» »Unlabelled » Parai setegal ngerara laya mentua menantu BorneoPost Online | Borneo , Malaysia, Sarawak Daily News » Berita Iban - New 2 Borneo

05:15:00

Parai setegal ngerara laya mentua menantu BorneoPost Online | Borneo , Malaysia, Sarawak Daily News » Berita Iban - New 2 Borneo

Parai setegal ngerara laya mentua menantu

Posted: 02 Dec 2013 01:58 PM PST

KAPIT: Gajah enggau gajah belaya, semut mati ba tetengah, pia meh penusah ke nyadi ba seiku lelaki lebuh ke nguji ngerara seiku entua ke belaya enggau menantu, ti ngujungka iya parai tekala nya ditembak ari semak, penusah nya nyadi kena lemai Hari Enam (30 November) di Ga'at, Baleh.

Ba aum enggau pengarang berita kemari ke diatur ba Indu Opis Polis Kapit, OCPD Kapit DSP Entusa Imam, madahka penusah nya nyadi kena lemai Hari Enam, pukul 5 lemai ba sebuah lurung pejalai kaki enda jauh ari Rumah Sait, Sungai Pulo, Nanga Ga'at, Batang Baleh ditu.

Orang ke parai kena timbak nya, Uyang Anak Jubong, 49 taun, mansa endur nya lebuh tepedaka Ginggong Anak Karong enggau menantu iya Teeling Ak Jambun benung belayaka tiga lumpung kayu ke deka dikena berumah.

Laya entua, Ginggong enggau menantu nya, Teeling bepun ari pengawa menantu ke mantu sebuah kompeni kayu, ke mega benung ngaga jalai enda jauh ari nya matak tiga lumpung kayu ngagai rumah panjai nya.

Taja pia, entua ngelalau menantu iya anang masuk champur ba pengawa ti dipejalaika pengereja pengawa ari kompeni batang nya.

Maya nya meh Uyang Jubong ke mega gawa nyadi 'Pegawai Am Rendah ' ba SK Stepang mansa sereta tepedaka seduai benung belaya.

Iya nguji ngerara seduai nya belaya, tang enda memukai Teeling ke mega saspek niki ke rumah lalu ngambi senapang patah tauka 'bekakok' lalu nimbak iya ba dada ari penyauh 3.8 meter, ti ngujungka iya parai dia.

Udah bekau nya, saspek lalu ngerarika diri enda lama, tang mulaika diri baru ngagai rumah panjai nya baru.

Tuai Rumah panjai nya, Sait muak ke lemai nya lalu ngaga riput polis, ti ngujungka kena pagi Hari Minggu, seraban polis betuaika ASP Chua Su Wan, ari bagi mansik pengawa jai datai ke rumah panjai mansik pekara nya.

Saspek udah ditangkap ba rumah panjai Sait tengah hari Hari Minggu.

Penyauh Nanga Gaat ari Kapit bisi dua jam, enti nepan perau.

Ku Entusa, saspek udah dibai ngagai Kot Majisteret ngambika dikemendarka diriman sereta mantu polis nasat kes nya.

Iya deka didawa ari baruh Seksyen 302 kanun Keseksaan , ketegal ngemediska orang.

Enti amat ditemu salah, iya tau diukum mati.

Entusa minta mensia mayuh ke bisi nyimpan senapang gaga diri empu tauka 'bekakok', nyerah nya ngagai polis enggau lengkas.

Sesapa ke ditemu bisi ngembuan 'bekakok', enti ditangkap deka didawa ari baruh Undang – Undang Senyata Api, ti ngujungka sida deka ditinggang ukum berat.

Print Friendly

To enable your comment to be published, please refrain from vulgar language, insidious, seditious or slanderous remarks. This includes vulgar user names.

