta nginjau duit ti ulih dibayar sida pulai ke rumah ti dibeli sida
|
| Sekali Agi Ditemu Geneid Melaki Bini Ti Rangka Ngerampas Tanah – EKSKLUSIF! Posted: 29 Nov 2013 05:45 AM PST  Orang bansa asal ngemesaika penyalah ngerampas tanah dikereja sida Taib sebilik Sekali agi bala orang bansa asal di Sarawak enda tau enda pansut lalu mantah penyalah ngerampas tanah dikereja sekeda orang ti rangka enggau chara ti enda betagang. Sekali agi sebengkah endur ti manah ti besai bendar rampa lalu bisi ngembuan cherita lama udah belabuh kena keruga. Lalu sekali agi penyalah nya dikereja sida Taib Mahmud sebilik ti balat bendar rangka ba sebengkah kandang endur ti bebukit ti pemadu tuchi Sarawak lalu kandang endur ti bisi ngembuan cherita lama ti nyelai. Ba ujung minggu tu tadi bala orang bansa asal ari 17 buah genturung pendiau bansa Bidayuh udah begempuru ba pasar Siniawan laban deka mantaika kes ngerampas tanah ti baru ditemu sida, ba sebengkah kandang endur enggi sida, iya nya Gunung Serumbu. Nitihka repot sida, sida madahka dalam pengelama dua bulan dia kompeni kuari nya udah nebang sereta nerangka rampa menua dia lalu besedia deka ngulihka asil batu granit ti berega. Bala orang di menua nya nadai kala dibai besaraka penemu lalu pengerusak nya dikereja ba pun penatai ai enggau endur ti tuchi sereta besai reti ke orang menua nya, lalu mega nadai ngeluarka sebarang repot pansik empas projek ba rampa menua. Bala orang bansa asal di endur nya udah nganjung 2 iti repot polis lalu mega enda kurang ari 5 puchuk surat ti ditujuka sida ngagai kompeni nya, enggau mega ngagai Opis Tanah & Survei. Sida mega bisi nuliska serebana sida ngagai tiap iku pengari rakyat ti udah dipilih sida di endur nya.  Aku meda diri empu nyadika orang ti rindu meri tulung – Pengarah ba kompeni Serambu Quarry, Robert Geneid Tang ba cherita ti ngenyinuka ati tu, baka selama mega, bala orang di menua nya nadai nerima sebarang saut ari opis-opis ti patut ngelindung orang mayuh. Pemendar dikena tama ngagai kandang menua nya udah diberi lalu nadai ditanya, ngagai sebuah kompeni ti dipejalaika ngena nama ti tau ngasuh saru ketegal sengaja salah sepil ba nama Serambu Quarry Sdn Bhd. Lalu tentu iya bisi kebuah ti terang bendar. Sarawak Report ulih mantaika Pengarah kompeni nya benama Robert Geneid, siku Pengarah Urusan dalam Opis Pemansang Reta CMS dulu suba, ti mega ipar ke Kepala Menteri Sarawak Abdul Taib Mahmud. Lalu pekara ti nyelai mimit mega lebuh kitai tetemuka orang ti megai syer kompeni pemadu mayuh dalam Serambu Quarry nya bini iya empu, iya nya menyadi indu Kepala Menteri, Raziah Mahmud. Baka ti suah dikenang kita, Raziah enggau laki iya Robert Geneid udah terang bendar nyadi pemun penyalah ngeruga sereta ngerampas tanah pemadu rangka sereta tampak rita di Sarawak. Tang ba sekeda ketegal ti enda diterangka ngagai orang mayuh, Gunung Serumbu ngembuan cherita lama iya empu. Nyadika sebuah tapak cherita lama Sarawak, pengerusak rampa menua ti dikereja siku orang ti 'mentas nulung orang bukai' ti suah ngumbai diri nyadika pengatur pengawa 'main asal enggau dagang temuai' udah ngeruga rampa menua enggau chara ti kelalu balat.  Saya menggambarkan diri saya sebagai dermawan – Pengarah Serambu Quarry, Robert Geneid Dalam pengelama tiga hari beturut tu Sarawak Report udah nusui enggau silik baka ni Robert Geneid ngulihka penguntung bejuta-juta ringgit duit wang turu menua ari projek Bandar Samariang CMS, ti disukung ipar iya empu Taib Mahmud ti meri kebuah ke projek nya dikena mantu raban orang ti seranta di Kuching.  Rindu ke perengka penganta iya ti berega – Raziah Mahmud-Geneid Tang agi mayuh kompeni enggau pengawa ngerampas tanah dikaitka enggau orang dua iku melaki bini tu, ti udah salahguna kaul seduai ti nyadi kaban belayan Kepala Menteri ti bekuasa nya dikena seduai ngengkahka jari seduai ba kandang menua ti bisi ngembuan cherita lama, nyengkaum kandang menua enggi bansa Berawan di Mulu, kandang menua enggi bansa Iban di Sebangan, Kampung Galau Ensengei enggau mayuh agi kandang menua ti besai guna di Sarawak. Orang dua iku melaki bini nya bejalaika mayuh bengkah kompeni ari opis-opis seduai di Kuching, mayuh agi ari kompeni nya nerima kontrak besai-besai enggau rampa tanah ti besai di Sarawak, terima kasih ke kuasa menyadi Raziah empu, Abdul Taib Mahmud. Batang pengawa kompeni-kompeni seduai tu dipejalai baka reti 'kerubung', nyerahka sab-kontrak seduai ngagai kompeni bukai ti endang landik dalam pengawa sida, lalu beserimbai enggau nya ngulihka tanduk duit agih ti mayuh ari "batang" pengawa seduai. Raziah ti rindu masuk nyadi kaban lembaga pengarah dalam