Ulihka Penerang Ti Betul Tuan Obama! |
- Ulihka Penerang Ti Betul Tuan Obama!
- Surat-Suratberita Di Menua US Nusui Pengeraja Taib Beduduk Ari Pengawa Berampaska Tanah!
- Musa Mayar Apai Chia Ngena Ungkus Pengawa Dagang RM67 Juta – EKSKLUSIF
| Ulihka Penerang Ti Betul Tuan Obama! Posted: 13 May 2014 08:16 AM PDT  Penemuai Obama udah diguna enggau naka ulih perintah minoriti di KL Bisi salah sangka ba sekeda orang menua barat ti tebilang pasal nama kebuah rampa kampung menua tropika majak ditebang, ti endur bala sida ti udah ngerusak rampa kampung nya rauh-rauh madahjka diri deka nyaga pemanah rampa kampung. Bala temuai ari menua barat tu ngumbai pengerusak rampa kampung nya majak nekan pengidup orang bansa asal, ti majak lenyau endur diau lalu sida begunaka kampung nya ditebang ngambika bisi peluang bekereja. Tambah mega, mudah agi madahka ngagai orang bansa asal ti 'bingking' le;impah ari ti ngaku madahka pengerusak rampa kampung nya dikereja bala orang politik enggau institusyen ari menua tasik ti rangka. Orang bansa asal begigaka pengidup ARI rampa kampung lalu tubuh sida ti mimit nya disadang ulih ditanka lalu dikemansangka bala tukang tumbang ti semina bekereja mimit-mimit tang ulih ngasuh pengidup sida lantang agi. Tang, Tuan Obama enggau bala orang ti sebaka enggau iya patut mereti ke raban orang bansa asal endang begigaka pengidup ke sida empu dikena sida ngetanka rampa kampung sida lalu ukai betebangka kampung diri.  Tu ukai dikereja bala orang bansa asal ti begigaka pengawa. Tu dikereka bala orang politik ti rangka ti disukung raban kapitalis menua di barat Tu ditemu lebuh rampa kampung udah abis ditebang nya baru orang bansa asal nemu diri kena tekan lalu belabuh ngiga chara neruska pengidup sida. Bala orang ti dekaka pengawa ngulihka kayu batang nya ukai bala orang bansa asal, tang bala orang politik ti rangka enggau orang dagang entarabansa (nyengkaum sekeda nya ari menua Amerika empu) ti disukung orang politik di menua nya empu ti udu korup. Bala orang dagang ti datai ari menua bukai nya dipelanja bank menua barat ti ngeluluka diri enda nemu nama utai ti benung nyadi. Bala orang bansa asal nadai bulih sebarang penguntung lalu semina mimit aja peluang bekereja ulih sida lalu peluang sida bekereja pan mimit bendar.  Sida ngayanka banmtah sida ketegal ngetanka rampa kampung lalu ukai nebang kampung Mayuh agi pengereja pengawa ti datai ari menua bukai nya mai penanggul nagagai raban bansa asal, nyengkaum bepasungka orang indu enggau nembiak mit. Bisi gerempung pengasih di UK ngembuan tuju nemuai sereta meri "tangkan enggau lalau" ke orang bansa asal di Sarawak ngambika ngalau pemanah rampa kampung sida empu. Balat bendar enda mereti sereta enda ibuh bala orang luar nya! Gerempung-gerempung pengasih tu patut nangkan diri empu awakka sida ngelala lalu ukai nangkan orang bansa asal ti lemi, ti endang lama udah ngetanka rampa kampung diri empu. Tang sida patut meranika diri nangkan bala orang politik ti kaya sereta bekuasa lalu mega bala orang dagang enggau bank – nyengkaum orang ti sebaka enggau Tuan Obama! |
