» »Unlabelled » Pekit karaoke beserimbai Makanan Penjaja 2013, 21-24 Disember tu BorneoPost Online | Borneo , Malaysia, Sarawak Daily News » Berita Iban - New 2 Borneo

05:04:00

Pekit karaoke beserimbai Makanan Penjaja 2013, 21-24 Disember tu BorneoPost Online | Borneo , Malaysia, Sarawak Daily News » Berita Iban - New 2 Borneo

Pekit karaoke beserimbai Makanan Penjaja 2013, 21-24 Disember tu

Posted: 20 Dec 2013 04:59 PM PST

SIBU: Orang mayuh ke bisi pengelandik belagu dikelalu masuk pekit karaoke beserimbai enggau pengerami Makanan Penjaja 2013 di Dataran Bandar Sibu Fasa II berengkah 21 nyentuk ke 24 Disember tu.

Nundaku penerang ari pengari pengatur, pekit tikas keterubah deka berengkah kena 21 Disember (malam tu) jam 8 malam.

"Orang ke masuk pekit dipinta mai lagu dalam mayuh bengkah jaku senipak enggau sulu jaku kitai nya 1Malaysia.

"Tu nyengkaum lagu Iban, Bahasa Melayu, Lagu English, China enggau ke bukai," ku iya nengah penerang kemari.

Pekit tu ku iya dibuka ngagai semua peranak menua ke beumur 18 taun ke atas.

"Ba malam keterubah (21 Disember) iya nya malam tu tikas keterubah deka diatur datai maya malam final kena 24 Disember tu jam 8 malam," tambah iya barui.

Perais ke nganti bala pemenang nya duit tunai enggau tropi.

Pom dikena masuk pekit tu tau diambi ari kedai Rosiana Urai muak ke kiba panggau Pesta Makanan Penjaja 2013 di Dataran Bandar Sibu Fasa II.

Sida ke udah nganjung pom dipinta datai malam tu jam 8 malam dikena bepekit ba renggat keterubah pekit.

Sebarang tanya tau besambung enggau Urai nengah pesan Facebook diatas nama iya tauka Ah Seng di arus 016-8781933.

Print Friendly

To enable your comment to be published, please refrain from vulgar language, insidious, seditious or slanderous remarks. This includes vulgar user names.

11 bulih 8A di SMK Simanggang

Posted: 20 Dec 2013 04:59 PM PST

SRI AMAN: Sekula Sekondari (SMK) Simanggang udah mujur nyungkak pemutus peresa Penilaian Menengah Rendah (PMR) 2013, ti dikeluarka ensanus.

Tukang pengerembai berita ari sekula nya madahka, pemutus sekali tu jauh manah ari taun 2012 suba.

"Ari segi Gred Pukul Rata Sekula (GPS) bisi nambah ari 2.69 peresin ngagai 2.87 peresin, nambah 0.18 peresin.

"Ari segi peresin pemutus semua sekali bisi betambah ari 61.45 peresin dalam taun 2012 ngagai 77.93 peratus taun tu, iya nya nambah 16.48 peresin," ku iya madah ngagai Utusan Borneo ensanus.

Ari segi penyampau peresin teulihka A, mega bisi nambah ari 4.82 peresin dalam taun 2012 ngagai 4.95 peresin taun tu, iya nya nambah 0.13 peresin.

Bisi sebelas iku nembiak bulih pemutus 8A, sepuluh iku bulih 7A, sepuluh iku bulih 6A lalu tiga puluh satu iku bulih pemutus 6A ke atas.

Sama bisi enggau maya nyuaka slip pemutus peresa nya ensanus, Penulung Kanan Pekara Nembiak sekula (HEM), Dickson Palot Malintan enggau Penulung Kanan Kokurikulum, Augustine Lubon Thomas.

Print Friendly

To enable your comment to be published, please refrain from vulgar language, insidious, seditious or slanderous remarks. This includes vulgar user names.

