» »Unlabelled » Opis Menteri Pengerai deka neladan chara Sarawak mutarka virus JE BorneoPost Online | Borneo , Malaysia, Sarawak Daily News » Berita Iban - New 2 Borneo

05:04:00

Opis Menteri Pengerai deka neladan chara Sarawak mutarka virus JE BorneoPost Online | Borneo , Malaysia, Sarawak Daily News » Berita Iban - New 2 Borneo

Opis Menteri Pengerai deka neladan chara Sarawak mutarka virus JE

Posted: 04 Jul 2014 10:24 AM PDT

Dikarang Chris Bishop

KUCHING: Opis Menteri Pengerai Malaysia (KKM) deka neladan nengeri Sarawakberindikaripemujur nengeri tu mutarka pengele-kai virus Ensefalitis Jipun (JE), ku Menteri iya Datuk Seri S Subramaniam.

 Iya madah, atur pengawa meri pengampul (vaksin) nga-gai nembiak mit ke beumur 9 enggau 21 bulan ti dipejalaika ngelama tu diperunding deka dititih.

Bepun ari taun 2001, Sarawak nyadi seiti nengeri ke mungkal atur genap iku nembiak mit meseti diberi tu-chuk vaksin JE ngambika tau ninding diri ari kena rampit virus ke dibai nyamuk lalu penetap nya udah mandangka pemujur.

"Sarawak udah mujur nyekat pengelekai virus JE nengah atur netapka genap iku nembiak ke beumur 9 enggau 21 bulan meseti diberi vaksin kenyau ari taun 2001.

"Kitai deka neladan peneleba opis pengerai nengeri tu sebedau netapka sebarang pemutus bekaul enggau penyakit JE lalu dikena ngepunka semua pengawa nya, KKM deka dulu ngemunaska sarang nyamuk,"ku iya.

Iya mansutka jaku nya ba seiti aum pengarang berita pengudah nemuai ngagai Sepital Besai Sarawak (SGH) ditu, kemari.

Iya nambah, atur Sarawak ti netapka genap iku nembiak diberi vaksin sigi seiti pemutus ke betul lalu iya pechaya enti atur nya enda ditetapka suba, dipelabaka mayuh agi nembiak kena rampit virus JE.

Virus JE berengkah ngelekai di menua tu urung taun 1998 ngagai 2000 ke alai urung 100 iku orang ditemu midang ketegal dirampit virus nya nyengkaum 30 iku nuntung anak mit.

Di Sarawak, operasyen munuh semua 4,555 iku jani ba dua bengkah palan endur nupi jelu nya dipejalaika pengudah dua iku pengereja pengawa ba palan nya ditukuka positif dirampit virus JE.

Print Friendly

Pengerami Serumpu Gawai Dayak Gerija Iban Methodist diatur kena ngulih belanja

Posted: 04 Jul 2014 10:23 AM PDT

SIBU: Juluk ati Gerija Iban Methodist ke deka bisi opis pastor enggau palan en-dur bemalam ke beungkus RM400,000, deka dijapai enda lama agi.

Naka ke diatu, kaban kami udah teulihka RM101,000.

Ku kededua iku komiti chairman pengerami Se-rumpu Gawai Dayak 2014, William Kanyan enggau chairperson Eksekutif Komiti Gerija Menua (LCEC), Eve-lyn Holly Sebom, enti udah tembu ila, bala pastor bisi opis kediri sereta palan ke manah endur diau.

Bekaul enggau pengera-mi Serumpu Gawai Dayak 2014, seduai madahka tuju pengerami nya diatur kena ngulihka belanja ungkup projek nya.

"Nya mega pengerami be-serumpu Makai Lemai Gawai ungkup kaban gerija tu," ku seduai.

Menteri Wang Kedua ke mega Menteri Kandang Menua enggau Pemansang Komuniti, Dato Sri Wong Soon Koh udah begulai eng-gau 200 iku kaban gerija nya ke diatur ba 1Malaysia Cultural Village kena malam Hari Enam nyin tadi.

Berebak enggau pengerami nya, Wong udah nyuaka geran RM5,000 ngambika bisi dike-na gerija nya ngatur pengawa kena ngulihka RM100,000 ti ditagit kena ngemujurka projek nya.

Bela bisi ngulu pengerami nya, sekretari politik Kepala Menteri Andrew Shilling enggau bala ketuai raban bansa bukai ke mega kaban gerija nya.

