» »Unlabelled » Kaul entara pupu raban bansa patut dikenegap BorneoPost Online | Borneo , Malaysia, Sarawak Daily News » Berita Iban - New 2 Borneo

05:13:00

Kaul entara pupu raban bansa patut dikenegap BorneoPost Online | Borneo , Malaysia, Sarawak Daily News » Berita Iban - New 2 Borneo

Kaul entara pupu raban bansa patut dikenegap

Posted: 15 May 2014 09:05 AM PDT

by Rengenyan Labang. Posted on May 16, 2014, Friday

Penegap penyerakup, kerejasama peranak menua ba sesebengkah genturung pendiau dikemeran kenyau ari menya

KUCHING: Penyerakup sereta kaul peranak menua ari macham pupu raban bansa enggau jalai pengarap di Genturung Pendiau Siol Kandis ditu nerima puji sereta patut ke teladan gen­turung pendiau bukai.

Apin lama ke udah maya pengerami Mantar Gawai Dayak 2014 di Genturung Pendiau Siol Kandis, Sekre­tari Politik Kepala Menteri Sharifah Hasidah Sayeed Aman Ghazali madah, peny­erakup enggau pemanah kaul nya patut dikemeran sereta dikemeratka belama.

Tu ngayanka konsep 1Ma­laysia di Sarawak endang amat dikemeratka semua pupu raban bansa.

"Kitai di Sarawak nadai isu (bekaul enggau bansa tauka jalai pengarap), laban kitai udah lama ngelala pangan diri sereta bisi penyerakup.

"Genturung Pendiau Siol Kandis chunto ti pemadu manah, dalam sebuah gen­turung pendiau udah segulai sejalai baka diri menyadi taja pan diuan mayuh pupu ra­ban bansa. Ngarapka semua pemanah tu dikemeran eng­gau dikemeratka belama," ku iya.

Iya ti mega Kaban Kunsil Nengeri (ADUN) Samariang ti nyadi pengabang dipebasa pengerami Mantar Gawai Dayak 2014 genturung pen­diau nya apin lama ke udah.

Nandu baru iya ngara­pka rayat terus nyukung perintah ke diatu ngambika penyerakup, pengelantang enggau pemaik deka meruan belama.

"Kitai di nengeri tu nadai penanggul datai ke gereja, masjid tauka surau, taja pan nuan nya tadi ukai megai jalai pengarap nya.

"Nya alai pengelantang enggau pemaik ti baka tu patut dikemeran sereta diken­egap belama nengah chara meri sukung sereta kerejas­ama ngagai perintah ti megai menua diatu," ku iya.

Print Friendly

Kompleks Kot Bumiputera enggau MAIS dipelaba tembu ujung September: Jabu

Posted: 15 May 2014 09:04 AM PDT

KUCHING: Kompleks Kot Bumiputera enggau Majlis Adat Istiadat Sarawak (MAIS) diatu benung digaga sereta dijangka tembu ujung bulan September 2014.

Sapit Kepala Menteri Datuk Patinggi Tan Sri Alfred Jabu madah, kededua kompleks nya ke berega RM40 juta ba sebengkah palan pemesai 15 ikar di Pentagon Kota Samarahan.

Ku Jabu, Perintah Besai nengah Lab Bumiputera di baruh Program Transforme­syen Perintah (GTP) nyen­diaka belanja lalu Perintah nengeri nyendiaka tanah endur kededua kompleks nya digaga.

Kompleks baru ke digaga nya mandangka Perintah ny­ukung bansa asal menua tu ba pengawa ngemansangka menua. Iya mega mandan­gka kelai kaul kerejasama entara Perintah Nengeri eng­gau Perintah Besai Barisan Nsional (BN)," ku Jabu.

Iya madah munyi nya lebuh nyimpul jurai Aum Kunsil Nengeri ti Ke-17 ditu, ke­mari.

Tukuh kededua kompleks tu ngayanka arkitektur motif bansa asal menua tu, lanskap flora enggau sekeda pekara bekaul enggau adat pesaka bansa asal, kelimpah ari pemisi perengka guna ICT moden nitihka singkang moden kemaya hari tu.