| Surat-Suratberita Di Menua US Nusui Pengeraja Taib Beduduk Ari Pengawa Berampaska Tanah! Posted: 13 May 2014 06:51 AM PDT Sebuah agi gerempung suratberita entarabansa udah ngamatka sereta besenutuk penemu enggau penerang ari Sarawak Report ti mantaika pun penatai pengaya ti nyelai Taib Mahmud. Agensi berita Bloomberg/Business Week baru udah mantaika repot sida ba peresa enggau pansik selampur kes minta sarak ari anak lelaki Taib, Mahmud Abu Bekir enggau pekara ti dikumbai sida pengaya ti ditugungka apai sida lalu diengkahka sida di serata dunya. Nyerumba nya, Taib enggau bini biak iya benung ngulu sebengkah pengerami nyambut penemuai seduai ba ujung minggu tu tadi, seraya ke iya ti agi ngambi bagi dalam pejalai pengawa perintah di menua Sarawak nya.  Diberi basa bediri ba atas panggau di Miri, seraya ke diperatika Kepala Menteri … (repot dalam Borneo Post) Abdul Taib Mahmud ti udah merintah menua Sarawak dalam pengelama tiga puluh taun, udah badu ari pengawa nyadi Kepala Menteri dalam bulan Dua tu tadi lalu ngetatka pengaya sida sebilik ti manggai bebilion-bilion dollar. Sebagi ari pengeraja Taib nya udah pansut lebuh pechara minta sarak entara anak lelaki tuai iya, Mahmud Abu Bekir, enggau bini iya, Shahnaz Abdul majid, ti minta pampas sarak manggai $120 juta ba sebengkah chara kes sarak pemadu besai dalam cherita menua Malaysia. Orang diri sebilik nya bisi ngembuan pegai syer pemadu besai dalam kompeni pengawa berumah enggau reta ti bukai di menua Sarawak, nitihka penerang dalam fail korporat. Taib Mahmud nyadika siku kaban politik ti pemadu lama bekuasa penuh ba atas wang turu menua iya, merambu pengawa enggau nguasa asil dalam tanah ba sebuah menua pemadu besai di Malaysia, ti mega nyadika pengeluar setengah ari asil minyak enggau gas Malaysia. Iya udah diberi pemendar merintah 'peneka ati' iya atas menua Sarawak laban ungkup pengawa iya ti mujur ngetanka Najib Razak ba penuduk Menteri Besai dalam Barisan Nasional ti merintah, ba ti direpotka Andrew Aeria, siku professor dalam fakulti politik enggau kaul entarabansa University Malaysia Sarawak. Taib Mahmud enggau bala bakih politik iya dalam BN udah menang 25 iti kerusi ba bepilihbesai bulan Lima taun nyin kemari, nadai dikeruga pengalah parti ti merintah ti alah majoriti ba tikas parlimen Malaysia. Iya badu mangku pengawa Kepala Menteri kena 28 Dua taun tu tadi lalu minta chiri nyadi Gabenor Sarawak, sebengkah pengawa ti penuh basa, sehari udah bekau nya. Tuai menua ti beumur 77 taun nya, ti enda kala ditusui orang pasal pengeraja iya dini-dini endur tauka ba tikas entarabansa, ngembuan reta pengeraja sida sebilik ti manggai lebih $1 bilion, baka ti ditusui Indeks Jutawan Bloomberg. Iya enggai meri sebarang komen pasal semua reta pengeraja iya lalu peminta orang ti deka berandau enggau iya nengah sekretari media iya, Jameson Ahip Nawie. Peminta mendingka komen iya nengah emel ngambika iya ngerintaika semua reta pengeraja iya enggau enggi sida sebilik. Emel nya mega bisi betanya pasal pansik opis MACC ba tuduh penyalah makai suap ba iya. Dulu ari nya, opis MACC dalam saut betulis sida ngagai kaban parlimen ba bulan Tiga nyin