Pansik Madahka Tekat Ti Besai-Besai Tau Mai Penusah Besai Ngagai Ekonomi Menua |
| Pansik Madahka Tekat Ti Besai-Besai Tau Mai Penusah Besai Ngagai Ekonomi Menua Posted: 14 Mar 2014 06:44 AM PDT Tekat ti besai-besai suah disebut raban orang ti megai perintah enggau raban orang dalam pengawa dagang nyadika agen pemadu beguna dikena nyungkak pemansang enggau pengaya. Taib Mahmud enggau projek SCORE iya enda tekelaung, ti bekaul enggau pengawa ngaga 12 iti tekat besai-besai di menua Sarawak, belabuh enggau 5 buah lalu ke bukai nya dalam 12 bulan ti deka datai ila. Tang sebengkah pansik ti silik ti dipejalaika Universiti Oxford ti tebilang di dunya nya udah ngaga simpul penemu ti madahka projek begagaka tekat besai-besai tu tau bendar mai penusah ekonomi ngagai menua ti merambuka pengawa nya. Pengawa ti ngaga tekat besai-besai nya begunaka ungkus ti kelalu mayuh lalu penguntung ari pengawa nya jarang bendar tepulaika puku iya empu tang semina mai pengerusak ngagai ekonomi enggau rampa menua. Semua sukut tu bedau ngambikira pemerinsa ti deka diasaika raban bansa ti dituntung penanggul ari pengawa ngisi tekatnya enggau pengerusak ngagai batang sungai ti bisi kaul. Ke bendar iya bisi siti upah ekonomi ti balat nguntungka ari projek tekat nya. Ba seraban orang ti enda mayuh tubuh projek nya nyadika peluang ti manah bendar dikena sida ngulih untung bejuta-juta ari duit wang turu menua dikena ngaga tekat-tekat nya. Taib empu, ambi ke chunto, udah tulihka penguntung bebilion-bilion ringgit ari semua tekat ti udah tembu digaga di Sarawak lalu diatu iya udah besedia ngulihka mayuh agi untung ari tekat ti deka digaga nya. Tu meh kebuah projek tekat ti besai-besai nyadika projek ti pemadu dikerinduka raban tuai menua ti rangka. Sekali agi Sarawak Report ulih nyebut genteran "anang meh ngerampas iya ari kami", agi mega Taib seruran nuduh Sarawak Report enggau gerempung-gerempung NGO laban ti dikumbai iya bula sereta betaburka petenah pasal iya. Ditu, bisi sebuah repot ari agensi berita ti tebilang di Britain, BBC, pasal asil pansik Universiti Oxford ba tekat ti besai-besai ti tau bendar nganu nya. 11 Mac 2014 Sekali ke pengawa ngaga tekat ai nya ulih diterima akal? Ulih Lauren Everitt San Francisco Sebuah repot ti baru ari bala pemansik di Universiti Oxford madahka tekat ti besai-besai nyadika siti pengawa beranakka puku dagang ti mudah bendar kena tuntung pengerugi – nyungkak agih belanja lebih ari ti ending ditagaka ari pun, nengelamka pengawa dagang, nambahka tating utang lalu puntan meri penguntung baka ti disemayaka. Sekali ke pengawa ngaga tekat nya ulih diterima akal? Dinding simen tekat Hoover ba peninggi 60 tingkat. Dinding nya digaga ari penyampau simen ti chukup dikena ngaga jalai alun ari nengeri New York nyentuk ngagai San Francisco – sebengkah pengawa ti nyadi kelai pengelandik mensia ngalahka rampa menua lalu mega nyadika temegah ba pelajar enjinir abad ke-20. Tekat nya udah bulih tanda puji ketegal ti udah mantu ekonomi menua Amerika sepengudah rambau pengusut penatai pemisi menua ti balat, enggau chara ngisi sungai Colorado ti suah dituntung bah dikena ngulihka kuasa elektrik ti murah disambungka ngagai menua adap ke timur-laut. Pekara ti nyelai nya pengawa ngaga tekat Hoover ditembuka dua taun tumu ari