mayuh bengkah kompeni, suah dipeda chakah ngulihka pemendar dikena bejalaika pengawa-pengawa sida. Penyalah makai suap ti balat dikereja dalam perintah menua ti betuaika Abdul Taib Mahmud mai reti, siti chara bejamin dikena ngulihka peluang nerima lisin enggau kontrak nya ngena chara ngambi raban sida sebilik nyadi kaban pengarah lalu meri sida syer ti besai-besai. Ambi ke banding, Raziah dipaduka nyadi Pengarah dalam Quality Concrete, sebengkah kompeni ti udah enda tau enda ngelepaska pemendar sida ngulihka kayu batang enggau chara ti enda beradat ari kampung di Sebangan, udah bekau bala orang di menua nya udah chakah bendar bejalaika kimpin dikena sida nyelamatka tanah NCR sida. Baka nya mega, Raziah enggau Robert diatu masuk dagang kunsi enggau bala sida Yong sebilik ti ngulihka peluang endur masuk kandang menua ti bisi ngundan cherita lama sereta sensitif di menua Sarawak. Raziah udah diagihka siti syer lebih ari setengah pemayuh semua syer dalam kompeni nya!  Rega ke bagi iya – pegai syer pemadu besai diagihka ngagai Raziah Mahmud-Geneid! Tang enti sema Robert enggau Raziah mujur bulih pegai syer pemadu besai ketegal seduai ti kaban belayan enggau Kepala Menteri, reti nya pegai syer ti mit-mit dalam kompeni nya meri gambar ti ngenyinuka ati baka ni atur perintah Sarawak dipejalaika Abdul Taib Mahmud. Datuk Leo Chai nya siku Pengarah ke dulu suba dalam Opis Kampung Sarawak. Iya patut nemu agi pemesai reti ngemataka pemanah sebuah rampa menua enggau ti ngembuan cherita lama ari kena keruga pengawa ngulihka kayu batang enggau ngulihka asil tanah.  Pesaka asal rampa menua ti agi bepanggai idup ba sebuah kampung bungas di Sarawak Tang iya mega patut nemu agi, enggau ngulihka penemu enggau pengaruh ba atas sebarang kandang kampung galau Sarawak lalu baka ni deka begunaka iya! Gunung Serumbu enggau pemanah rampa menua iya nyadika pengari sebuah tapak ti besai bendar reti ba cherita lama enggau pesaka rampa menua ti ba ikas dunya. Pekara ti besai agi reti nya, ditu mih endur siku orang kelia ti landik pasal rampa menua ti mega nyadi kaban Charles Darwin bejalaika pansik beduduk ba teori evolusyen iya nengkebang utai ti dikumbai iya 'Sarawak Law (Undang-undang Sarawak)'.  Patung Alfred Wallace, dipandangka di London ba pun bulan tu tadi Alfred Wallace udah dikangauka Rajah Brooke bejalaika pansik iya ba Gunung Serumbu lalu ba endur nya mih iya nuliska rekod iya ba semua macham leman utai tumbuh enggau utai idup ti ditemu iya. Taun tu genap taun keseratus dikena ngingatka Alfred Wallace ti dirami ngena sekeda jaku penerang enggau pengerami ti besai di serata dunya, nyengkaum sebuah jaku penerang ari siku orang ti landik ba pekara rampa menua ti tebilang, David Attenborough ba Muzium Cherita Lama Rampa Menua di nengeri London ba pun bulan tu tadi lalu ditangkanka pengawa ngelancharka patung Alfred Wallace dikena ngingat sereta meri basa ke iya. Pekara ti ngenyinuka ati kitai diatu lebuh kitai meda kandang menua ti besai bendar reti ba pengidup Wallace nya udah dirusak ba hari dikena ngingatka iya. Ari dulu suba Wallace endang ulih meragamka pemasuk bala orang ti rangka ti deka ngeruga rampa menua baka sida Abdul taib Mahmud. Wallace udah chakah bendar ngansak mayuh perintah enggau institusyen sida ngambika nyaga sereta ngintu rampa menua enggau semua macham leman utai tumbuh enggau utai idup ti agi bisi ba planet baka di Sarawak. Lebuh maya orang bisi nemu sereta meratika rampa menua, iya udah ngelala, rampa menua kena keruga ketegal dosa rangka mensia ti dikereja ba mua mata diri empu. Baka ni munyi saut Taib Mahmud pasal tindak enggau pengerangka sida sebilik ti seruran ngumbai diri bebasaka pemanah rampa menua? Raziah enggau Robert udah nemuai ngagai menua Monaco laban ti deka ngangauka Putera Albert nemuai ngagai palan temuai di Mulu lalu udah nya nyuaka duit bantu dikena nyukung pengerami ngayanka Fesyen Islam, semua nya dipejalaika dikena sida nyukung wang turu ti endang ditagaka dikena ….. nyelamatka rampa menua.  Raziah enggau Robert ngelaluka penemuai Putera Albert ngagai Mulu – nyadika sebengkah atur pengawa dikena nyukung wang turu nyaga pemanah rampa menua. Raban bansa Bidayuh ari kandang menua Serumbu ti idup rumpas, penuh basa ke orang bukai nya, diatu begunaka sukung menua Malaysia empu enggau orang mayuh ba ikas entarabansa nyaga pesaka asal sida ari kena keruga kerita lipan enggi sida Taib Mahmud sebilik. |
| You are subscribed to email updates from Sarawak Report To stop receiving these emails, you may unsubscribe now. | Email delivery powered by Google |
| Google Inc., 20 West Kinzie, Chicago IL USA 60610 | |