Print Friendly

Seiku soldadu bebadi nyawa maya nepan kerita kebal kemari

Posted: 04 Jul 2014 10:22 AM PDT

KUCHING: Niang Sarjan Bayong Burma ti bebadi pen-gudah kerita kebal ti ditepan iya tepawah lalu lungkup ba Jalai Besai Utara-Selatan (PLUS) semak Kuala Kangsar di Perak dibai ke Kuching seharitu.

Ba penerang berita kemari madahka, niang deka dibai ari Padang Bilun Bayan Lepas pukul 7 pagi lalu datai di Padang Bilun Antarabansa Kuching urung pukul 9.30 pagi.

Penerang berita nya ma-dahka niang udah nya deka dianjung ngagai rumah iya ba Taman Desa Indah, Sri Aman ngambika diintu bala mayuh sebedau dikubur.

"Niang seiku ketuai perengka pengangkut lalu iya ditukuka parai ba palan penusah nyadi ketegal balat bakal.

"Nitihka penerang ma-dahka niang deka dibai ari Padang Bilun Bayan Lepas ngena bilun MAS pukul 7 pagi pagila (seharitu) lalu deka dikuburka ba menua iya di Taman Desa Indah, Sri Aman," ku iya.

Pemidang niang, ninggalka seiku balu enggau tiga iku anak, iya seiku ari dua raban Soldadu Malaysia (ATM) ke bebadi ba jalai alun ti nyadi urung pukul 6.45 lemai ke-mari.

Nitihka penerang, raban nya ngena kerita pengangkut Condor Sibmas ti bejalai be-raban ari Kem Rejimen Ke-3 Kor Armor Diraja, Sungai Petani, Kedah nuju Gemas, Negeri Sembilan.

Penusah bebadi nya enda ngeruga perengka guna men-sia mayuh enggau dipelabaka tegelincir lebuh nurun bukit sereta enda ulih ditagang," ku iya.

Seiku agi ti sama bebadi nyawa iya nya Koperal Che Mohamad Fatanah Che Ismail ari Kuala Besut, Terenganu ditukuka parai dalam pejalai ke Hospital Kuala Kangsar.

Dua iku agi ti bakal iya nya deriba kerita kebal nya Lans Koperal Freedy Bernabas enggau Koperal Mohd Sari-fudin Abdullah.

"Dua iku ti bakal nya agi diperubatka ba Hospital Kuala Kangsar sereta dir-ipotka manah.

"Kami ngarapka nadai berita selebubu ditesau bekaul enggau penusah bebadi nya," ku iya.

Print Friendly

Jeffery: Anang meri awak UMNO tama ke Sarawak

Posted: 04 Jul 2014 10:19 AM PDT

KUCHING: Krisis politik ke majak nyadi ba komponen Barisan Nasional (BN) patut diketu ngambika enda muka awak tauka peluang ngagai UMNO tama ke Sarawak.

 Veteran politik ari Sabah Datuk Jeffery Kitingan madah, ketuai di Sarawak patut belajar ari pekara ke udah nyadi ba rayat Sabah sereta anang nandu penyilap ke sama.

" Ninting kali aku nemuai ke Sarawak aku madah nga-gai rayat ditu ngambika sida anang ngemendarka UMNO tama kitu baka ke nyadi ba menua Sabah.

Aku beba-saka orang politik ari menua Sarawak ke berakup sereta ulih mutarka semua penang-gul ke ditapi sida.

"Aku arapka sida ulih ngenegapka runding sida sereta anang ngemendarka UMNO ngerembaika sayap ke Sarawak.

Taja pia, enti sema krisis ke nyadi ba kom-ponen parti BN enda dipu-tarka, UMNO deka ngena awak nya tama ke Sarawak lalu nya meh pekara ke patut diseliahka bala ketuai politik di menua tu," pia ku iya ma-dah ngagai The Borneo Post ensanus.

Jeffery, ke mega Chairman State Reform Party (STAR) Pampang Sabah madah, iya ngemataka gaya politik ti nyadi di Sarawak sereta irau ati mega gaya politik ke nyadi ditu, laban enti penanggul nya enda diputarka jampat, nya deka meri penusah ke besai agi.

" Taja pia aku arap endar ati ke Kepala Menteri Sarawak Tan Sri (Datuk Amar) Ade-nan Satem ulih berundingka chara kena mutarka krisis politik di menua tu enggau lengkas," ku iya.

Iya bejaku munyi tu lebuh ke ngenang pasal penyerekang penemu ke nyadi ba Parti Pesaka Bumiputera Bersatu (PBB) enggau ketuai Parti Rakyat Sarawak (PRS), ti nyadi laban PBB enda dibai be-rakup runding ti ditumbuhka Parti Sa'ati Rakyat Sarawak (SUPP), Parti Progressif Demokratik Sarawak (SPDP) enggau PRS, ke alai pekara nya udah enda ngelantangka ati sekeda bala ketuai PBB.