kemari madahka pansik ba Taib benung chakah dipejalaika. Sebedau nya, Taib ditemu nadai salah ba pengawa ngaga pemutus penemu meri projek tauka tanah ngagai sida sebilik, munyi ti direpotka opis MACC nya. Taib udah bebula jaku tuduh nya lalu bedau kala didawa dalam kot. MACC madahka dalam taun 2013 suba sida udah numbuhka raban pemansik dikena mansik jaku tuduh ti ngelaban Taib. NGO Global Witness ti bepalan di London kala ngeluarka sebuah wayang pandak ti ngayanka baka ni penyalah makai suap dikereja sida sebilik ngelama tu. Sekumbang diperintah Taib Mahmud, Sarawak udah kurang bepanggai ba pengawa ngulihka asil pengeraja tanah, betanam-betupi enggau atur kampung enggau pengawa kilang sereta kuasa ulih digaga baru. Menua nya ngarika 10 peratus asil ari menua, nitihka data ofisyel perintah. Penyarut ba undang-undang entara anak lelaki enggau bini anak iya nya, Shahnas, udah suah didinga dalam kot di Malaysia udah bekau sarak seduai nyadi ba taun 2011. Shahnaz, siku pemegai degree MBA ba pekara wang, madahka ngagai kot syariah di Kuala Lumpur ba bulan Semilan, iya nadai agi bulih pengerindu ari laki iya dalam pengelama lebih kurang 10 taun lalu madahka laki iya nya, Abu Bekir udah bebini enggau indu Australia, lalu udah nya enggau indu Russia ti enda ditemu iya sekumbang 19 taun seduai ti udah jadi melaki bini. Ba undang-undang Malaysia, lelaki Muslim tau bebini sampai ke ngagai empat iku. Abu Bekir nyadi pengerusi dalam kompeni Cahya Mata Sarawak ti udah dirintaika dalam bursa syer Kuala Lumpur. Iya megai mayuh aset enggi iya empu ti manggai $300 juta, nitihka pansik kompeni pemansik akaun Ferrier Hodgson, sebuah kompeni dagang kunsi di Malaysia ti diupah Shahnaz. Abu Bekir bisi pegai syer dalam 49 kompeni, nitihka dokumen ti diengkahka ba kot. Penyampau syer ti dipegai Abu Bekir dipelabaka besai agi ari nya laban 18 buah ari kompeni nya udah diseliahka ari ngeluarka kira-kira wang kompeni sida ti enda ulih diperesa, nitihka Andrew heng, siku ari raban pemeresa kira-kira dalam opis Ferrier Hodgson di Malaysia ti madahka ngagai kot kena 22 Januari nyin kemari. Heng udah ditanya-balas lawyer Abu Bekir kena 14 April lalu madahka repot iya nya disediaka enggau enda berat sepiak tauka dipengaruh ari luar, nitihka penerang suratberita Malaysia, The Star. Apai Abu Bekir nguasa 42 peratus ari syer dalam kompeni Cahya Mata Sarawak nengah kompeni sida sebilik, Majaharta Sdn Bhd, lalu di baruh nama bala anak enggau niang bini iya, Lejla, munyi ti disebut dalam dokumen dalam bursa syer nya. Sida taib sebilik nyadi pemegai syer pemadu besai dalam kompeni nya, ti ditumbuhka nyadi pengeluar simen enggi menua Sarawak. Nitihka Shahnaz mega, Abu Bekir dipelabaka bisi syer dalam 85 buah kompeni bukai di menua tasik ti bedau diperesa, munyi ti disebut lawyer iya, Rafie Mohd Shafie ti madahka ngagai kot. Abu Bekir nadai nyaut emel ti betanyaka pasal pengeraja sida apai iya enggau peresa bar eta pengeraja iya baka ti dirintaika ba peminta sarak ti didinga dalam kot. Apai iya udah masuk dalam pengawa politik lebuh umur iya baru 27 taun, udah bekau iya tembu belajar ari