» »Unlabelled » Jabu besemaya nyaup mutarka penanggul sida BorneoPost Online | Borneo , Malaysia, Sarawak Daily News » Berita Iban - New 2 Borneo

05:15:00

Jabu besemaya nyaup mutarka penanggul sida BorneoPost Online | Borneo , Malaysia, Sarawak Daily News » Berita Iban - New 2 Borneo

Jabu besemaya nyaup mutarka penanggul sida

Posted: 10 Jul 2014 09:06 AM PDT

Taja pan nadai pengari tang pengelantang enggau pengelikun meruan dikemerat, ku Sidu

Dikarang Chris Bishop //

KUCHING: Komiti Pe­mansang enggau Penge­likun Genturung Pen­diau (JKKK) Desa Wira, Batu Kawa ngarapka Sapit Kepala Menteri Datuk Patinggi Tan Sri Alfred Jabu ulih nyaup mutarka sekeda penanggul sereta pemar ke ditapi sida ke nguan genturung nya.

Berindik ari pengangkun peranak menua dia ke perin­tah Barisan Nasional (BN) tajapan nadai pengari nga­rika sida pengudah pemutus pengawa bepilih bedau lama tu tadi, Pengulu Sidu John (Zon Batu Kawa) madah, pengelantang sereta penge­likun ungkup genturung nya seruran dikemeratka belama.

"Pengari kami, Datuk Yong Khoon Seng alah maya pengawa bepilih apin lama ke udah, taja pia peranak di genturung pendiau ditu endang angkun ke perintah BN.

"Apin lama ke udah, aku betemu enggau Jabu lalu nelai iya senentang pemar ke ditapi peranak menua genturung nya pengudah BN alah.

"Jabu besemaya deka nyaup lalu minta semua pekara dikenatai terus ngagai iya," ku Sidu lebuh dik­erandau pemberita kemari.

Sidu ke mega ketuai kom­iti nya, bela digulu raban tuai rumah (TR) madah, komiti nya udah ngatur kerejasama enggau Opis Kaunsil Kandang Bandar Padawan (MPP) senentang pemansang sereta penge­likun ke patut dipenggi ngagai Desa Wira.

"Mayuh pengawa ke patut dipejalai baka ngemanahka parit, ngaga lampu jalai sereta bungkung jalai patut dikelengkas.

"Pekara tu udah dikeja­kuka enggau MPP ke alai kitai mega deka nganjung seiti surat bekaul enggau pekara tu ngagai Sapit Kepa­la Menteri.

"Arapka Jabu ulih ngarika kami di Desa Wira mutarka sekeda penanggul sereta pe­mar ti ditapi peranak menua di genturung pendiau ditu," ku iya.

Sidu nambah, tiap iku kaban dalam komiti udah dibagi pangku pengawa diri baka matau pemanah enggau pemeresi parit, pemanah lampu enggau pekara penge­likun bukai.

Raban TR ba komiti ti bet­uaika Sidu, iya nya TR Edward Jahai (Taman Desa Wira), TR Andam (Desa Wira Lot Fasa I), TR Robert Dino (Desa Ria Lot Fasa II) enggau Rantai Tading (Sekretari JKKK).

Print Friendly

Seiku lelaki nguna duit pelesu meli jemari

Posted: 10 Jul 2014 09:05 AM PDT

SIBU: Polis ditu mujur nyidi seiku saspek lelaki dipela­baka meli jemari ngena duit keretas pelesu ba sebengkah kedai jemari di Sibu Jaya bulan seiti nyin kemari.

Nitihka ripot, saspek ke beumur lebih kurang 40 taun nya mujur dikelala pengudah polis mansuk kes nya berindik ari tusi orang ke ngaga ripot.

Maya kes tu nyadi, lelaki nya datai ngelawa kedai je­mari laban deka meri jemari lalu mayar terus nguna 18 lambar duit RM50.

Taja baka nya, pengudah diperesa semua duit nya baka ke tulen tang nyelai, tauke kedai terus meresa silik lalu pengujung baru iya nemu semua duit nya pelesu.

Polis terus begiga pen­gudah nerima ripot nya, nyengkaum mansik nengah kamera lalai(CCTV).

Pengawa polis ke nyidi saspek mujur pengudah polis betembung enggau saspek ke baru deka tama sebuah supermakit ba Jalai Pedada pagi kemari.

Saspek diatu diriman dua hari dikena mantu polis mansik kes nya sereta nyidi dini saspek bulih duit pelesu nya.

