» »Unlabelled » Naroden enda irauka penumbuh pampang DAP dia BorneoPost Online | Borneo , Malaysia, Sarawak Daily News » Berita Iban - New 2 Borneo

05:43:00

Naroden enda irauka penumbuh pampang DAP dia BorneoPost Online | Borneo , Malaysia, Sarawak Daily News » Berita Iban - New 2 Borneo

Naroden enda irauka penumbuh pampang DAP dia

Posted: 12 Dec 2013 11:11 AM PST

by Chris Bishop. Posted on December 13, 2013, Friday

KUCHING: Ketuai Parti Pesaka Bumiputera Bersatu (PBB) pampang Simunjan Datuk Naroden Majais (gam­bar) enda nangika penegap iya ba sitak nya dikeruga berindik ari penemu DAP ke merambu deka numbuhka palan servis parti nya di Simunjan.

Iya ke mega Kaban Kunsil Nengeri (ADUN) Simunjan madah, PBB udah majak tegap di menua nya lalu udah dipandangka ba pemutus tiap pengawa bepilih nengeri eng­gau parlimen kenyau ari taun 1991.

"Sistem demokrasi enda na­gang sebarang parti numbuhka pampang ba dini alai enti udah dikemendar. Enti DAP mer­ambu numbuhka pampang di Simunjan, aku enda ulih nagang lalu aku mega ngasaika penegap diri ba sitak nya enda dikeruga.

"Ba penemu aku. . . DAP nadai sukung di Simunjan, ketegal aku dah lama nguan sitak nya begulai sereta ngelala peranak menua dia.

"Baka ke suah, engka bisi seiku dua ke enda lantang ati enggau PBB lalu sida tu meh ti deka ngalih ngagai raban penyakal baka DAP," ku iya lebuh nyaut tanya pemberita pengudah bejadika sebeng­kah pengawa ke diatur ditu, kemari.

Iya ke mega Menteri Muda Pengatur Pengeraja Asal nam­bah, PBB ti ngarika Barisan Nasional (BN) di Simunjan udah majak tegap ke alai udah nerima sukung ari nembiak rebak baru menua nya.

"Kenyau ari taun 1991, baik nya ba pengawa bepilih nengeri tauka parlimen, penyampau pengundi BN majak nambah.

"Aku udah nempuh pengawa bepilih lima kali di Simunjan, aku nemu . . . .DAP sigi nadai sukung di Simunjan,' ku iya.

Bedau lama tu tadi DAP mansutka penerang ke alai menua Simunjan udah nyadi sebengkah agi kandang endur sida deka numbuhka palan servis parti baka ke udah dibuka ba menua pesisir ke bukai.

Ba pengawa bepilih nengeri taun 2011, raban penyakal (Pakatan Rakyat) di DUN Simunjan diarika Parti Keadi­lan Rakyat (PKR).

Ba taun 2011, Naroden menang nengah undi 5,465 ngalahka PKR ti semina teuli­hka 1,417 undi ari penyampau 10,104 pengundi.

Print Friendly

To enable your comment to be published, please refrain from vulgar language, insidious, seditious or slanderous remarks. This includes vulgar user names.

Bisnu: Pedagang mit Bumiputera diperansang nyikap diri napi pemar

Posted: 12 Dec 2013 11:09 AM PST

KUCHING: Orang dagang Bu­miputera lebih agi pedagang mit di nengeri tu diperansang chakah nyikap diri betangkup enggau se­barang pemar bekaul enggau chara ngerembaika asil tauka produk.

Ketua Penolong Pengarah Ba­hagian Usahawan, MARA Negeri Sarawak, Bisnu Majnis madah, pedagang mit ukai semina patut landik ngasilka produk tang patut ngembuan juluk ngerembaika asil tauka produk ngagai tikas antara­bansa.

"Kitai ti nyadi Orang Dagang Bumiputera ti komited sereta ngemeranka pengawa dagang nyadi pun pengidup patut nyikap diri ari pun kena napi semua pemar laban dunya dagang ukai pekara ti muntang dikereja.

"Enti ba renggat keterubah sereta kedua iya nya ngasilka produk udah mujur, orang dagang patut berund­ing lebih jauh agi iya nya renggat ketiga patut ulih ninjau makit antarababansa kelimpah ari nger­embaika makit di Kuching tauka Semanjung Malaysia.

"Pejalai ngerembaika produk tu enti disebut endang mudah enti dipeda endang terang tang deka ngereja iya betapi pemar, laban deka ngenembus makit anatarabansa may­uh atur nyengkaum chara mungkus produk ke patut dititih," ku iya.