University Adelaide di menua Australia enggau degree dalam undang-undang dalam taun 1960 dipelanja ngena scholarship. Taib datai ari bansa Melanau, siti ari 27 raban bansa di Sarawak. Iya kala mangku mayuh bengkah pengawa menteri di Sarawak enggau di parlimen Malaysia sebedau iya mangku pengawa nyadi kepala menteri ti diberi aya iya empu, Abdul Rahman Ya'kub dalam taun 1981. Iya ditemu kena empa penyakit kanser perut anak tikas tumu lalu diputung dalam taun 2006, nitihka repot ari Bernama. Niang bini iya bebansa Poland mati ketegal kena empa kanser dalam taun 2009. Kira setaun udah pemati bini iya nya iya jadi enggau indu bebansa Syria, Ragad Kurdi, 46 taun jauh biak ari iya, nitihka penerang berita di menua Sarawak empu. Anak iya, Abu Bekir mangku pengawa nyadi pengerusi dalam Sarawak Cable Berhad, sebuah kompeni tin gaga sereta ngeluarka kabel kuasa tinggi enggau ngaga wayar, ti udah mujur bulih projek masang kabel bekuasa tinggi ari kompeni Sarawak Energy Berhad enggi perintah Sarawak taun nyin kemari. Sarawak nyadika pengeluar setengah ari asil minyak mata Malaysia enggau pengeluar tunggal gas chair, nitihka repot ari Standard & Poor dalam bulan Duabelas nyin kemari. Pengelama iya betan dalam perintah udah nyadi penentu pemansang pengawa dagang ke menua iya, nitihka Song Seng Wun, siku pakar pengawa dagang di CIMB Group Holdings dalam randau nengah telefon ari menua Singapura. Chara merintah menua nya udah mai penguntung ke wang turu menua, bagi swasta enggau ngagai dagang sida sebilik empu. Sida bulih untung ti regas ari peluang nya. |
| Musa Mayar Apai Chia Ngena Ungkus Pengawa Dagang RM67 Juta – EKSKLUSIF Posted: 13 May 2014 03:18 AM PDT  Chia Nyet Min – apai Michael Chia ti baru napi ukum jel laban dituduh nguji minta duit suap ti dikumbai iya dikereja ngarika Musa Aman enggau BN Kepala Menteri Sabah Musa Aman udah enggau enda engkeretik mutarka kes pechara enggau apai siku orang dagang ti dipalit skandal makai suap, Michael Chia, enggau chara meri iya lisin kayu batang pemadu besai enggau mega atur pengangkut nengali, semua nya beungkus RM67,300,407. Michael Chia ti kali udah ditusui kami ketegal bisi megai mayuh bup akaun bank resia ti ngenataika penguntung ngagai sida Musa Aman sebilik, udah ditinggang ukum jel beberapa hari udah bekau pengawa dagang iya ditekanka salah kena 6hb Februari nyin kemari ba beberapa iti tuduh ti enda sebaka. Semua duit agih nya datai ari wang turu menua ti ngarika sebengkah peminta ti dikenataika apai Michael, iya nya Chia Nyet Min, dikena ngelaban Musa Aman ba penuduk iya ti nyadi Pengerusi enggau Kepala Eksekutif dalam Yayasan Sabah dulu suba. Musa Aman udah meri iya dagang nengali ngangkut kayu batang, ti endur kompeni enggi menua Sabah, Berjaya Sdn Bhd udah nya nguji magi-magi pengawa nya ngambika enda nyiping sapa-sapa enggau mega awakka sistem pengangkut nya tau dipejalaika manah agi. Terang bendar putar penanggul nya, baka ti dipansutka akim sebedau kes nya didinga, ngarika pengawa nyerahka diri enggau anak kompeni Yayasan Sabah nya, ti udah dipejuraika entara Musa Aman enggau kroni dagang iya beberapa taun