» »Unlabelled » Seraban kaunsilor ari MDK mujur nemuai seraya belajar ke Semenanjung Malaysia BorneoPost Online | Borneo , Malaysia, Sarawak Daily News » Berita Iban - New 2 Borneo

05:33:00

Seraban kaunsilor ari MDK mujur nemuai seraya belajar ke Semenanjung Malaysia BorneoPost Online | Borneo , Malaysia, Sarawak Daily News » Berita Iban - New 2 Borneo

Seraban kaunsilor ari MDK mujur nemuai seraya belajar ke Semenanjung Malaysia

Posted: 28 Dec 2013 10:24 AM PST

KAPIT: Penyampau 25, 17 iku sida nya Kaban Kaunsil (kaunsilor) ti betuaika Walikota Kr. Philimon Nuing enggau lapan iku staf kanan Kaunsil Pelilih Mit Kapit (MDK) diketuaika Sekretari Yong Ing Chu udah nemuai sambil belajar ngagai Semenanjung Malaysia empai lama ke udah.

Sida bisi nemuai ngagai sekeda tempat baka Opis Menteri Pemansang Menua Pesisir enggau Kandang Menua, betemu enggau Kaban Parlimen Hulu Rajang Wilson Ugak Kumbong.

Di Putrajaya raban sida bisi nemuai ngagai Sapit  Menteri Pemansang Menua Pesisir enggau Kandang Menua, Datuk Alexander Nanta Linggi di opis iya .

Maya ke nemuai nya, raban MDK diberi penerang pandak bekaul tanggungpengawa opis menteri nya sereta program ke udah diperambu enggau udah dipejalai kenyau ari beberapa taun ke udah lebih agi di sitak Parlimen Kapit enggau  Parlimen Hulu Rajang ulih Sekretari Bagi Pemerambu Strategik Opis Menteri  Zainiah Ahmad.

Udah nya raban tu ngelawa Kuala Lumpur lalu bejalai ngagai Menara KL, KLCC, Tugu Pengingat, Dataran Merdeka, Muzium Negara, Thean Hou Temple, kilang ngaga choklet enggau Muzium Diraja (Istana Lama).

Hari kedua, raban tu neruska pejalai sida ngagai Melaka Bandaraya Bersejarah. Din sida bisi bejalai ngagai palan-palan ke besejarah baka Taman Awam Melaka, Dutch Square – The Stadthuys, A Formosa, St. Pauls Church, Jonker Street sereta Pusat Bedaja enggau Pasar Basah Melaka sebedau neruska pejalai ke Johor Bahru.

Penemuai sida ngagai Pusat Bedaja Dayak di Mega Ria, Pasir Gudang enda nyadi setegal palan nya semina dibuka maya Hari Tiga, Enam enggau Minggu aja.

Ba hari ke penudi bala sida nemua ngagai Legoland Theme Park, Bandar Iskandar, Nusa Jaya, Danga Bay, taman-taman kebembang enggau  landskep di kelingi  bandar raya Johor Bahru kelimpah ti ngagai sebuah supermakit , Johor Premium Outlet sebedau sida mulaika diri ke Sibu mai seribu kenang manis.

Print Friendly

To enable your comment to be published, please refrain from vulgar language, insidious, seditious or slanderous remarks. This includes vulgar user names.

RTM Sibu ngatur pengerami mantar Krismas enggau mensia mayuh

Posted: 28 Dec 2013 10:21 AM PST

SIBU: Beribu iku mensia ari mayuh macham pupu raban bansa udah datai ngulu pengerami 'Panggau Krismas' ke diatur RTM Sibu Seksyen Iban, ba laman RTM Sibu, empai lama ke udah.

Program nya udah dipenyadika Sekeretari Politik Kepala Menteri ke mega Kaban Kunsil Nengeri Jemoreng, Abu Seman Jahwie.

Kontroller RTM Sibu, Albert Mentri Tudin mega sama bisi dia maya pengerami nya.

Malam nya, mensia mayuh ke ngulu pengerami nya diperindang sekeda penanyi Iban ke tebilang di menua tu baka Urai, Gerup lagu rock Iban, 'The Crew',  Rickie Andrewson, Winnie Albert enggau Clemence Joys.