Print Friendly
We encourage commenting on our stories to give readers a chance to express their opinions; please refrain from vulgar language, insidious, seditious or slanderous remarks. While the comments here reflect the views of the readers, they are not necessarily that of Borneo Post Online. Borneo Post Online reserves the right not to publish or to remove comments that are offensive or volatile. Please read the Commenting Rules.

Hisham: JBPM deka ngatur sebengkah program kena nyeliah penusah angus

Posted: 10 Jul 2014 09:04 AM PDT

KUCHING: Opis Pengerara Api (Bomba) enggau Penyah Penusah Malaysia (JBPM) Sarawak deka ngatur 300 program mungkur rumah panjai sereta genturung pendiau di serata nengeri tu belabuh ari taun baru tu ila.

Direktor opis nya, Nor Hisham Mohammad ma­dah, ari pemayuh rumah panjai enggau genturung pendiau sereta rampa menua ke enda sebaka, belanja ke deka dikena nyangka mang­gai RM270,000.

Kami ngemeratka atur tu berindik ari pemayuh penyadi rumah panjai ke angus, naka ke diatu (Jun), penyampau nya bisi dalam 13 kes mungkur 292 pintu sereta napi pengerugi urung RM21.3 juta.

"Nya alai, program dikena nyeliah penusah angus patut dipejalai lebih agi dikena meri penemu ngagai mensia mayuh pasal chara nyeliah penusah angus," ku iya.

Iya madah munyi nya ba sebengkah atur pengawa beserumpu Ramadan JBPM di opis nya di Petra Jaya ditu, lemai ensana.

Sama bisi ngulu atur pen­gawa nya, Menteri Peng­intu Pengelantang Pendiau Nengeri, Pengawa Berumah enggau Opis Kandang Men­ua, Datuk Abdul Rahman Dahlan.

Kelimpah ari nya, Nor Hisham madah, urung 35 iku raban bomba ti ngatika diri (PBS) udah ditumbuh di Sarawak lalu ari penyampau nya, semina 16 tim ke bisi injin.

Iya nandu, ukai semina nya aja, Sarawak agi begu­naka urung 14 balai bomba enggau penyah penusah ngambika muntang agi ra­ban nya ngereja pengawa.

Taja pia, laban kurag ungkup sereta agih belanja dikena ngatur aktiviti, kami semina ngarapka PBS ke chukup kena mantu Bomba ba endur ke nadai balai bomba," ku iya.

Sebedau nya, Abdul Rah­man ngungkupka perengka kena madamka api ngagai 2,426 rumah panjai ke udah dirijista di menua tu.

Iya mega madah, deka baum enggau opis menteri iya, ukai semina nyendiaka 19 buah injin tang mega deka nyendiaka unit bilun bomba ke Sabah enggau Sarawak.

Ba atur pengawa nya mega, sida bisi nyuaka bantu ngaga anak patu balu ari ru­mah Pengintu Pengelantang Pendiau Laila Taib.

Print Friendly

Pemeresi ai Sungai Sarawak patut ba Kelas IIB

Posted: 10 Jul 2014 09:03 AM PDT

Nengah RWQMP ti dipejalaika NREB, perintah nengeri deka suah agi matau, meresa tikas kualiti ai

Dikarang Rengenyan Labang //

KUCHING: Perintah nengeri nagit deka nentuka kualiti pemeresi ai Sungai Sarawak manggai ba Kelas IIB, tikas enda ngeruga pengerai men­sia mayuh taja pan bisi kena pechik tauka sepuh ai nya. Pemesai Pengemata Pe­manah Rampa Menua, Opis Pengeraja Asal enggau Rampa Menua (NREB) Nur Aida Az­man madah, dikena ngemujur tagit nya NREB bisi ngatur Program Ngemataka Pemeresi Ai (RWQMP) ti dipejalaika kenyau taun 1999.

Iya madah, atur RWQMP nya bepelasarka pemutus perintah nengeri ti ngemataka pemeresi ai ba semua sungai di Sarawak manggai ba Kelas IIB renggat NWQSM.

"Bisi sekeda sungai kitai udah manggai ba Kelas IIB, tang tagit perintah nengeri diatu iya nya Sungai Sarawak (tagit kelas IIB) laban Sun­gai Sarawak tu ba kandang mengeri, tikas pemeresi patut dikemerat.

