Pengelenyau Bilun MH370 Terus Nujuka Tenggau Lampu Dunya Ngagai Tunga Perintah BN

Posted: 17 Mar 2014 03:48 AM PDT

Surat-surat berita menua tasik nyimpul penerang ti ngenyaruka runding sereta bekontra ke bala pemacha sida

Jaku bantah makin ngerembai dalam pengawa pengarang berita bekaul enggau saut ti enda tentu bebatang ari Perintah Malaysia ba pengelenyau bilun MH370 enam hari tu udah ti udah nyungkak peresa ti enda disadang ba atas sistem politik BN.

Agi mega penanggul ti udah nyadi dalam pengelama beberapa hari nya besenutuk bendar enggau pemutus kot ti ngemalu ba atas tuai penyakal Anwar Ibrahim ba dawa 'belema sesame lelaki', terima kasih ke apil ti nyelai dikena perintah ngelaban pemutus akuital ti udah dulu agi dipansutka kot.

Semina beberapa hari sebedau nya dawa undang-undang udah ditinggangka ngagai siku agi tuai penyakal, Karpal Singh, ketegal 'naburka petenah' mega ngujungka iya diukum enggau atur ti enda tentu nyengala. Kedua iti dawa tu, ngeletak ukum jil ti lama, mudah dipeda dunya nyadika dawa bepolitik ti dipejalaika sebuah rejim perintah ti berasa kena keruga.

Hishammuddin Hussein – baka bala tuai ti bukai ti benung napi penanggul, media menua tasik udah diterangka kondisyen dikena mangku pengawa nyadi menteri nya semina begunaka orang ti datai ari orang ti dulu agi nyadi menteri (anak siku Menteri Besai ti dulu suba, Hussein Onn)

Tang ti enda ari ketegal pengelenyau bilun MH370, lampu dunya diatu tentu enda ditujuka ngagai menua Malaysia lalu engka nya semina bisi mimit aja abas ba isu bukai media ti besai agi rampa enggau mega perening orang mayuh.

Ke bendar iya, baka ti ditunjukka agensi berita New York Times ari asil pansik sida empu ba pengelemi politik BN, Malaysia tau ngelarika diri enggau nunjukka iya nya sebengkah menua ti regas, terima kasih ngagai pengawa ngulihka minyak enggau asil tanah ti bukai ti mayuh udah diambi ari menua Sabah enggau Sarawak ti suntuk.

Duit ari asil minyak mega dikena bejalaika pengawa PR ti mar-mar di menua tasik, ti dikena ngemanahka nama sebuah rejim perintah ti bejalaika atur bebelah-bagi enggau korup sereta nunjukka sida nya orang ti bejalaika demokrasi tulin, kelimpah ari nipu enggau nyuap pengundi ba pengawa bepilihbesai.

Rega manuk? Menteri Besai Najib Razak (anak Menteri Besai Abdul Razak) milih numpuka fokus iya ba PR dalam menua diri, taja pan menua benung dituntung penanggul besai nya

Nengah suratberita sida, New York Time udah nyimpulka penemu baru dunya ba Malaysia lalu BNn diatu benung nyadika perati bekaul enggau pengelenyau MH370.

Nya begunaka pengawa ti chakah agi dikena ngubah perening dunya pasal menua Malaysia.

Malaysia Ngenggaika Kuasa Pengelantang Orang Bansa Asal Di Gerempung Bansa

Posted: 17 Mar 2014 03:43 AM PDT

Menua Malaysia udah ngenggaika siti tuduh penemu ba Gerempung Bansa (UN) ti madahka Pelapor Khas UN bekaul enggau Kuasa Pengelantang Orang Bansa Asal patut dikemendarka nemuai ngagai menua nya lalu meresa atur perintah ti diberi ngagai orang bansa asal.

Tu mih siti ari mayuh tuduh penemu ti enda diterima Malaysia udah bekau Repot Pansik (UPR) dipejalaika UN dalam bulan Sepuluh. UPR nya nyadika siti atur pengawa ti bekaul enggau peresa ba rekod kuasa pengelantang mensia ba semua 193 buah menua ti nyadi kaban dalam UN. Nya meri peluang ngagai semua menua dikena ngelala nama bansa tindak dikena ngangkatka pemanah atur nyaga kuasa pengelantang mensia ba menua sida empu.

Tang enda mukai-mukai, saut ti ngenyitka ati bekaul enggau kuasa pengelantang mensia sida, Perintah Malaysia udah enggai nerima tuduh penemu ti dikenataika Denmark, Finland, New Zealand, Norway, Sweden enggau Switzerland.

Komuniti orang bansa asal lama udah mantah pengawa ngulihka kayu batang enggau chara enda beradat di menua Malaysia

Ngemendarka penemuai Pelapor Khas UN meresa kuasa pengelantang mensia (Denmark);
Nentuka undang-undang ba orang bansa asal enggau atur bejalaika undang-undang nya senutuk enggau Penetap Kuasa Pengelantang Orang Bansa Asal (Switzerland);
Nentuka kuasa-kuasa orang bansa asal enggau raban orang ti bepanggai idup ba kampung nya dijaga undang-undang, lebih agi ba tanah pesaka, rampa menua enggau pengeraja dalam tanah sida (Norway);
Numbuhka siti Komisyen Menua ti bejalaika atur ngatika diri ke Orang Bansa Asal lalu nentuka undang-undang enggau polisi-polisi nya besenutuk enggau Penetap UN bekaul enggau Kuasa-kuasa Pengelantang Orang Bansa Asal (Sweden);
Numbuhka sebuah gerempung ti ngatika diri dikena mansik penyarut tanah, rampa menua enggau pengeraja asil dalam tanah (New Zealand);
Ngambi langkah, enggau penuh sereta sengkeman ba orang bansa asal, dikena mutarka isu-isu baka ti ditekanka Enkuiri Menua bekaul enggau Kuasa Ba Tanah Orang Bansa Asal (Finland)

Ba danjang ke retorik selama sida, Perintah Malaysia madahka sida enggai nitihka penetap UN nya tauka madahka kuasa NCR sida endang diintu enggau manah.

Pelapor Khas bekaul enggau Kuasa-kuasa Pengelantang Orang Asal, Endu Victoria Tauli-Corpez enda dikemendarka nemuai tama menua Malaysia

Repot nya ti endur Perintah ti disebutnya udah ditiriska Sarawak Report lalu ngambi beberapa bulan sebedau dibantaika. Dalam repot nya gerempung kuasa pengelantang mensia Malaysia, SUHAKAM, udah balat bendar ngutuk perintah bekaul enggau penemu ba kuasa tanah orang asal. SUHAKAM udah nyimpuka penemu ti madahka orang bansa asal "udah dipejal nyadi anak kuli ba tanah diri empu" ketegal atur ti dipejalaika opis LCDA di Sarawak.
Enggau chara ngemaruhka tuduh penemu tu, Perintah Malaysia udah ngayanka penemu diri empu bekaul enggau kuasa pengelantang orang bansa asal nya terang bendar.

Bala pemacha ti deka nemu enggau silik agi bekaul enggau penetap UN ba Kuasa Pengelantang Orang Bansa Asal, tau ngena pemaut tu - http://www.un.org/esa/socdev/unpfii/documents/DRIPS_en.pdf

Pengelenyau Bilun MH370 Terus Nujuka Tenggau Lampu Dunya Ngagai Tunga Perintah BN

Pengelenyau Bilun MH370 Terus Nujuka Tenggau Lampu Dunya Ngagai Tunga Perintah BN

Recent Comments

Archive