Tanam utai bukai kelimpah ari sawit

Posted: 02 Dec 2013 01:58 PM PST

by Judan Bungap. Posted on December 3, 2013, Tuesday

Ambika banding betanamka getah, lada, koko tau mega meri asil ngagai kitai empu

KANOWIT: Tanah ke enda manah alai nanam kelapa sawit di menua Ngemah tau dikemansangka nengah chara bukai ti mega jalai ke tau ngenataika asil ngagai diri empu.

Kaban Kunsil Ngemah (ADUN) Ngemah Alexander Vincent madahka, ba Ngemah bisi 4,000 iku bala ari 70 buah rumah panjai ba Mapai, Pedai, Jih, Tuah enggau Bawan ngambi bagi ba projek kebun dandang besai sawit nengah chara kerejasama.

"Ari penyampau nya urung 2,000 hektar tanah enda manah alai nanam sawit.

"Nya alai, kitai deka ngena chara bukai ngemansangka tanah tu ke bela tau ngenataika asil ngagai sida ke bempu tanah," pia ku iya madah ngagai pengarang berita, Hari Lima tu tadi.

Sebedau nya, iya bisi ngabas antara tanah iya di Bawan ke bela enda manah alai nanam sawit.

Sama bela bisi enggau iya maya tu iya nya Penghulu Bernabas Angkis, Penghulu Ijam Tuah enggau bala raban Opis Tanah enggau Survei Sibu.

Alexander madahka, tanah ke enda manah alai nanam sawit bagi menua nya deka disukat dulu ari baruh program nyukat kelingi tanah adat Bumiputera (NCR) sebedau digazet lalu diberi pala tanah.

"Enti udah bisi pala tanah sida ke bempu tanah NCR tu nadai penanggul berundingka chara bukai baka ni deka ngemansangka tanah nya.

"Iya madahka, sebengkah komiti deka ditumbuhka dikena matau pengawa nya ila.

"Tu ngambika tanah nya ulih dikemansangka nengah chara ti betul taja pan pemansang ke digaga endang bepanggai ba diri empu sida ke bempu tanah NCR," pia ku iya madahka baru.

Print Friendly

To enable your comment to be published, please refrain from vulgar language, insidious, seditious or slanderous remarks. This includes vulgar user names.

SIAC Gereja Methodist Sarawak ngintu hari jadi Ke-65 malam Hari Enam tu tadi

Posted: 02 Dec 2013 01:56 PM PST

SIBU: Aum Besai Ninting Taun Iban Sarawak (SIAC) Gereja Methodist Sarawak udah ngintu penumbuh SIAC Ke-65 seraya makai serumpu ba sebengkah restoren tebilang ditu, malam Hari Enam tu tadi.

Pengerami nya dipenyadika Bishop Gereja Methodist Malaysia Bishop Dr Ong Hwai Teik.

Bela bisi ngulu pengerami tu iya nya Presiden SIAC Gereja Methodist Sarawak Reverend Steward Damat, Presiden Persidangan Tahunan Cina Sarawak (SCAC) Gereja Methodist Sarawak Datuk Reverend Dr Su Chii Ann, Presiden Persidangan Agung Wanita Methodist (GCMW) Malaysia Ir.

Alice Jawan enggau urung 1,000 bala temuai ke bukai.

Ba jaku iya Reverend Steward madahka iya berasai temegah ati laban Gerija Methodist Iban deka digaga ba Sibu Jaya enda lama agi.

Ku iya, projek nya bekenaka ungkus RM1.5 miliun randaka sukung enggau bantu ari mensia mayuh.

Naka ke diatu SIAC udah mujur tegumpulka turu RM730,000 ngemujurka projek nya.

Iya mega meri besai terima kasih ngagai Joseph Chong ketegal udah lempung jari nyuaka RM50,000 bantu ngagai gerija nya.

Print Friendly

To enable your comment to be published, please refrain from vulgar language, insidious, seditious or slanderous remarks. This includes vulgar user names.