Jerip Susil: Bantai penanggul nengah alur ke engkeman

Posted: 20 Dec 2013 04:59 PM PST

Semua penanggul ulih diputar enti pekara nya diasur ngagai ijinsi perintah ke bekaul

KUCHING: Peranak ari empat buah genturung pendiau ke kena bungkur projek Tekat Ai Bengoh, Kpg Taba Sa'it, Pain Bojong, Semban sereta Rejoi dilalau ngenataika pemar tauka penanggul ke dituntung sida nengah alur ke betul, baka ke nuju opis residen tauka opis pelilih menua.

Menteri Muda Pengerai Mensia Mayuh Datuk Dr Jerip Susil madah tiap penanggul ulih diputar enti sida mai pekara nya ngagai ijinsi perintah ke bekaul.

"Enti kitai bisi penanggul, kitai patut ngenataika pekara nya ngagai opis residen tauka pelilih menua, nadai penanggul ti enda ulih diputar," ku iya.

Iya mansutka jaku nya ba pengawa nyuaka chek enggau surat pala tanah ba Balai Guna Mensia Mayuh Kpg Taba Sa'it ti dipenyadi Menteri Muda Pengatur Pengeraja Asal Datuk Mohd Naroden Majais.

Dr Jerip netapka opis residen engau opis pelilih menua sigi palan ke pemadu ngena endur ngenataika penanggul ti ditapi.

"Kena alur ti ngena endur ngenataika penanggul lalu anang mudah pechayaka raban penyakal," ku iya.

Iya ke mega Kaban Kunsil Nengeri Bengoh ngansak penerima chek melanja duit sida enggau manah sereta ngemerat pekara pelajar bala anak.

Bayar pampas nya ngena ba maya kitai ngintu hari Krismas tang pekara pelajar bala anak patut dulu dikemerat, tandu iya seraya ti ngansak penerima beranakka duit sida ba Amanah Saham.

Print Friendly

To enable your comment to be published, please refrain from vulgar language, insidious, seditious or slanderous remarks. This includes vulgar user names.

Kemeratka pekara pelajar anak

Posted: 20 Dec 2013 04:59 PM PST

SRI AMAN: Pemansang ungkup rayat ulih diberi belama enti bisi kaul ke rat antara Komiti Pemansang enggau Pengelikun Kampung (JKKK) enggau perintah.

Kaban Kunsil Nengeri (ADUN) Lingga, Simoi Peri madahka, enti nadai kaul ke manah ari kededua piak, mar deka nyungkak tikas pengidup rayat.

"Kami arapka genap iku kaban JKKK di serata menua tu terus meri sukung penuh ngagai perintah ngambi ngemudahka pengawa meri pemansang ngagai kandang menua tu begunaka nya," ku iya.

Iya bejaku munyi tu ba Pengerami Mantar Krismas 2013 ba Rumah Able Bakar, Kampung Stumbin, Sri Aman ditu pagi kemari.

Ku iya, perintah seruran ngemeratka pengelantang pendiau rayat, kelebih agi peranak menua pesisir nengah pengawa bejalaika projek ti ulih nyungkak tikas sosio ekonomi sida.

Simoi mega meransang bala kaban JKKK ngemeratka pekara pelajar anak ba genturung pendiau sida.

"Pekara pelajar anak kita patut dikemerat laban nya meh ti deka nyadi senyata enggau pesaka ke pemadu berega dikena sida neruska pengidup jemah ila," ku iya.

Sama bisi ngulu pengerami nya, Pengari Menteri Pemansang Orang Indu, Ruang Bilik enggau Mensia Mayuh ke mega Kaban Parlimen Batang Lupar, Kaunsilor Kunjang Nanang, Pemesai Khas Simoi, Nassir Johan enggau bala bukai.

Berebak enggau nya, Simoi lalu nyuaka geran RM11,800 ngagai 25 buah rumah panjai ba kandang menua nya ngambika bisi dikena sida nyambut Krismas taun tu.

Kelimpah ari nya, Simoi mega nyuaka geran RM5,000 ngagai JKKK Rumah Able ngambika bisi kena nganti atap rumah panjai nya lalu RM1,500 diberi ngagai Biro Indu ngambika bisi dikena sida bejalaika pengawa sida.

Kena ngerami program nya, bisi diatur pekit pocho-pocho.