Bisnu mansutka pekara nya lebuh bejadika Program Peningkatan Pe­rusahawan Mikro dan Kecil (PMK) 2013 (Pembungkusan) (Sektor Makanan dan Minuman) ti diatur MARA Negeri Sarawak enggau SIRIM Berhad ba sebengkah hotel ditu, pagi kemari.

Program nya berengkah diatur 24 September 2013 sereta dipasuk 14 iku pedagang mit di kandang menua Kuching enggau seiku ari Daro.

Tuju program nya dikena meri penerang ngagai orang dagang bekaul enggau servis dalam pengawa dagang baka teknikal, label tauka chop nama produk enggau pengeluar sereta chara mungkus produk.

Nambahka nya dikearapka nen­gah program nya ulih mantu orang dagang mit ngerembaika dagang enggau pemekal servis sereta ny­ungkakka asil jual produk.

"Dikerapka kitai, 14 iku orang dagang mit ti nyereta program tu ulih ngemansangka produk jauh agi tauka berundingka nama ti patut dipe­jalaika pengudah tu," ku Bisnu.

Dalam jaku pengelalu, Ketuai Seksyen Perunding enggau Kualiti, SIRIM Berhad, Khirul Salleh Mar­zuki madah, SIRIM besedia deka besaup enggau ejensi tauka opis bu­kai ba pengawa ngemansangka orang dagang Bumiputera di nengeri tu.

Iya ngarapka program ti udah dia­tur ulih meri pangka manah ngagai orang dagang mit nengeri tu.

"Dikerapka pangka program baka meri label baru ulih nambahka asil jual sereta ngerembaika produk jauh agi lalu ulih nyimpan belanja dikena ngubah premis.

"Sepemanjai taun 2006 ngagai 2013 bisi 1,200 iku pedagang serata Malaysia masuk Program Peningka­tan Kualiti Produk, lalu 10 peratus ari penyampau nya orang dagang ari Sarawak," ku Khirul seraya ma­dahka program diatur bepelasarka agih belanja.

Print Friendly

To enable your comment to be published, please refrain from vulgar language, insidious, seditious or slanderous remarks. This includes vulgar user names.

Peranak Rh Henry beterima kasih ketegal bantu

Posted: 12 Dec 2013 11:09 AM PST

KUCHING: Peranak Rh Henry Gomez, Kampung Mission Ulu Teru Tinjar, Baram deka berengkah ngentak rumah panjai ke baru, terima kasih ngagai bantu ke udah diberi Menteri Pemansang Rama Tan Sri William Mawan Ikom, Menteri Muda Pengerengka Guna Mensia Mayuh Datuk Dr Stephen Rundi Utom enggau chairman Parti Pro­gresif Demokratik Sarawak (SPDP) Pampang Marudi Alexander Asing Sadai.

Mawan ke mega Presiden SPDP enggau Presiden SDNU meri bantu RM48,000 ditang­kan Dr. Rundi (RM20,000) sereta Asing (RM6,000) kel­impah bantu ari raban bukai di menua nya.

Maya dikerandau kena malam Hari Tiga, Asing madah, iya mega peranak asal Kampung Mission Ulu Teru.

Kena 17 Nov, 2013, per­anak rumah panjai nya udah ngatur pengawa miring "Be­gawai Bekalih Tanah" minta ampun laban deka ngentakka rumah panjai baru ba apak lama ke udah angus diempa api. Taja pia, rumah panjai baru nya disadang dientak ba endur lama laban tanah udah dirataka magang.

Asing madah, pengawa miring nya betuaika Leman­bang Jenau seraya iya (Asing) bejadika pengerami ngentak rumah baru ke mega bisi digulu Penghulu Nyandang ari Sebubu enggau bala tuai rumah bukai ke besemak baka ari Jagan Ulu, Jagan Ili enggau Bakong. Antara Tuai Rumah (TR) ke bisi datai ba pengerami nya baka TR Benang Pilang, TR Musin Radin enggau TR Kalong Gok.

"Terima kasih ngagai Tan Sri Mawan enggau Datuk Dr Rundi laban udah ngagi­hka bantu taja enda chukup dikena ngaga semua rumah panjai. Kami (peranak) diatu merambu minta lun rumah enggau minta agih belanja ari sekim rumah panjai ba baruh kemata Kaunsil Pemansang Rumah (HDC)," ku iya.

