» »Unlabelled » Opis Pengerai minta kerejasama ngapuska nyamuk Aedes

22:28:00

Opis Pengerai minta kerejasama ngapuska nyamuk Aedes

Opis Pengerai minta kerejasama ngapuska nyamuk Aedes

Posted: 22 Mar 2014 08:13 PM PDT

Opis Pengerai minta kerejasama ngapuska nyamuk Aedes

Oleh : NewsDesk

Tarikh Disiarkan : 23-Mar-2014


SIBU: Opis Pengerai Sibu udah ngeluarka tesau bekaul enggau langkah kena munas tauka nagang nyamuk Aedes betelu sereta enggau nagang penyakit Denggi maya kemisi sekula tu. Nitihka penerang media nya, penyakit denggi nya penyakit ke dibai virus denggi ke datai ari gigit nyamuk Aedes lalu nadai ubat ke chukup nengkeman kena ngubat penyakit nya, semina ari pengawa ke nagang sereta nentuka nyamuk Aedes nya diapuska ba kandang poendiau.

Tegal nya, Opis Pengerai Sibu minta mensia mayuh enggau semua sekula ngambi langkah bejaga-jaga maya kemisi sekula ke deka datai tu ila ke alai sida patut ngatur pengawa meresi kandang sekula sereta enggau rumah kena nentuka nyamuk aedes nadai alai betelu. Opis Pengerai Sibu begulai enggau Komiti Nagang Penyakit Denggi Berampit Daerah Sibu minta mensia mayuh selalu bejaga-jaga sereta ngatur pengawa kena nagang tauka munaska nyamuk aedes. Sekeda ari langkah ke patut diperatika nyengkaum: Ngapus tauka numbakka barang ke dibuai ke ulih nakung ai baka tayar, tong chat, tin kusung, botol kacha, halmet lama, bag polisterin, mangkuk mi segera, bag plastik enggau semua barang ke bukai ti ulih ngundan ai.

Tentuka semua barang ke diguna kena nyimpan ai baka botol, tong, beledi pasu bunga, talam peti ais, pengelapit rak pinggai, tempat alai ngengkah bunga, pam enggau mangkuk agu, sereta perengka ke bukai kena nentuka nyamuk aedes nadai peluang betelu. Tentuka semua perengka nya ditutup rapit tauka engkah ubat kena munuh anak nyamuk (Abete). Orang ke selalu keluar rumah tumu pagi tauka maya lemai hari, patut ngena pekayan ke ulih ngelindung tubuh kitai ari gigit nyamuk kelimpah ari ke nguna repellent. Tentuka tempat semak babas ngelingi sekula enggau rumah diberesi. Enti tetemuka sebarang utai tanam tauka batas sayur, pun pisang, keladi, nanas enggau tanam ke bukai patut di tebas lalu dibuai.

Mensia mayuh mega dipinta nyembur nguna rachun indu utai (Aerosol) ba tempat alai diau tauka dalam rumah kena munuh nyamuk Aedes ke bisi dalam rumah nya. Enti bisi ngasaika diri enda nyamai isi tauka sakit, terus ngelawa Klinik Pengerai enggau jampat awakka diperubat. Mensia mayuh mega dipinta besama nagang nyamuk aedes betelu lalu nitihka atur ke udah ditetapka Opis Pengerai Negeri Sarawak ke tua di muat turun ari laman sesawang www.myhealth.gov.my tauka www.infosihat.gov.my Arapka enggau langkah baka tu semua kitai ulih nentuka rumah, kandang rumah, sekula sereta enggau tempat ngelingi pendiau kita selamat ari penyakit denggi ke dibai nyamuk Aedes.

comments powered by

Loji Penapis Ai Bayai deka tembu Jun tu

Posted: 22 Mar 2014 08:09 PM PDT

Loji Penapis Ai Bayai deka tembu Jun tu

Oleh : NewsDesk

Tarikh Disiarkan : 23-Mar-2014


SRI AMAN: Projek ngangkatka tikas pemanah Loji Penapis Ai Bayai di Sri Aman diatu udah kira 80 peratus tembu, ku Penulung Menteri Pemansang Menua Pesisir enggau Pengawa Berumah, Datuk Francis Harden Hollis. Iya ke mega nyadi Kaban Kunsil Negeri (ADUN) Simanggang nyebut munyi nya lebuh ditemu pemberita maya Program Nemuai ngagai Loji Penapis Ai Bayai Besama Bala Tuai Raban Bansa ditu hari Lima tu tadi. Ku Harden, selebih 20 peratus projek ngangkatka pemanah Loji Penapis Ai Bayai berega RM43 juta nya nyengkaum kereja nyambung pengawa elektrikal enggau mekanikal sebedau iya tembu bendar dalam bulan Jun taun tu.

"Lebuh udah tembu ila, Loji Penapis Ai Bayai tu ulih memproses ai beresi dalam kapasiti 33 Juta Liter Sehari (MLD) bebanding enggau kapasiti ke diatu semian 13 MLD. "Tu dijangkaulih nangkup peminta ari kira 60,000 iku pengguna kelimpah ari peminta tambah ari rayat di Sri Aman dudi hari ila," ku iya. Lebuh projek tu udah tembu, Opis Kereja Raya (JKR) ku Harden deka mantau kena nentuka pemanah bekal ai nya terus lebih agi musin kemarau tauka maya ujan kena nentuka penyampau ke patut ditambah. Serimbai enggau nya perintahku Harden mega udah ngemendarka agih belanja RM2 juta kena bejalaika projek nukar paip AC lama ngagai paip HDPE ke lebih bekualiti dalam peringkat Fasa I di Sri Aman.