Nengah penyerakup rund-ing ti ditengkebang bala ketuai ari SUPP, SPDP enggau PRS, sida udah mandangka penegap penemu enggai meri penuduk ti udah diungkupka ngagai sida ari kelia ngagai pengari rayat ti udah ningkilka diri ari ketetigab parti sereta tama ngagai Parti Tenaga Rakyat Sarawak (TERAS).

Penyarut nya nyadi lebuh empat iku pengari rayat ari SUPP ningkilka diri ari parti nya sereta tama TERAS begu-lai enggau ex-Presiden SPDP Tan Sri William Mawan sereta raban ari G4.

Ku sida, sida ninggalka parti nya kena mutarka laya ke nyadi dalam SUPP enggau SPDP, tang kededua parti mengkang dibalut penanggul nya nyeng-kaum PRS ti nangika penuduk sida diambi TERAS.

Ari 71 iti penuduk di menua tu, PBB ngembuan 36 iti, SUPP (19), PRS (9) lalu SPDP (8).

Taja pia, pengudah Pengawa Bepilih Kunsil Nengeri taun 2011 enggau gaya pemansang politik di menua tu diatu, SUPP semina bisi dua iku pengari rayat (Simanggang enggau Senadin) lalu nadai seiku pan ari SPDP taja pan parti nya menang ba enam iti pe-nuduk ba Pengawa Bepilih Kunsil Nengeri ke penudi endar suba.

Orang ti keterubah endar ningkilka diri ari parti nya sebedau tu iya nya Kaban Kunsil Nengeri Meluan Wong Judat, ditangkanka Datuk Peter Nansian Ngusie (Tasik Biru), Datuk Sylvester Entrie Muran (Marudi) Rosey Yunus (Bekenu), Paulus Palu Gumbang (Batu Danau) enggau ke padu baru diatu, Mawan (Pakan).

SUPP semina menang ba 6 ari 19 iti penuduk, tang empat iku pengari rayat nya ningkilka diri sereta tama TERAS kena 15 May tu tadi ninggalka Datuk Francis Harden Hollis (Simanggang) enggau Datuk Lee Kim Shin (Senadin) aja dia.

PBB ulih ngetanka semua 35 iti penuduk sida tang PRS alah seiti ari semilan iti penuduk ba jari George Lagong ke mega sama tama TERAS.

Ku Jeffery, gaya politik ke nyadi di Sarawak ditu deka mar agi enti enda diputarka tumu, laban nya ukai semina deka meri penanggul ke besai agi ti deka ngujungka penama Umno kitu dipelabaka enda ulih ditagang agi ila.

" Tu meh pekara ti ngirauka ati aku.

Aku ukai deka nguji ngajar orang politik di menua Sarawak sentang pekara ke patut dikereja sida tang ngelalau sida ngambika enda muka awak ngagai UMNO tama kitu".

Print Friendly

Empawi minta pengasih ari tukey lama meli kaki palesu ke baru

Posted: 04 Jul 2014 10:19 AM PDT

SIBU: Empawi Garaji, 53, ti putus kaki kiba lebuh ke gawa ba sebuah kem kom-peni kayu batang dua taun ke udah, begunaka bantu kena nyilih kaki palesu iya ke udah rusak.

Iya diatu enda bepengerai sereta nadai pengawa ngara-pka tukey lama iya mantu meli kaki palesu ti baru ke iya.

Empawi nadai gawa agi pengudah putus kaki kiba nya ba sebengkah penudah bebadi ke nyadi ba endur iya gawa ba kem kompeni kayu batang di Belaga kena 5 Oktober 2011, pukul 3.30 lemai.

"Aku benung narit tangki minyak ngena trektor lebuh kabel ke dikena aku narit nya putus sereta nyipat kaki kiba aku.

"Aku ngumbai diri mati laban mayuh pansut darah, tambah mega maya nya semina aku kediri sereta jauh endur ngulihka bantu," ku iya lebuh ke dikerandau pemberita di rumah iya ba Rh Ambrose Pengiran Nanga Ngungun, Kanowit.

Urung setengah jam udah nya baru bisi orang datai mantu pengudah iya ditemu seraban mekanik, ke alai iya lalu dianjung berubat ngagai Kelinik Pengerai di Sungai Asap.