Nambah ke nya, dijangka palan nya ila tau nyadi palan pansik adat pesaka.

Tu laban literature sereta tulis dalam sekeda pansik ti bisi ditemu sereta dokumen bukai bekaul enggau komu­niti bansa asal deka disimpan ba arkaiv ke deka digaga jemah ila," ku iya.

Kelimpah ari nya, palan nya mega deka dikena nyadi palan latih ungkup sekeda kategori pemesai ke ngereja pengawa adat sereta main asal. Pemesai nya nyengkaum Majistret Kot Bansa Asal, Opis Perintah, Ketuai Komuniti enggau Ket­uai Raban Bansa," ku iya.

Print Friendly

Mensia mayuh dipinta bepadah enti bisi tepedaka Marcela Peter

Posted: 15 May 2014 09:03 AM PDT

KUCHING: Marcela Peter, 15, ti udah lima hari nadai pulai ke rumah sereta enda temu penunga enggau kebuah ngirauka ati apai enggau indai iya.

Penyadi nya udah diripot ngagai opis polis Hari Enam, 10 Mei ba hari ke sama pekara nya nyadi, Marcela nadai pulai ke rumah tembu kelas tambah di Sekolah Menengah Matang Hilir ditu.

Laban ti kelalu irau, indai iya Nyawos Jihem minta tulong pengelenyau anak iya ditabur nengah surat kabar.

Apai iya, Peter Gatey lebuh dikerandau ba rumah iya di Taman Malihah Hari Dua tu tadi madah, sida udah suah betanya penunga ngagai bala bakih anak iya tang sida nadai nemu tauka meda kini penunga (Marcela) tembu kelas tambah nya.

"Urung pukul 6.00 pagi 10 Mei aku enggau bini aku nganjung Marcela ngagai sekula lalu pukul 11.15 pagi kami duai ngambi iya ngagai sekula nya.

"Tang nyentuk ngagai pukul 1.00 lemai iya lalu nadai udah pansut lalu kami terus betemu enggau pengajar kelas anak aku.

"Nitihku pengajar kelas nya, anak aku endang bisi dalam kelas maya belajar eng­gau pansut maya udah tembu belajar," ku iya ti gawa nyadi polis di pampang komunikasi IPD Kuching.

Kelimpah ari nya, menyadi iya Grace madah, sebedau penusah nya nyadi, adik iya nadai ngayanka penyelai, sereta surat pesan pandak enggau pekara ti ngeruga bekaul enggau penusah pan nadai.

"Kami enda nemu nama kebuah iya lenyau laban nge­lama tu iya nadai ngayanka ulah ti nyelai tauka ulah ti ngirauka ati.

"Aku udah ngiga sereta meda barang iya baka face­book, twitter enggau ke bukai tang nadai sebarang penerang ti ulih dikait enggau pengelen­yau iya," ku Grace.

Enda ngira nama tegal anak sedaui iya lenyau ngenyit nya, Nyawos enggau laki sereta sida sebilik ngarapka Mar­cela pulai ngagai sida enggau likun.

Berindik ari pengirau ke pengelenyau nya, apai indai Marcela minta tulong orang mayuh madah ngagai sida nyema bisi tepedaka anak seduai .

Hari ke penudi Marcela dipeda ngena baju bekolar kuning, betanchut chelum enggau kasut sukan chelum.

Bekulit kuning lensat eng­gau peninggi 5 kaki 2 inchi Marcela bisi kelai tai lalat ba kuyu kiba iya.

Seberang penerang bekaul enggau tu orang mayuh tau telefon ngagai sida sebilik ba lumur 082-640114 tauka 013-8368594 tauka telefon terus ngagai Sarjan Rivender ba lumur 014-2805100.

Print Friendly

Tiga projek besai ngaga sepital di Sarawak benung dipejalai: Wong

Posted: 15 May 2014 09:03 AM PDT

KUCHING: Menteri Kunsil Kandang Menua enggau Pe­mansang Raban Bansa Dato Sri Wong Soon Koh madah, tiga buah projek pemansang besai di baruh Langgur Pe­mansang Malaysia Lumpar Ke-10 (RMK10), projek sepital Petra Jaya, sepital baru Lawas enggau sepital baru Sri Aman benung dalam renggat dipejalai.