dulu ari tu. Dalam taun 2012 Musa udah bebulaka kaul iya enggau Michael Chia, ti ngarika iya ti diberika tanggungpengawa ngeluarka lisin nebang kayu batang lalu kala mega ngumbai diri 'anak ambu' Musa dikena ngemanahka agi kaul entara Musa Aman enggau apai iya, Chia Nyet Min. Tang, Sarawak Report udah mantaika Chia nya nyadika pengari Musa megai mayuh bup akaun bank, ti dikena sida proses bejuta-juta dollar duit suap ari pengawa ngulihka kayu batang, ti dipasukka ngagai akaun bank enggi Musa di menua Switzerland lalu mega dikena melanja sekula bala anak iya di menua Australia.  Nadai sebarang kaul dagang enggau sapa-sapa – Musa Aman enggau 'anak ambu' iya Michael Chia ba sebengkah pengerami di Sabah Lebuh pekara nya enda ulih dilalaika agi, ditambahka enggau penerang ti majak nambah, bala bos Musa enggau BN ba tikas perintah besai udah nguji nipak tuduh nya enggau chara madahka bayar ti diterima iya ngelama tu dikena melanja pejalai parti UMNO enggau BN lalu ukai ke guna iya empu! Baka ni duit suap kamah nya tau dikumbai beresi nya patut disaut parti ti benung merintah, laban tiap repik duit suap ti diterima sebuah parti politik nya endang salah sama sebaka enggau duit ti diterima orangt siku-siku.
 Duit ti dibayar tauke kayu batang ngagai kompeni enggi Chia, Zenique Investments, udah dikelai ngena leka jaku nyadika duit deposit ke lisin kayu batang! Nama kebuah duit nya enda dipasukka ke dalam wang turu menua? Tambah mega Michael empu udah ditinggang ukum sipat enggau jel semina udah bekau beberapa hari bayar nya dikeluarka ba bulan Februari nyin kemari. Penyalah ti dikereja iya nya nipu kaban tauke kayu batang iya empu ngambika sida pechayaka iya nyadika tukang langgur pengawa ti ulih ngatur lisin ari Yayasan Sabah, laban kenu ku iya, iya bisi bulih kuasa nyadi orang tengah ngari ke Kepala Menteri Musa Aman. Chia udah madahka ngagai Argus Hassan iya patut mayar sebengkah duit bantu politik enggau duit komisyen ti besai. Tau bendar ngasuh orang tekenyit ati, lebuh bala orang dagang ngelala Chia nya nyadika orang kanan ke Musa Aman lalu udah bekau raban BN ngaku Chia nya nyadika orang ti ngatur duit bantu ke parti sida. RM64 juta nya sengkeman bendar diberika ngagai siku orang upah dalam kes tu! [Dikena nemu enggau silik kes Musa Aman enggau 'orang tengah' iya, Chia, peda dalam arkib Sarawak Report ba bagi Spotlight] Rekod-rekod ti diterima Sarawak Report nunjukka Musa Aman udah lama bendar ngelala sereta bekaul enggau Chia Nyet Min sebilik, lalu meri iya agih duit ngagai kompeni iya, Kini Abadi Sdn Bhd, sebengkah atur pengangkut nengali pemadu besai ke kayu batang kenyau ari 1997, lebuh iya mangku pengawa nyadi Kepala Eksekutif dalam yayasan Sabah. Kelimpah ari Chia, dagang nengali nya udah mai penguntung lalu atur nya udah ngenataika ati ti enda lantang ba raban kompeni kayu batang ti bukai ti sama deka ngena sistem pengangkut asil tebang ti murah agi lalu meruan agi ari ti selama.  