Tim ISCF champian Pekit Futsal diatur SDA Paroki Arip

Posted: 02 Dec 2013 01:55 PM PST

BINTULU: Tim Inter-School Christian Fellowship (ISCF) udah nyadi juara ba Pekit Futsal ti diatur beserimbai enggau Ari Gerempung Nembiak Gereja Seventh-Day Adventist Paroki Arip ti diatur ba Padang Guna Bala Mayuh Bukit Arip empai lama ke udah.

Tim ti bulih lumur dua iya nya Tim Kayad (Bintulu) lalu ditangkanka lumur tiga iya nya Tim Kelingkang FC.

Tiga bengkah tim ti udah menang tu tadi endang bisi diberi perais ti endang udah disediaka komiti pengatur program.

Ba Pekit Poco-Poco, tim ke bulih lumur satu iya nya Tim Dara Mali lebu (Tatau SDA Centre), lumur dua Tim Dara Andau Arip (Belia SDA Andau Arip) lalu ke lumur tiga iya nya Tim Delova (Belia SDA Sungai Gerenjang).

Ba pengerami ti diatur sehari tu bepun ari jam 7 pagi nyentukka 6 lemai, urung iya 500 iku orang sama bisi ngulu pengerami dikena ngempungka semua raban Keristin SDA enggau bala peranak bansa bukai ti bisi diau ba kandang menua Tatau enggau Balingian.

Pengerami tu begulai enggau Agensi Anti Dadah Kebangsaan (AADK) Bintulu enggau agensi bekait ti bukai ba kandang menua Sungai Arip.

Lebuh ti bejadika pemgerami nya, Pastor Paroki Arip James Jalin ngarapka pengerami ti baka tu dikena ngerapitka kaul entara semua raban bansa ti sama bela diau ba kandang Menua Tatau enggau Sungai Arip Balingian.

Ku iya, taja pen SDA tu sebengkah ari cabang pengarap Kristian ba menua tu, tang iya endang sebengkah pengarap ti nekanka pemanah kaul enggau raban bansa bukai ti ngembuan mayuh bengkah adat enggau jalai pengarap ba menua tu.

"Nya alai pengerami ti diatur kami tu endang tebuka ngagai semua bansa ambika sama ulih berami ba mayuh bengkah pekit ti diatur dikena ngerapatka agi kaul enggau diri sama diri," ku James.

Lebuh maya nya mega, James endang meransang semua bala nembiak ba menua nya ngambika chakah ba pengawa lumba enggau rama ti bukai ti pulai ke pemanah pengerembai untak enggau tubuh sida.

Ku iya, dalam ngemansangka pelajar sekula, bala nembiak mega meseti nyelat pengawa ti belajar enggau lumba sereta kokurikulum awakka tubuh sida bepengerai sereta regas.

"Enti ulih pemansang kurikulum enggau kokurikulum endang iya aruh sama-sama begembar enggau pangan diri laban iya ulih pulaika pemanah seiku-seiku nembiak nya jemah ila," ku iya .

Ketuai ADDK Bintulu Harni Tani entara orang ke bisi datai ngulu pengerami nya.

Print Friendly

To enable your comment to be published, please refrain from vulgar language, insidious, seditious or slanderous remarks. This includes vulgar user names.

Pemanah servis NREB dipenggau kena nyungkak konsep kualiti 5S

Posted: 02 Dec 2013 01:52 PM PST

KUCHING: Opis Pengeraja Asal enggau Rampa Menua (NREB) Sarawak deka ngurangka timpuh meri pemendar Riput Pangka Pemaik Rampa Menua (EIA) ari 90 hari bekereja ngagai 65 hari bekereja.

Kontroler Pemaik Rampa Menua, Peter Sawal madah pemutus nya nyadi sebengkah pengawa NREB ti deka ngangkatka pemanah servis ngambika segaris enggau konsep kualiti 5S ti udah diidupka baru.

Taja pia, Peter netapka proses nya deka begunaka timpuh ti umbas iya panjai ketegal mengkang mayuh EIA ti benung diperati ninting bulan enti dibandingka enggau pemayuh tubuh orang ti megai tanggung pengawa  ngadu riput EIA.