Beduduk enggau nya, As­ing ngarapka piak ke bekaul ulih berundingka peminta sida laban diatu ungkus meli ramu bangat mar. Pia mega, iya minta Opis Penyah Pe­nusah enggau Pengerara Api (BOMBA) nyikap peranak enggau kereban madamka api sereta latih ngerara api.

"Aku mega beterima kasih ngagai Opis Pengintu Pengelantang Mensia Mayuh (JKM), Opis Pengerai enggau Opis Pemansang Raban Bansa (KEMAS) ba bantu enggau pemeri baka barang pemakai, perengka dapur enggau gari maya kami dituntung penusah angus suba," ku iya.

Rumah panjai 23 pintu bilik nya udah angus retung diempa api taun nyin kemari.

Print Friendly

To enable your comment to be published, please refrain from vulgar language, insidious, seditious or slanderous remarks. This includes vulgar user names.

Industri kayu ramu Sarawak mengkang tegap taja rega bisi nurun

Posted: 12 Dec 2013 11:08 AM PST

KUCHING: Industri kayu ramu Sarawak ba penuduk manah lalu mengkang te­gap taja rega batang enggau produk kayu ba makit dunya bisi nurun.

Berindik enggau nya, Kepala Menteri Pehin Sri Abdul Taib Mahmud madah industri nya udah ngenataika RM7.2 biliun setaun ngagai nengeri.

"Industri kayu ramu udah nempa siti pemujur ti besai ke alai asil udah nambah lapan kali lipat ari maya keteru­bah aku nemu industri tu suba,"ku iya seraya ti madah Sarawak udah dikelala ket­egal ngembuan pengelandik ngintu kayu tropika.

Iya mansutka jaku nya ba pengerami makai malam nyerumba 40 taun Penumbuh Serakup Pemansang Industri Kayu Sarawak (PUSAKA) di Palan Aum Borneo Kuching ditu, kemari.

Taib ke mega Menteri Pen­gatur Pengeraja Asal madah Sarawak nadai agi ngembuan penanggul besai ba senentang kayu asal.

Taja pia, iya madah dikena ngerembai industri kayu nengeri ngambika ulih nge­mansut mayuh agi asil kayu, perintah nengeri deka num­buhka estet kayu ba serata nengeri ti mungkur tanah pemesai sejuta hektar.

"Program tu dipejalai ngambika pemujur ba in­dustri kayu enda teketu naka nya aja ketegal pekara ke bansa tu suah nyadi lalu tau ngujungka penguntung ke dijapai ngelamatu enda dikerembai jauh agi.

"Ba kaul ke sama, kitai ulih mansutka asil dua setengah kali lipat lalu dalam timpuh 20 taun ti deka datai. Pogram tu siti atur ti manah kelimpah tau matak mayuh agi orang ke landik ngaga pansik senentang kampung kitai,"ku iya.

Berindik enggau nya, Taib gaga ati ketegal PUSAKA udah nempa mayuh pemujur kenyau ditumbuh 40 taun ke udah.

"Aku temegah ati laban PUSAKA udah ngerembaika pengawa diri lalu ukai semina ba industri kayu aja tang udah muka kandang endur baru sereta numbuhka sebuah mengeri di Tanjung Manis.

"PUSAKA mega patut diperansang ngaul diri ba pengawa tauka dagang bukai ketegal ngembuan penegap ba atur belanja,"ku iya.

Ba pengerami makai lemai nya, Taib bisi nyuaka gelar Perkhidmatan Setia PUSAKA ngagai 13 iku pengereja pen­gawa PUSAKA ke alai iya mega bisi ngelancharka Bup 40 Taun PUSAKA.

Sida ke nerima iya nya Yii Puong Hoo, John Wong Yiik Hong, Awang Ali Awang Putit, Junaidah Johari, Aluie Boh, Eda Edan, Masni Moha­mad Ismail, Ruth Sibat @ Nur Mithali Abdullah, Aida Daud, James Weng, Saili Lam, Jack Jangu enggau Sariah Saibon.

Bela datai Sapit Kepala Menteri Datuk Patinggi Tan Sri Alfred Jabu, Menteri Pen­gatur Pengeraja Asal enggau Rampa Menua II Datuk Amar Awang Tengah Ali Hasan, Menteri Pekara Wang II Dato Sri Wong Soon Koh, Sekre­tari Perintah Nengeri Tan Sri Datuk Amar Mohamad Morshidi Abdul Ghani eng­gau Menijer Besai PUSAKA Datu Sarudu Hoklai.

