LANGGAR! Pesan Ari Raban Bansa Di Norway Ngagai Raban Bansa Asal Sarawak |
| LANGGAR! Pesan Ari Raban Bansa Di Norway Ngagai Raban Bansa Asal Sarawak Posted: 26 May 2014 07:27 AM PDT  SAVE Rivers ari Sarawak ngayanka bantah sida ba atas Tekat Alta Kraftverk ba Sungai Alta di Finmark, Utara menua Norway Bos kompeni Sarawak Energy, udah ngiruh diri numpuka jaku penerang iya ngagai bala orang di Sarawak nya iya mai pemanah reti pemansang Norway ngagai sida. Baca artikel berita ari menua Norway lalu peratika Torstein Dale Sjotveit nya semina nyadika mulut pengerangka Taib lalu udah meri malu ke pengawa pemansang enggau pemereti ati ti udah mujur dikereja di menua iya empu ngagai orang bansa asal di menua sida nya. (PENERANG MEDIA ARI ALTA & KARASJOK / NORWAY) gerempung NGO SAVE Rivers ari Sarawak, bisi ngatur penemuai ba ujung minggu tu tadi ngagai Tekat Alta yang dibalut penyaru runding di Utara menua Norway. Projek Tekat Alta nya udah kala napi bantah ti balat ba ujung taun 1970 enggau 1980 ari raban bansa asal Sami di menua Norway. Tore Bongo, siku ari tuai raban bansa ti nguluka bantah, udah nangkan raban NGO SAVE Rivers pasal sukung sida ngagai orang bansa asal Sarawak ti mantah projek dua belas buah tekat ti dilanggurka deka digaga di Sarawak: Raban SAVE Rivers ari Malaysia nya bulih perati ari raban pengarang berita lalu direpotka radio menua Norway, stesyen televisyen Sami, Oddasat. Tau peda repot penemuai nya ba pemaut ti disediaka ditu:
http://radio.nrk.no/serie/her-og-naa-hovedsending/dmnh01010214/22-05-2014#t=48m47s
Ke terubah iya, pemesai tekat nya diubah nyadi mit agi lalu nadai genturung enggau tumpuk pendiau orang bansa asal diampuhka ai tekat ti niki. Kedua, udah bekau dibantah nya, perintah Norway lalu belabuh bebasaka kuasa pengelantang orang bansa asal Sami nguan kandang menua nya. Mayuh undang-undang baru udah digaga udah bekau Tekat Alta napi bantah, enggau ngemendarka raban bansa asal Sami ngerembaika daya idup enggai main asal sida. Dalam taun 1989, raban bansa asal tu udah mujur numbuhka Parlimen sida empu di pelilih Karasjok. Siku pengari Parlimen Sami, Silje Karine Muotka, udah nyediaka sebengkah pengerami dikena nyambut penemuai NGO SAVE Rivers nya lalu udah nya nguluka sida nemuai di sebelah rumah parlimen nya. Maria Ajang ari Sarawak nerangka pengalit ati iya ba bantah raban bansa Sami: "Aku berasai temegah meda pengeliat ati raban bansa Sami ngetanka daya idup sida, jaku sida enggau tanah sida. Sida enda surut ngapa, tang terus mantah ke pemanah rebak sida ti dudi." Penemuai raban bansa asal ari menua Sarawak ke Norway nya mai asil ngagai dua bengkah menua nya. Dua bengkah raban bansa asal nya sama belah udah napi keruga ba tanah, daya idup sida. Taja pan di Norway, ubah udah nyerupa ke pemanah raban bansa Sami, tang pengidup orang asal di Sarawak agi enda meruan sereta dichiping.