Iya madah, tiga projek besai nya enti tembu ila, sepital Petra Jaya ulih nang­kup 300 buah katil, sepital baru Lawas (76 katil) enggau sepital baru Sri Aman 108 buah katil.

Naka bulan April tu tadi, projek ngaga sepital Petra Jaya udah manggai 10.01 peratus (%) dibandingka enggau ditimpuh ti udah ditetapka 10.39%, ku iya.

Sepital baru Lawas ku iya, renggat keterubah udah mujur lalu renggat 2A diatu benung dipejalai.

Taja pia, bekaul eng­gau sepital baru Sri Aman langkar ti diperambu Opis Kereja Raya Malaysia udah ngelui ari belanja asal ti udah dikemendar iya nya RM200 juta, ku iya.

"Berindik ari pekara tu, proses tinda renggat kedua diketuka dulu laban Opis Menteri Pengerai nganti pemendar belanja tambah ari Unit Perambu Ekonomi (EPU) sebedau projek sepital baru Sri Aman dipejalaika, sekalika nitih langkar asal tauka enda.

"Aku amat sinu sereta nemu peranak di menua Sri Aman amat begunaka perengka nya sereta ngan­sak sepital Sri Aman ti lama dianti enggau jampat.

"Laban enti nadai sepital baru tu, peranak Sri Aman deka berubat ngagai sepital ti pemadu semak iya nya Sepi­tal Besai Sarawak di Kuching ditu ti 200 kilometer penyauh sereta tiga jam pejalai nengah jalai darat," ku iya.

Wong mansutka pekara nya lebuh ti nyimpul jurai Opis Menteri Kandang Menua enggau Pemansang Raban Bansa ba Aum Kunsil Nengeri ditu, kemari.

Nambahka nya lebuh ti ngenang pasal pengerai di Sarawak, Wong madah, kes penyakit denggi diatu ba tikas ti enda ngirauka ati sereta nunjukka penurun dibandingka enggau taun nyin kemari.

"Nitihka rikod berengkah 1 Januari ngagai 23 April 2014 bisi 372 kes denggi di Sarawak dibandingka enggau timpuh ke sama taun 2013 ngerikodka 608 kes, tu ngay­anka penurun 38.8%.

"Tu ngayanka pukul rata denggi diripot di Sarawak iya nya 22 kes tiap minggu, lalu tu ba garis normal (enda ngirauka ati)," ku iya.

Naka 24 April 2014 ku iya, bisi penyadi kes denggi dirikod, ba tiap pelilih mit menua Sibu bisi 115 kes, Miri (63), Bintulu (24), Kuch­ing (24), Daro (23) enggau Limbang bisi 14 kes.

Berebak enggau nya kes pemadu tinggi pengelekai penyakit denggi iya nya Sibu bisi tujuh kes, Miri (5), Daro (4), Kuching (2), Limbang (2) sereta Bintulu, Betong enggau Simunjan sama ngerikodka seiti kes aja.

Iya madah, dikena mu­tarka kes denggi ti ngeruga pengerai, mayuh macham kimpin enggau aktiviti dipejalaika nyengkaum 'Ops Gempur', gotong-royong sereta nyadung penerang bekaul enggau pengerai enggau program ke bukai.

Print Friendly

Abg Jo: SEFT dikearap ulih ngelakuka bansa pemakai etnik unik di Sarawak

Posted: 15 May 2014 09:02 AM PDT

KUCHING: 'Citrarasa Sarawak – Sarawak Ethnic Food Trail (SEFT)' diatur ngambika tau nyaup ngelaku­ka mayuh macham pemakai etnik unik di Sarawak.

Menteri Dagang Temuai Datuk Amar Abang Johari Tun Openg madah, atur pen­gawa nya mantaika pemakai unik nyerumba 'Fabulous Food 1Malaysia' alai komu­niti di menua tu deka dibai nyadi penyereta ngelakuka pemakai tradisional sida ba mua orang mayuh.