"Projek nukar paip AC ngagai HDPE bagi peringkat Fasa I tu deka dikereja ba kandang Jalai Resak, Taman Bayu, Jalai RTM Lama enggau beberapa kandang bukai ba Bandar Sri Aman. "Kami diatu benung nganti proses tender ke dipelabaka bejalai selama dua bulan. Selepas tender diberi ngagai syarikat ke dipilih barulah projek nukar paip nya deka belabuh dikereja," ku iya. Sama datai nyempulang iya Engineer JKR Bagi Menua Sri Aman, Cassidy Morris enggau Sapit iya, Noor Ismail Razali, Sapit Chairman Majlis Daerah Sri Aman, Kanselor Sawing Sumar, staf JKR Sri Aman enggau bala tuai raban bansa di menua nya. Dulu ari nya, Harden besama staf JKR Sri Aman enggau bala tuai raban bansa ditu udah bepeluang selama sejam ninjau proses ngangkatka pemanah Loji Penapis Ai Bayai ba Empango, Sri Aman.

comments powered by

Tambahka agi penenu enggau pengelandik ba pengawa dagang

Posted: 22 Mar 2014 08:07 PM PDT

500 Internal Server Error

The server encountered an internal error or misconfiguration and was unable to complete your request.

Please contact the server administrator, webmaster@utusansarawakonline.smartweb.com.my and inform them of the time the error occurred, and anything you might have done that may have caused the error.

More information about this error may be available in the server error log.

Additionally, a 500 Internal Server Error error was encountered while trying to use an ErrorDocument to handle the request.

Pengawa nyaga biodiversiti dikemeranka

Posted: 22 Mar 2014 08:06 PM PDT

Pengawa nyaga biodiversiti dikemeranka

Oleh : NewsDesk

Tarikh Disiarkan : 23-Mar-2014


TANJUNG MANIS: Sarawak komited dalam pengawa nyaga status iya nyadi negeri 'hijau' asil ari pemanah atur nyaga kampung bakau enggau manah, ku Menteri Pengatur Sumber enggau Rampa Menua, Datuk Amar Awang Tengah Ali Hasan. Iya madah, perintah negeri mega ngalau kira 6.47 juta hektar tanah nyadi kampung kekal tauka 52.2 peratus ari semua pengeluas negeri Sarawak. "Pengawa ke bepelasarka konsep atur nyaga kampung tuai dikereja enggau lebih teratur agi sereta lebih komprehensif ke ngambi kira penyereta semua. "Kemaya hari tu senario nyaga kampung napi mayuh chabar sereta penanggul laban pengawa nya ukai semina nyaga kampung tang mega pengawa nentuka kampung diintu selama iya.

"Kena nentuka pengawa nya kami terus ngatur program pemereti ati ke tinggi ngagai rayat menua tu. Pengawa tu enda ulih mujur enti nadai sukung ari semua rayat, " ku iya lebuh bejadi pengerami Nyambut Hari Tanjung Manis enggau Hari Kampung Antarabansa Peringkat Negeri, ditu, kemari. Sama datai nyempulang iya Penulung Menteri Rampa Menua, Datu Len Talif Salleh, Penulung Menteri Rengka Rama, Datuk Sylvester Entri Muran, Penulung Menteri Pemansang Menua Pesisir, Datuk Julaihi Narawi enggau General Manager Pusaka, Datu Serudu Hoklai. Awang Tengah mega madah, perintah negeri udah nguatkuasa kandang seluas satu juta hektar nyadi kandang dilindung penuh nyadi taman negara enggau alai pendiau jelu siga. "Pengawa tu dikereja laban kami mandang serius pemesai guna nyaga biodiversiti, flora enggau fauna di negeri tu. "Ba maya ke sama, kami mega enggau naka ulih nentuka abis kurang satu juta hektar kandang kampung ke dilindung penuh.

"Kami ukai semina nyaga tang nama baru kayu kampung. Tu langkah beguna kena betimbangka pemansang sosioekonomi enggau rampa menua. "Kami bisi nerima mayuh jaku puji ari peringkat antarabansa nyengkaum Gerempung Kayu Tropika Antarabansa (ITTO)," ku iya Ngenang pasal perengka guna rayat Tanjung Manis, iya madah, perintah benung bekereja keras ngemansangka rengka rama ke lebih manah agi ngagai rayat dia "Pengawa ngaga balai Bomba nya siti ari pemansang ke deka ditekanka dulu sereta ngangkatka tikas bekal ai beresi," ku iya nambah.

comments powered by

Pengelikun Negeri Sarawak lumur satu

Posted: 22 Mar 2014 08:05 PM PDT

500 Internal Server Error

The server encountered an internal error or misconfiguration and was unable to complete your request.

Please contact the server administrator, webmaster@utusansarawakonline.smartweb.com.my and inform them of the time the error occurred, and anything you might have done that may have caused the error.

More information about this error may be available in the server error log.

Additionally, a 500 Internal Server Error error was encountered while trying to use an ErrorDocument to handle the request.

Dialog beri peluang rakyat kongsi idea perpaduan

Posted: 22 Mar 2014 08:01 PM PDT

500 Internal Server Error

The server encountered an internal error or misconfiguration and was unable to complete your request.

Please contact the server administrator, webmaster@utusansarawakonline.smartweb.com.my and inform them of the time the error occurred, and anything you might have done that may have caused the error.

More information about this error may be available in the server error log.

Additionally, a 500 Internal Server Error error was encountered while trying to use an ErrorDocument to handle the request.