"Perintah menua Norway endang bebendar ati nulung ngetanka daya idup enggau kuasa pengelantang orang bansa asal Norway ti betubuh mimit nya. Perintah sida udah ngemendarka raban bansa Sami nentuka jalai pengidup sida empu." Siku agi pengari ari Malaysia, Lah Jok, nentuka peminta iya didinga: "Perintah Malaysia patut masa kuasa pengelantang orang bansa asal baka ti dipejalaika perintah Norway." Penemuai ngagai Tekat Alta enggau jurai enggau raban bansa asal Sami nya ngelai pengujung penemuai dua minggu raban NGO SAVE Rivers ke menua Eropa ti udah mujur nekanka serebana orang bansa asal Sarawak ti mantah pengawa ngaga dua buah tekat ti dilanggurka di Sarawak Borneo. |
| Posted: 26 May 2014 04:51 AM PDT  Rampa nengeri Kuching diubah ngena juluk ati Taib Sebengkah kontrak pengawa ngaga rumah ti besai bendar ungkus udah diberi Taib Mahmud ngagai kompeni-kompeni enggi sida sebilik ba minggu ke penudi iya mangku pengawa Kepala Menteri suba. Kontrak 'ti diperundingka' nya nadai ngena atur tender tebuka ti dikena iya nentuka kontrak nya diberi terus ngagai iya empu aja. Asil ari nya, rampa tebing sungai Sarawak di nengeri Kuching deka ubah nyadi rampa nyerupa pengeraja menua Arab, dati ari penemu Liberace ti nyual piano emas iya ngagai Taib. Taib Mahmud endang deka bulih penguntung ari kontrak ti benung dipejalaika nya.  Liberace, siku orang ti rinduka pengidup chara Las Vegas ti nyadika pemerambu rampa baru nengeri Kuching ke Taib? Kandang tanah ti dikemansangka nya udah diambi ari bala orang di menua nya ba rega ti mimit bendar lalu projek nya dipelanja ngena wang turu menua ti udah dipasukka ke dalam 'dagang kunsi' enggau kompeni SEDC. Projek dagang kunsi nya dikena nentuka ungkus nya dipelanja ngena wang turu menua, lalu untung ari pengawa nya deka dipasukka dalam kontraktor sida Taib sebilik, baka CMS, Naim Candera enggau PPES  Kontrak RM35 juta ngagai kompeni sida Taib sebilik PPES enggau Naim Candera dikena ngaga Jematan Emas meraka sungai di Kuching  Taib datai ngena kereta besai berega mar iya ba pengerami bejadi rumah tinggi begembar di kandang Kuching Itmus Tang kontrak ti besai-besai ditanggam beberapa bulan ke udah nya ngaga rumah tinggi begembar ba atas kandang Kuching Itmus. Rumah tinggi dua buah nya deka endur engkahka opis ti besai bendar reti ba Taib di menua nya. Sebuah agi rumah tinggi deka endur engkahka SEDC, sebengkah agensi beranakka puku ti dikena melanja mayuh dagang kunsi enggi sida sebilik, baka resot temuai di Mulu. SEDC mega 'bakih dagang' kompeni CMS tin gaga opis baru iya! Tiap iti opis perintah nya udah diserahka ngagai CMS ba rega RM76 juta – kedua-dua nya beungkus RM150 juta ke kompeni sida Taib sebilik. Projek nya udah dipejadi ba bulan Lapan nyin kemari lalu dikemataka CEO CMS bebansa British, Richard Curtis. Projek berumah nya semina siti ari rintai kontrak ti udah diserahka orang tuai ti rangka nya ngagai kompeni sida sebilik enggau enda ngena atur tender besemekih. Dikena melanja program SCORE iya nyadi Menteri Pekara Belanja undah ngagihka setengah ari bajet menua dikena melanja duit injau dikena nyukung bebilion-bilion ringgit ungkus kontrak ti besai-besai, tebal agi nya nengah kompeni-kompeni sida sebilik. Diatu iya udah nyadi Gabenor, tang lalu nadai kelai langgur 'pemansang ekonomi' di menua iya deka diubah.  Perintah ayam Taib? Rumah tinggi di Kuching ti digaga kompeni iya empu Duit ti diinjau ngena bajet menua Sarawak, ti udah ngelui ari duit agih ti patut dikena melanja sekula, sepital, diatu dikena melanja projek dalam pelilih SCORE enggau pengawa begagaka gajah burak, baka rumah opis perintah tu. Aruh iya ga suratberita nusui pasal pengawa dagang kompeni-kompeni ti tentu deka bulih untung dalam SCORE – ari tujuh buah kompeni munyi ti ditusui Borneo Post, semua nya enggi Taib enggau bala kroni dagang iya magang. Ba gigi tangga pengabis atas dalam rintai nya CMS ti bepengerusika anak Taib empu. Udah nya Naim Candera, bepengerusika petunggal iya enggau mega nomini iya, Hamed Sepawi. Sama bisi dalam rintai nama kompeni nya Ta Ann, ti mega bepengerusika Hamed Sepawi; KKB Engineering, ti 20% ari nya diempu CMS. Sida Taib sebilik deka ngulihka untung bebilion-bilion di Sarawak, lalu bala orang selama baka bala pengayuh sampan ti bepanggai ba anak tambang bala penumpang ti deka meraka sungai agi betanya-tanya nama penguntung sida ari dagang nengali ti dikereja sida Taib sebilik?  Endang tentu dikemansangka CMS |
Nitihka penerang ari pengari raban bansa asal Sami, Tore Bongo, bantah ngagai projek Tekat Alta nya suba udah ngukir cherita lama menua nya bepun ari polisi perintah ngagai raban bansa asal Sami di Norway.
Peter Kallang, Pengerusi SAVE Rivers, meri jaku iya ti positif ba gaya pendiau enggau pengidup orang asal Sami di Norway nya:| You are subscribed to email updates from Sarawak Report To stop receiving these emails, you may unsubscribe now. | Email delivery powered by Google |
| Google Inc., 20 West Kinzie, Chicago IL USA 60610 | |