maya iya patut ditembuka lalu $15 juta kurang ari agih belanja. Tang ba raban orang ti mantah tekat ti besai-besai, Tekat Hoover nya nyadika sebuah projek ti jauh bendar udah limpang ari stindit iya. Bala pemansik ari Oxford udah meresa 245 buah tekat ti besai-besai – semua nya ba peninggi dinding lebih ari 15 meter – ti digaga entara taun 1934 enggau 2007. Tebal agi ari pemayuh tekat nya, tekat-tekat nya ukai nyadika ekonomi ti bedaya mansang. Tang udah bekau ti lama enda engkeretik dalam kurang lebih 20 taun, tekat ti besai-besai sekali agi nyadika tiket dikena ngangkatka pengeraja menua. Menua-menua baka China nyentuk ke Brazil, meraka Pakistan enggau Ethiopia, diatu ditemu berebut-rebut begagaka iya. Utai tumbuh ti tengelam ulih ngeluarka gas metana Andy Hughes ari Gerempung Tekat Britain nunjukka ba Laos enggau Vietnam nyadika chunto ke menua-menua ti ngaga tekat ti ngena kuasa elektrik enggau penuh. Tang Bent Flyvbjerg, kepala raban pemansik Universiti Oxford madahka tekat nya "ngeluarka gas karbon enggau empas rumah ijau". Nambahka nya, ku iya, utai tumbuh ti tengelam dalam ai tekat deka ngeluarka gas metana, iya nya empas rumah ijau ti dianggarka 20 kali lipat balat agi berachun ari gas selama karbon dioksida. Tang, kenu ku iya nambah, sara penemu iya nya semina bekaul enggau tekat ti besai-besai aja. Tekat Nil di Ethiopia tau nanggul ili sungai di Cairo Ekonomi Brazil nya sebuah ekonomi ti manah sereta tegap. Ba menua ti benung mansang, tekat ti besai-besai endang nyemayaka penusah ekonomi. Bisi menua nginjau duit ti mayuh ketegal ti deka ngaga tekat besai nya lalu pengujung iya sida enda tebayarka duit nya pulai laban ngena nyawa mata duit menua bukai ti tegap agi. Taja pan projek ngaga tekat nya begunaka ungkus belanja ti besai bendar, mayuh perintah mengkang enggai ngemaduka pengawa, ku iya. Pengawa ngaga tekat Belo Monte diketuka ari asuh pemutus bala akim dalam taun 2011 Lalu tekat nya ulih nyediaka pengawa. Projek tekat Belo Monte udah diperambuka dikena nyediaka enda kurang ari 20,000 iti pengawa. Pansik nya madahka tekat nya ulih ngurangka ubah ba gaya hari. Ba maya kemarau, tekat dikena mekalka ai ke guna mensia mayuh enggau utai tanam. Ba maya pengujan tekat ulih dikena nagang ai bah. sekeda ari penusah datai ari tekat pechah abad ke-19 Lebuh bala orang diri sebilik benung jenak tinduk, ai ari tekat to pechah mangkaka rumah sida, lalu munuh semua orang tekala nya. Bangkai siku orang udah ditemu ba penyauh 18 batu ari rumah iya empu lalu ba maya ti sama mega, ba urung Jematan Malin aja, 102 iku mati. SEKEDA TEKAT TI BALAT NYADIKA TALAT PENEMU ORANG Belo Monte Three Gorges Diamer-Bhasha Gigel Gibe III |
| Pengelenyau Bilun MH370 Mantaika Pengelemi Pejalai Perintah BN Di Serata Dunya Posted: 14 Mar 2014 06:11 AM PDT  Berita-berita ti enda betul udah nambahka pengeringat orang diri sebilik enggau sida ti agi lenyau Rayat Malaysia udah teleba enggau atur raban tuai menua ti kelas ketiga sida, ti diumbaka pengangkun sida ke sida sebilik aja lalu ukai pemanah pengawa lalu sida mega udah teleba enggau atur ti enda bepengelandik laban udah ditejuka tauka dikemulaka raban penyadung berita ti besaum enggau sida. Pengelenyau bilun MH370 ti nyau dekai datai seminggu tu, mayuh agi menua bukai ti bisi