Print Friendly

To enable your comment to be published, please refrain from vulgar language, insidious, seditious or slanderous remarks. This includes vulgar user names.

Projek Loji Perawatan Air dipelabaka ulih mutarka penanggul suntuk ai

Posted: 12 Dec 2013 11:08 AM PST

MATU: Projek Loji Perawa­tan Air ti benung dipejalaika diatu, dipelabaka ulih mutar­ka penanggul suntuk ai beresi ti suah nyadi ditu, pia ku Sek­retari Politik Kepala Menteri, Abu Seman Jahwie.

Beduduk ari nya iya ngara­pka rayat di kandang menua nya liat ati betapi enggau penanggul suntuk bekal ai laban perintah bebendar deka mutarka pekara nya.

"Perintah udah ngung­kupka sepenyampau RM79 juta dikena mutarka penang­gul nya.

"Projek nya berengkah dipejalaika bulan Ogos taun nyin kemari, diatu dipe­jalaika enggau lanchar," ku iya madah ngagai pengarang berita lebuh dipinta ngenang penemuai seraya gawa ngagai palan endur ngaga loji ai nya ditu, kemari.

Nambahka nya iya ti ny­adi Kaban Kunsil Nengeri (ADUN) Jamoreng madah, pengawa ngemanahka nya ukai semina ungkup peranak Matu tang nyengkaum rumah panjai di Bruan, Nangar Besar enggau Daro.

"Kami nemu penanggul peneras ai ti enda laju ti nuntung peranak Matu Daro betaun ke udah sereta rayat selalu sebana. Aku ke nyadi pengari rayat enda mampul pending tang chakah mutarka pekara nya," ku iya.

Loji Perawatan Air ba Hulu Kampung Jemoreng ulih nyendiaka 10.5 juta liter (MLD) sehari.

Nitihku iya, projek nya be­rengkah dipejalaika pengudah nerima ungkup belanja khas ari perintah besai, lalu diatu chakah dipejalaika dikena nentuka tembu nitih timpuh udah ditetapka.

Kelimpah ari nya iya ma­dahka kualiti pemeresi ai ba loji Matu datai ba tikas ti ditetapka Opis Menteri Pengerai lalu nadai isu ai keruh tauka nadai kualiti.

Abu Seman bebendar ngenukuka rumah panjai di sitak iya nerima bekal ai be­resi, ti nyangkaum kandang menua Kebuaw enggau Ilas di Igan.

Print Friendly

To enable your comment to be published, please refrain from vulgar language, insidious, seditious or slanderous remarks. This includes vulgar user names.

Dua ruang bilik kena penusah angus minta bantu mensia mayuh

Posted: 12 Dec 2013 11:08 AM PST

SIBU: Nadai daya bukai, Cecilia Sidiah Usiek enggau Minda Usiek ngarapka bantu ari mensia mayuh nyaup ngaga rumah baru bekau ari rumah seduai di Rumah Tuah, Batu 24, Jalai Oya ditu angus kena hari Satu tu tadi.

Seduai mega bisi betemu enggau Sekretari Politik Kepa­la Menteri Andrew Shilling Banggit minta bantu nyaup ngelempung penusah seduai.

Nitihka dipadah Cecilia, sida sebilik balat rugi ketegal penusah angus nya ke nyadi urung pukul 11.20 malam maya nya.

Ku iya, kelimpah lenyau dokumen ke beguna, sida sebilik rugi ambis nadai RM48,000.

Berindik ari pekara nya, Andrew minta mensia mayuh ke lempung jari mantu seduai tau ngelawa opis Parti Sa'ati Rayat Sarawak (SUPP) di Jalai Kampung Datu ditu.

"Dua bengkah ruang bilik tu ngarapka bantu mensia mayuh enda milih bantu baka barang pemakai, kain enggau baju tauka bantu ke bukai," ku iya madah ngagai penga­rang berita, kemari.

Ba penusah nya, dua pintu rumah kayu ambis angus diempa api urung pukul 11.20 malam.

Api dipelabaka nyadi bepun ari bilik dapur.

Raban Penyah Penusah enggau Pengerara Api (Bom­ba) ke nerima kangau ari mensia mayuh datai ngesah penusah nya tang api udah nganguska ambis semua ru­mah nya.

Taja pan baka nya, nadai penusah bebadi nyawa diriput nyadi.

Print Friendly

To enable your comment to be published, please refrain from vulgar language, insidious, seditious or slanderous remarks. This includes vulgar user names.