"Berindik ari nya, kami nengah atur RWQMP eng­gau juluk deka ngenuku sereta ngenetapka kualiti ai ba semua batang sungai besai, mansik ke­buah penanggul pengamah ai, ngenetapka bansa pengamah ti rarat ke sungai sereta ngumpul penerang sereta nyaran atur ti patut dikereja kena ngemer­anka pemeresi ai sungai.

"Nambahka nya mega kami begulai enggau Opis Parit eng­gau Entali Ai (DID) bejalaika 'Program Satu Negeri Satu Sungai' dikena nentuka sun­gai beresi sereta nyadi aset ti pemadu berega," ku iya.

Nur Aida mansutka pekara nya lebuh ditanya dalam sesi tanya saut pengudah 'Talks On Sustainable Development' nyerumba Program 'Youth Green X-Change' ti diatur begulai entara NREB, Angka­tan Zaman Mansang Sarawak (AZAM Sarawak), World Wide Fund for Nature (WWF-Malaysia), Trienekens Sdn Bhd (Sarawak), Opis Rampa Menua enggau Sarawak Ener­gy Berhad (SEB) ba Kompleks AZAM ditu, kemari.

Nambahka nya iya madah, NREB mega mekuh ng­atur program begulai enggau komuniti dikena nentuka kualiti pemeresi ari Sungai Sarawak tejapaika tagit Kelas IIB.

"Ambika banding kena mutarka penanggul pengamah ai Sungai Tabuan sebengkah chara kami iya nya ngatur gotong-royong meresi sungai nya enggau komuniti, ti deka diatur udah Hari Raya tu ila," ku iya.

Nengah program ngema­taka pemeresi ai, Nur Aida madah, penyuah matau tauka ngemataka pemeresi ai nya dipejalaika sebulan sekali, dua bulan sekali, tiga bulan sekali enggau enam bulan sekali.

Ambika chunto, baka Sungai Sarawak kami matau sereta ngemataka iya sebulan sekali laban sungai tu ba kandang mengeri, ku iya.

Nitihku Nur Aida, ba taun 2012 bisi 59 sungai enggau 258 stesyen dikemataka NREB nengah program nya.

Ba taun 2012 ku iya entara sungai ke ditemu kamah iya nya Sungai Batang Lupar, Batang Samarahan, Sungai Maong, Sungai Padungan, Sungai Sekama enggau Sungai Tabuan, lalu ke beresi iya nya Batang Skrang enggau Batang Undup di Sri Aman.

"Tikas kualiti pemeresi sungai di Sarawak ba taun 2012 iya nya ari 59 batang sungai ke dikemata, 10 peratus ba tikas beresi, 29 peratus kamah enggau 61 peratus numbas pemeresi," ku iya.

Print Friendly

MPP deka matau pemeresi palan bedaja ninting hari

Posted: 10 Jul 2014 09:01 AM PDT

KUCHING: Pemeresi palan endur bedaja di Desa Wira, Batu Kawa lebih agi parit besai ke be­sendi enggau bansal endur bedaja deka dipatau raban pemesai ari Opis Kaunsil Kandang Bandar Padawan (MPP).

Chairman MPP, Lo Khere Chiang madah raban pemesai ari MPP deka dianjung matau kan­dang nya ninting hari ngambika orang ke bedaja dia enda sengapa muai uras ke dalam parit ke baru udah tembu dikemanah sereta digaga penutup bedau lama tu tadi.

"Kitai ngemeratka pemer­esi palan bedaja ditu lalu ngarap kerejasama ari orang ti bedaja ngambika enda muai uras ke dalam parit.

"Dikena nentuka pemeresi manggai ba tikas ke tinggi, aku deka ngasuh raban pemesai ari MPP matau palan bedaja ninting hari," ku Lo.

Iya mansutka jaku tu lebuh dikerandau pemberita ba pen­emuai ngemataka projek ngaga penutup parit besemak enggau bansal bedaja ke baru udah tembu di Lorong Lima Desa Wira, Batu Kawa ditu, kemari.

Iya nambah, taja pan MPP angkun nentuka palan nya ber­esi belama, naka ke diatu nadai sebarang ukum bisi dilempai ba orang ke bedaja ti muai uras ke dalam parit.

"Kitai semina minta kere­jasama ari sida ngambika muai uras ba palan ke disedia lalu enti sida mengkang bingking, kitai nyadang deka ngelempaika ukum jemah," ku iya.

Projek ngaga penutup ba parit besemak palan bedaja di Desa Wira pemanjai 150 meter tembu bedau lama tu tadi nengah belanja RM200,000.