Print Friendly

To enable your comment to be published, please refrain from vulgar language, insidious, seditious or slanderous remarks. This includes vulgar user names.

Jematan Sadong Jaya tembu Julai 2016

Posted: 20 Dec 2013 04:58 PM PST

KUCHING: Jematan Sadong Jaya ke baru digaga beungkus RM211 miliun disadang tembu endar dalam kandang bulan Julai 2016, pia ku Kaban Kunsil Nengeri (ADUN) Sadong Jaya Aidel Lariwoo.

Ku iya, naka ke diatu jematan ke nyambung Kampung Sungai Buloh ke Kampung Seruyuk nya nyauka 50 peresin tembu.

"Projek ngaga jematan nya sebagi ari jalai alun penyambung di pesisir pantai.

"Nya deka meri penguntung ngagai mensia mayuh ti deka ke Simunjan, Sebuyau, Betong, Pusa, Beting Maro enggau sekeda kandang menua bukai.

"Kelimpah ari nya, jematan nya ila deka ngemandakka timpuh pejalai," pia ku iya kemari.

Iya bejaku munyi tu lebuh ke ditanya sentang pemujur tikas pengawa ngaga Jematan Batang Sadong nya.

Ku Aidel, perambu deka numbuhka pasar baru benung diperundingka laban kandang menua nya ila deka digulu mensia mayuh.

"Diatu kami benung ngaga bansal bejual ke besai di Kampung Semera.

"Diatu mega kami berunding enggau orang ti beempuka tanah sentang konsep ngaga pasar baru Sadong Jaya nya," ku iya.

Ku iya, diatu semua kandang menua di Sadong Jaya udah disikap enggau perengkaguna baka ai beresi karan enggau bungkur internet.

Print Friendly

To enable your comment to be published, please refrain from vulgar language, insidious, seditious or slanderous remarks. This includes vulgar user names.

Arap isu ‘Allah’ enda panjai

Posted: 20 Dec 2013 04:58 PM PST

by Rengenyan Labangenggau gambar Chimon Upon. Posted on December 21, 2013, Saturday

Tu kena nyaga pengelikun menua, ku Bolly Lapok

KUCHING: Pengelikun ti diasaika kitai seharitu enda sampal diasaika semua kitai beduduk ari bisi sekeda orang ti enda nyaga pengelikun nya laban ti betapi enggau penakut, pengirau sereta pemutus orang bukai, ku Chairman Gerempung Gerija-gerija Sarawak (ACS), Bishop Datuk Bolly Lapok.

Iya madah, kontroversi diskriminasi ti enda patut disengkaum dalam isu 'Allah' semina baka pengunjung tanduk, ti enda patut ditapi semua gerija di Malaysia.

"Kitai ngarap sereta besampi ngagai Tuhan ngambika semua nya enda lama, enda tetap enggau panjai lebuh tetiap jalai pengarap nulih nerima penemu pangan diri," ku iya bejaku ba program Krismas Begulai 2013 ti diatur ACS ba Pusat Ekumenikal Kristian, Jalai Stampin, Kuching ditu.

Program ke milih rambai jaku Jesus! The Greatest Gift of All digulu urung 1,000 iku raban Keristin ari macham bengkah gerija di bagi menua Kuching ke berengkah diatur ari pukul 7.30 malam ensanus.

Program ninting taun nya diatur begintir raban gerempung lalu taun 2013 Gereja Seventh-day Adventist (SDA) diberi awak dipadu ngatur pengerami.

Antara kaban ACS iya nya Gerija Roman Katolik, Sarawak Baptist, Methodist, Anglikan, Methodist Church Sarawak Iban Annual Conference, Sidang Injil Borneo enggau Salvation Army.

Ba program nya, raban karoling belagu lagu Krismas enggau sembiang.

Bisi datai ngagai program Krismas Begulai nya kemari, Menteri Muda Pemansang Industri Datuk Peter Nansian, Tan Sri Celestinne Ujang, Kaban Kunsil Nengeri (ADUN) Ba'Kelalan Baru Bian.

Print Friendly

To enable your comment to be published, please refrain from vulgar language, insidious, seditious or slanderous remarks. This includes vulgar user names.