Peter mansutka jaku nya ba pengawa bejadi Hari Integriti enggau Inovasi NREB 2013 sereta ngelanchar Pelan Integriti NREB Sarawak tauka PINS ungkup taun 2013 ngagai 2017 di Auditorium Yayasan Sarawak, Jalai Sultan Tengah ditu, kemari.

Ngenang senentang pengawa ngelanchar PINS, Peter madah program dikearap ulih ngadaka orang gawa ke ukai semina profesyenal  tang mega nemu ngereja pengawa, lurus enggau chukup disiplin.

Dikena nentuka juluk PINS dijapai, iya ngansak semua ketuai seksyen, ketuai opis kandang menua enggau orang gawa NREB ngambika sruran bekerjasama ba tiap pengawa ke diperambu.

"Program ke disedia dalam PINS nyengkaum program ke udah dipejalai NREB taun tu sereta program baru ke ditusun enggau manah,"ku iya.

Hari Integriti enggau Inovasi NREB 2013 sereta pengawa ngelanchar Pelan Integriti NREB Sarawak kemari dikemujur Menteri Muda Rampa Menua Datu Len Talif.

Print Friendly

To enable your comment to be published, please refrain from vulgar language, insidious, seditious or slanderous remarks. This includes vulgar user names.

Hobi nyadi lubang duit

Posted: 02 Dec 2013 01:52 PM PST

by Chris Bishop. Posted on December 3, 2013, Tuesday

Setegal rindu meda asil pengelandik jari bansa Dayak datai runding nuju pengawa dagang

KUCHING: Enda nyadang pengawa lepa pengudah besekula ti dikena mantak bala kaling tujuh taun ke udah ngujungka diri nyadi seiku tukang pantak ke tebilang.

Diperansang pengerindu meda perengka lama asil ari pengelandik jari raban bansa Dayak, Eric Kueh, 32, belelubah ngansah pemanah asil pantak ti ngujungka iya lalu ngaul diri ba dagang pantang.

Bedau lama tu tadi, ba Alkmaar Tatoo Convention 7th Edition, Belanda ke diatur kenaka 16 ngagai 17 November 2013, Eric menang penuduk lumur satu ba  kategori Pantak Belakang Tubuh (Backpieces).

Enam kategori dipekit nyerumba konvensyen ke diatur dua hari berunggu nya.

Nambahka nya, dalam timpuh 3 taun ke udah, iya udah nganbi bagi ba 14 bengkah konvensyen ke diatur ba serata dunya lalu udah ngumpul 13 bengkah gelar.

"Enda nyangka aku tau nyadi seiku tukang pantang, semua nya bepun ari pengawa mantang bala kaling pengudah tembu besekula suba.

"Ketegal pengerindu meda perengka lama baka ke tambuk, raga, bubu, pemansai enggau perengka lama bukai kelebih agi ke digaga raban bansa Dayak, tikas pemanah pantak jari aku ngerembai.

"Diatu aku gaga ngembuan pengelandik tu,'ku Eric lebuh dikerandau dikedai pantang iya 71stskinslavery, No75 Jalai Padungan ditu, kemari.

Kelimpah ari nya, Eric mega madahka pemanah asil pantak iya diansah asil kaul begulai enggau artis tatoo bukai baikka nya ari menua tu enggau ari menua luar.

Ku iya, nyereta konvensyen ti diatur ninting taun ba serata dunya meri awak ngagai iya belajarka ukir baru lalu nya dirakit enggau ukir kitai ditu ngambika tau nambah pemanah ukir.

Ungkup orang ti deka ngasai pemanah ukir Eric, 71stskinslavery dibuka berengkah jam 12 tengah hari nyentukka 6 lemai ninting hari.

Print Friendly

To enable your comment to be published, please refrain from vulgar language, insidious, seditious or slanderous remarks. This includes vulgar user names.