Rintai ungkus pengangkut asil tebang ti ditetapka Chia Tu laban jaku serebana orang ba pengawa dagang nengali ti madahka Sabah Berjaya udah belabuh ngemendarka tauke kayu batang bukai ngena stur pengakut ti bukai lalu tu udah ngujungka kes undang-undang difailka Kini Abadi ngelaban Sabah Berjaya. Ba keterubah iya, apai Michael Chia udah ngenaika saman bepenyampau RM84 juta, ti ngasuh mayuh orang tekenyit laban kaul entara sida Chia sebilik enggau Musa Aman enda lama udah ditanggam. Mayuh orang ngumbai, enti penyarut tu amat nyadi entara siku orang politik enggau kroni iya, tauka sida semina deka ngulihka duit ke guna Musa Aman, ti nyengkaum pengawa iya meri sabsidi ngagai parti iya empu?  Lisin enggau dagang nengali Yayasan Sabah nya diberi ngagai Michael Chia enggau apai iya Chia Nyet Min (baka ti udah bisi dalam dokumen opis MACC) – ke terubah iya Musa nyadi kepala Eksekutif lalu diatu Pengerusi (ti mega Kepala Menteri Sabah) Peminta Chia ba Sabah Berjaya/Yayasan Sabah nya bekaul enggau pengelenyau kuasa dagang nengali iya, ti udah digaga bari ke 5 taun dalam taun 2006 suba ti manggai ba ungkus RM84 juta. Ba ke terubah iya nya Sabah Berjaya udah ngetanka tindak nya, enggau chara madahka sida nadai sebarang kaul dikena ngetanka pengawa dagang nengali nya, laban kontrak ti digaga baru nya terang bendar nunjukka selampur pengawa nya endang ba kuasa Yayasan Sabah empu. Kes ti ditanka nya mega madahka Kini Abadi enda ngemnuhka kontrak nya, laban asil kayu batang ti diangkut nya kelalu lubah lalu atur nya udah ngemendarka kontraktor bukai diberi tanggungpengawa ti sebaka.  Leka jaku ti berani – tang bala defenden (Yayasan Sabah/Sabah Berjaya) udah ngalahka diri lalu mayar RM64 juta! Tang nitihka penerang ti bisi dalam salin eksklusif kami nunjukka bayar ti penudi diatur ba mua Komisyener Undang-undang di Sandakan, Dato Douglas Cristo Primus Sikayum, ba bulan Februari terang bendar nunjukka opis menua nya udah ngalahka diri, ti ngemendarka sida Chia sebilik ngetanka dagang nengali sida lalu mega bulih kuasa nebang nengali rampa kampung pemadu besai di menua nya! Rampa kampung ti ditebang nya bulih 4,000 hektar pemesai.  Pampas ngena lisin ngulihka kayu batang ti mayuh agi ari selama Tambah mega, bayar nya udah ngemendarka kompeni enggi Chia minta tikas tebang ditambah ngelui ari tikar ti dikemendarka lalu sida mega mengkang ngetanka dagang nengali ngangkut asil tebang nya. Bisi mega saum penemu dikena ngarut aum dikena bejuraika atur nikika ungkus ngangkut ba dagang nengali nya ti dipejalaika Chia enggau mega bejalaika ungkus pengangkut ti baru nya enda lama agi! Siti-siti utai ti manah ke "orang ti nadai sebarang kaul dagang" enggau kepala Menteri ti mega nyadika Pengerusi dalam Yayasan Sabah! Seninjik bendar ke menua Sabah ti endur rampa kampung iya majak ditebang dikena ngisi kuchik orang diri sebilik ti udah dibantaika pengerangka sida dalam kot ketegal kelalu korup.  Chia begambar enggau lawyer enggi Musa, Christopher barnesm, siku ari bala orang ti nerima duit suap pengawa ngulihka kayu batang ti ngarika Musa |
| You are subscribed to email updates from Sarawak Report To stop receiving these emails, you may unsubscribe now. | Email delivery powered by Google |
| Google Inc., 20 West Kinzie, Chicago IL USA 60610 | |