Kelimpah ari nya, sida mega diperindang dua iku penjenaka tebilang Iban, Bunyau enggau Mujap ti enda ngengetu ngelika ati mensia mayuh enggau bala VIP.

Mensia mayuh malam nya mega bepeluang mendingka YB Abu Seman belagu ke ditankanka enggau betanda pocho- pocho.

Seraban gerup Koir mega bisi merindang mensia mayuh malam nya enggau sekeda lagu Krismas.

Program nya mega diatur beserimbai enggau pengawa ngintu penumbuh RTM Sibu genap 39 taun.

Print Friendly

To enable your comment to be published, please refrain from vulgar language, insidious, seditious or slanderous remarks. This includes vulgar user names.

Festival dagang Kolej Komuniti meri peneleba ngagai raban nembiak ba pengawa nya: Saidi

Posted: 28 Dec 2013 10:20 AM PST

KUCHING: Festival dagang Kolej Komuniti tikas menua, udah diatur ba Medan Niaga Satok ditu apin ke udah dikena nyendiaka bala nembiak  ngembuan runding ba pengawa dagang sereta mega meri peneleba keterubah ngagai sida.

Urung 500 iku bala nembiak ari lima buah Kolej Komuniti di serata menua Sarawak, bisi ngambi bagi ba festival ti keterubah endar diatur nya baka ari Kuching, Santubong, Mas Gading, Betong enggau Miri.

Direktor Komuniti Kolej Kuching, Saidi Japari madah, program nya deka muka peluang dagang sereta meri peneleba ngagai bala nembiak nya.

"Nengah program tu, bala nembiak ulih belajar, ngulihka peneleba ba dunya dagang. Sida deka betapi enggau penguntung sereta pengerugi ba pengawa dagang, nya meh pekara ke amat nyadi dalam pengidup kitai.

Tu deka manah endur ngeringka pemanah ulah, basa, pengarap enggau pengeliat ati, nyadi ketuai sereta gawa beraban," ku iya madah ngagai pengarang berita lebuh betemu ba festival nya.

Bisi 20 buah bansal endur bejual ke dibuka belabuh ari pukul 8.00 nyentuk ke pukul 5.00 lemai.

Lecturer ke mega Direktor program Komuniti Kolej Kuching, Nor Azreen Ayub madah, nya meh keterubah endar pengawa nya diatur ba palan tebuka. Tu ulih ngajar bala nembiak betemu sereta berandau enggau mensia mayuh kelebih agi pasal pengawa dagang.

Ku iya, program nya mega dibuka ngagai nembiak ari semua bansa kos ti bisi ati ba pengawa dagang. Sida diperansang nyual sebarang produk nitihka pengingin ati sida.

Pemujur sesebengkah bansal bejual nya dikemataka ari segi pengulih asil bejual enggau pemanah gaya sida mandangka produk ke dijual.

Produk ke bisi dijual maya nya baka pemakai enggau ai irup, asil pengelandik jari, gambar, bungai, tepa, gari,  DIY (do-it-yourself)enggau sekeda produk bukai.

Opis Dagang Betanam Betupi Perintah Besai  (FAMA) udah nyendiaka lot bedagang ke enda bebayar endur bejalaika program nya. Tim ke menang udah ngarika menua Sarawak ba Festival dagang tikas Nasional ke diatur di Melaka kena bulan November tu tadi.

Festival nya dibagi ngagai dua bengkah program ke dipejalaika ngelama dua hari. Ba hari keterubah, bala penyereta diberi seminar ke diatur ba Kompleks  Dewan Bahasa enggau Pustaka. Topik ke bibantai maya nya nyengkaum 'business etiquette and awareness, financial management, entrepreneurship' enggau sekeda topik bukai.

Sekreteri politik Kepala Menteri ke mega Kaban Kunsil Nengeri Samariang, Sharifah Hasidah Sayeed Aman Ghazali udah bejadi sereta nutup festival nya.

Print Friendly

To enable your comment to be published, please refrain from vulgar language, insidious, seditious or slanderous remarks. This includes vulgar user names.