Ku Empawi, pengudah berubat di Kelinik Pengerai di Sungai Asap, iya lalu dianjung nampung perubat di Sepital Bintulu.

Enda lama udah nya, iya lalu dikemendar berubat ba Sepital Sibu ngambika bini enggau anak mudah agi ng-intu iya.

Ku Empawi, tukey iya semina bisi mayar RM1,200 unkup servis ambulans ari Sepital Bintulu ke Sepital Sibu.

"Nyentuk ke diatu, aku nadai menerima sesen pan pampas tauka duit pengasih ari kompeni nya taja pan aku udah gawa enggau kompeni nya ngelama 12 taun.

"Udah aku pansut ari sepi-tal, aku suah niki ngagai opis kompeni ti bepangkalan di Miri minta bantu sida meli kaki palesu ke baru tang sida madahka diri enggai," ku iya.

Aku diasuh kompeni nya minta bantu ari Pertubu-han Keselamatan Sosial (PERKESO).

Ku Empawi, iya neri-ma pampas enggau bayar ninting bulan RM600 ari PERKESO.

Iya mega bisi nerima RM150 sebulan ari Opis Pengintu Pengelantang Men-sia Mayuh(JKM).

"Diatu kaki palesu lama ke diberi ari Bagi pengasih Sepital Sibu patut diganti.

Taja pia, aku enda tebelika kaki palesu ti baru laban enda chukup belanja, tam-bah mega tiga iku anak aku mengkang besekula," ku iya.

Berindik ari nya, iya amat ngarapka bantu ari tukey lama iya.

Print Friendly

Pengerami Ngiling Tikai BPAC richah, mandangka penegap sukung ngagai raban nya

Posted: 04 Jul 2014 10:18 AM PDT

LONG LAMA: Komuniti ke ngelaban pengawa ngaga Tekat hidro-elekterik Baram ujung minggu tu tadi udah beserumpu ngatur pengawa Ngiling Tikai ba palan endur sida ngempang jalai di Long Lama, Baram.

Chairman Save  Sarawak  Riv-ers  Network (SAVE Rivers), Peter Kallang madah, urung 500 iku nyengkaum bansa Iban ari Baram enggau Tinjar, Kenyah, Kayan, Berawan, Tering, Melayu, Penan enggau China ari Baram, Tinjar, Tutoh bela bisi ngulu pengerami nya.

"Pengerami nya udah digulu semua peranak menua tu.  Semua ke datai ngulu pengerami nya udah mandangka kerejasama ke manah.

Adap ke pagi sehari nya ba rumah ke didiri endur bejalaika pengawa ngempang jalai nya, mensia mayuh ngereja mayuh macham pengawa dia baka nyumai, belagu sereta betanda lalu bisi mega sekeda ngias palan nya.

Mensia mayuh ke bisi dia sehari nya datai ari mayuh bengkah pupu raban bansa di Baram, lalu sida gaga ati sereta begulai enggau pangan diri," ku penerang ti diemel Peter ngagai The Borneo Post kena Hari Satu tu tadi.

Sama bisi dia maya nya, peranak menua ari genturung pendiau bukai enggau pelilih menua bukai ti sama bela bisi ngempang jalai ngelaban pengawa berimbaka kayu nengah chara belalai sereta ngerampas tanah Adat Bansa Asal (NCR).

Ku Peter, atur pengawa ke penudi endar iya nya ngetas ranyai seraya nyuaka pemeri raban pengatur pengerami, 'Baram Protection Action Committee' (BPAC) ngambika bisi dikena melanja pengawa ngempang jalai ke dipejalaika di Long Lama nya.

Nangkan ke nya, sida mega lalu betanda, belagu sereta berami nyentuk ke hari seiti.

Lebuh ngelaluka penatai penyukung ngagai pengerami nya, Chairman BPAC, Philip Jau madahka diri teperansang ati meda sukung ari mayuh bengkah mensia kenyau sida bejalaika pengawa ngempang jalai nya kena 23 Oktober, taun nyin kemari.

"Pengerami Ngiling Tikai tu ngelaika pengawa ngempang jalai nya udah dipejalaika ngelama 250 hari.

Sukung pengawa ngempang jalai nuju palan endur ngaga tekat hidro-elekterik nya mengkang tegap.

Nengah penyampau sukung enggau kerejasama tu, kami ulih napi sebarang pekara ke nyadi dudi tu ila.

Kami ukai orang jai ti ngelanggar undang-undang tang kami peranak menua ti enda dikeibuh sereta didingaka sida penemu.

Kami deka ngetanka ungkup kami," ku Philip.

Print Friendly