rayat sida nyadi penumpang bilun nya udah ditejuka nganti saut ari bala pemesai perintah nyengkaum bala kroni sida dalam perkhidmatan awam. Sehari tu, isu ti bisi nya udah narit perati media entarabansa. Menua Malaysia empu nyau nyadika buah kenang media lalu cherita nya ukai cherita ti nyamai didinga pending. Agensi berita US, Bloomberg, dulu ari agensi berita menua tasik ke bukai nuliska berita sida. Bloomberg nunjukka pengelemi menua Malaysia nya laban rejim perintah nya kelalu nyamai enggau chara ngenggam sereta nguasa media sida empu. Udah nya bala pengarang berita nunjukka penanggul ti besai pasal chara Malaysia mutarka krisis nya, ti diselampurka enggau penampak ti kurang, lebuh maya penampak beguna bendar, udah dilalaika ngena penerang bala pemesai ti endang nemu pekara ti benung nyadi.  Kaban belayan diteju saru runding Sendiri ari bala pemesai bekaul enggai 'lelaki Asia' ti ditemu ngena paspot enggi orang Eropah enggau pasal 'penerang' ti madahka bilun nya udah nikal nengah arus asal iya udah nyadika penerang ti ngasuh saru ba pengelama beberapa hari, ba utai ti dikumbai enda betanggungpengawa ba penusah tu. Ba komuniti entarabansa ti bukai, tu chara ti enda chukup bepelajar tauka enda landik. Menua bukai ti udah bebendar madamka pengawa penyelawai lalu udah ngerembaika kandang rampa menua ti dikena ngiga bilun enggau penumpang ti lenyau nya, mungkur Tasik India, ketegal komen-komen ti jai, ti udah nya dikeenggaika bala sida ti udah nyebut iya. Ba pun iya repik ti ditemu diatu ditemu ba tengah tasik, besenentang bendar ba endur bilun nya ditemu lenyau, suratberita Guardian ari menua UK udah mansutka jaku bantah sida ngagai menua Malaysia.  Bala orang berikan madahka bisi tetemuka repik tu ngagai Opis Maritim Malaysia, ti udah muai repik nya baru – leka jaku 'boarding' betulis ba atas repik ti dipelabaka akit penyelamat Berebak enggau nya BBC udah dulu nuliska repot sida bekaul enggau ulah Malaysia ti bebula penerang ti dipansutka petunggal Menteri Besai/pemangku Menteri Pekara Perengka Pengangkut ti madahka endur ti bendar bilun ti lenyau nya. Tang bala pemacha berita udah ngelala entara cherita jenaka enggau berita ti bendar ti dipansutka bala pemesai nya. Menua Malaysia, enggau enda berasai udah milih nyadi malu ba mua dunya.  Beguna bendar meri sukung ngagai sida ti begunaka iya Ke bendar iya, sebarang menua ti napi penanggul baka tu enda mega napi jaku bantah ti baka tu. Tang perintah BN kelimpah ari ti mutarka penanggul tu udah jauh bendar tesungkur, lalu nejuka komuniti entarabansa ngelala pengurang ba rejim tu, ti endur bala tuai perintah sida semina berundingka diri mengkang bepagut ba kuasa lalu ngulihka untung sepemayuh ti ulih dikereja sida, ba pengelama ti dikedekaka sida. Ulah orang mayuh ba tikas entarabansa tu nyadika jaku tangkan ngagai BN ti endur sida patut mengkang ba perintah nya ukai ketegal kuasa, tang bejalaika atur ke bala rayat. Enggau ngemendarka jaku bantah tebuka kelimpah ari ngeleseka media lalu nutup semua bala orang ti mantah nya patut diputarka sida diatu. |
| You are subscribed to email updates from Sarawak Report To stop receiving these emails, you may unsubscribe now. | Email delivery powered by Google |
| Google Inc., 20 West Kinzie, Chicago IL USA 60610 | |