"Program tu mandang baka ni unik komuniti kitai di nengeri tu alai mensia bepeluang ngasaika pemakai nya," ku iya seraya madah, pengawa tu deka dipejalai di Miri kena 25 – 26 Oktober tu ke alai hotel, palan pemakai, restoren, kedai deka dibai ngulu atur pengawa tu.

Rambai jaku kena atur pengawa tu, iya nya 'Sarawak: The Best in Ethnic Food Destination' ngambi nyaup nge;lakuka sekeda palan dagang temuai ke manah di nengeri tu.

Ba pekara bekaul enggau SOSEK-MALINDO iya nya ssebengkah kerejasama ekonomi entara garis menua, Malaysia (Sarawak) enggau Indonesia (Kalimantan Barat tauka KALBAR) ti ngemer­atka pemansang ekonomi enggau pengawa rama entara kededua nengeri tu.

Abang Johari madah, bisi dua iti atur pengawa deka digaga nengah SOSEK-MA­LINDO dalam taun tu, iya nya Lumba enggau Main Garis Antara Menua Tebedu/Entikong, di Bandar Mutiara, Tebedu ke deka matak 40 penyerta ari Kabupaten Sang­gau/Kecamatan Entikong, KALBAR.

Lalu kedua, Malam Titian Muhibbah ke-8 dalam bulan November tu ila di Bandar Mutiara Tebedu enggau penyerta ari Kabupaten Sang­gau/Kacamatan Entikong, KALBAR. Lalu, sebengkah agi pengawa ke besai deka diatur maya nya, Pesta Ria enggau panggau pemerin­dang.

Dalam kaul enggau SOSEK MALINDO tu, Kaunsil Dagang Temuai Sarawak deka bekerejasama eng­gau Serakup Ejen Dagang Temuai Indonesia (ASITA) ngelakuka promosyen tu di Pontianak.

Print Friendly

Penyampau rumah dientak enggau nadai pemendar kusut 23 peratus

Posted: 15 May 2014 09:02 AM PDT

KUCHING: Penanggul berumah ba genturung ti enda dikemendar udah nurun 23 peratus iya nya ari 9,000 ngagai semina 7,000 buah aja diatu, di nengeri tu.

Menteri Pengawa Beru­mah Datuk Amar Abang Johari Tun Openg madah, ari 9,000 sebedau tu, diatu penyampau nya nurun ngagai 7,000 buah aja.

"Kandang 2 ngagai 3 taun tu, perintah udah ngurang naka 23 peratus, reti nya perintah nemu isu berumah ba tanah ti enda dikemen­dar.

"Penanggul berumah eng­gau nadai pemendar ba tanah perintah nengeri enda sebaka enggau tanah peribit.

"Isu berumah enggau nadai pemendar ba tanah perintah muntang agi diputar tang tanah peribit, nya entara sida ke berumah enggau kompeni nya empu," ku iya.

Ba debat ADUN Pujut Miri, Fong Pau Teck ke madahka perintah enda beratika isu setinggan di Miri, Abang Johari nyaut: "Penanggul rumah setinggan tu mega disengkaum enggau penanggul setinggan di Miri ke mayuh udah kurang. Taja pan enda ulih diputar tekala nya laban isu setinggan tu enda muntang diputar,", ku iya.

Iya mega nandu Atur Set­inggan Menua iya nya bekal karan enda diberi ngagai sitak setinggan.

Iya madah baka nya ba aum media pengudah man­taika simpul jurai Aun Kun­sil Nengeri ti Ke-17 ditu, ensanus.

Ba debat ADUN Batu Lintang, See Chee How ke nanya pasal 'Perambu Mu­tarka Penanggul Setinggan', ku Abang Johari, bisi lima Projek Perumahan Rakyat (PPR) udah disuwa ti digaga di Sarawak sepemanjai 10 taun tu ke mungkur 3,016 unit.

Lalu ari penyampau nya, urung 799 unit udah en­dur ruang bilik setinggan (26.4%) diau, ku iya.

Print Friendly