Kelimpah ari nya, Lo mega ma­dah, MPP deka ngemanah parit semanjai 70 meter ke udah pechah ba jalai penama ngagai Desa Wira nengah ungkus RM150,000 ba awak ke semak tu.

Kededua projek entara sekeda ari pengawa MPP ti deka ngema­nah semua parit ba kandang endur ke dikuasa MPP nengah Atur Pemansang Malaysia Lumpar Ke-11 (RMK11).

Lo kala nyebut, MPP begu­naka belanja enda kurang ari RM60 juta ungkup pengawa ngemanah parit sereta nagang bah ngenyit.

"MPP minta kerejasama ari mensia mayuh ngambi mere­tika pemar ke ditapi ejensi, sekeda penanggul engka enda ulih diputar dalam timpuh ke pandak.

"Kitai nerima macham sebana ari mensia mayuh lalu MPP seru­ran deka mending sereta mutarka penanggul sida nengah saup ari ejensi bukai baka ke Opis Kereja Raya (JKR), Opis Tanah enggau Penyukat (JTS) enggau Opis Parit enggau Entali Ai (DID).

Ngenang kaul ke sama, Lo mega madah mensia mayuh ke diau dalam kandang endur ke dikuasa MPP tau ngenataika sebana sida ngagai lima iku kaun­silor ke udah dipadu megai tiap bagi menua.

Bela nyempulang Lo ba pen­emuai nya, Kaunsilor MPP (Batu Kawa) Li Tze Min enggau raban pemesai ari MPP ke bukai.

Print Friendly

Koridor ‘Asia’s Longest Wildlife’ dikearap ulih nambahka populasi, ngenyauh pemindah jelu

Posted: 10 Jul 2014 09:01 AM PDT

KUCHING: Perambu Kori­dor Asia's Longest Wildlife ditagit sereta dikearapka ulih nambahka populasi sereta ngenyauhka pemin­dah jelu ti dijaga enggau diibun ba Taman Negara di Pulau Borneo.

'Head of Conservation, World Wide Fund for Nature' (WWF-Malaysia) Dr. Henry Chan madah, perambu nya udah dike­nataika ngagai perintah nengeri sereta nerima timbal ti manah.

Ku iya, pekara bekaul enggau perambu koridor nya kala dipejuraika dalam aum besai 'Nadi Borneo' taun nyin kemari entara Malaysia, Brunei enggau Indonesia, sereta deka dipe­juraika baru dalam aum taun tu di Indonesia.

"Perintah udah num­buhka Taman Negara kena nyaga enggau ngintu utai idup enggau utai tumbuh, lalu enggau penumbuh Tan­am Negara tu sida jelu siga ke dijaga enggau diintu nya tusah deka pansut ngagai en­dur (Taman Negara) bukai ti ngujungka penyampau jelu tu nadai nambah.

"Tang nengah koridor tu, jelu tu ulih mindah ngagai endur bukai sereta pengerai enggau genetik jelu tu ulih dikenegap sereta betambah.

"Nambahka nya nengah koridor tu mega piak perin­tah enggau kompeni ulih ngemesaika agi kandang endur (taman Negara)," ku iya lebuh ditanya dalam sesi tanya saut.

Dulu ari nya Henry meri licha dalam program 'Talks On Sustainable Develop­ment' nyerumba Program 'Youth Green X-Change' ti diatur begulai entara Opis Pengeraja Asal enggau Ram­pa Menua(NREB), Angka­tan Zaman Mansang sarawak (AZAM Sarawak), WWF-Malaysia, Trienekens Sdn Bhd (Sarawak), Opis Rampa Menua sereta Sarawak En­ergy Berhad (SEB) ba Kom­pleks AZAM ditu kemari.

Lebuh ditanya kemaya koridor nya deka dipejalai­ka, iya madahka, dipejalaika bererenggat.

"Koridor tu deka dipe­jalaika nganti pemutus ari perintah Malaysi-Brunei-Indonesia," ku iya

Koridor nya diperambu nyambung Taman Negara di Pulau Borneo nyengkaum Gunung Kinabalu, Crocker Range, Singai Ingei, Gu­nung Mulu, Pulong Tau, Kayan Mentarang, Betung Kerihub, Lanjak Entimau, Batang Ai, Danau Sen­tarum, Bukit Baka /Bukit Raya enggau Sebangau, Indonesia.

Print Friendly