» »Unlabelled » Penemuai kaban PPWS Semalau ke Kanowit dikena ngedut kaul BorneoPost Online | Borneo , Malaysia, Sarawak Daily News » Berita Iban - New 2 Borneo

05:09:00

Penemuai kaban PPWS Semalau ke Kanowit dikena ngedut kaul BorneoPost Online | Borneo , Malaysia, Sarawak Daily News » Berita Iban - New 2 Borneo

Penemuai kaban PPWS Semalau ke Kanowit dikena ngedut kaul

Posted: 10 Dec 2013 03:00 PM PST

SARIKEI: Dua belas iku kaban Gerempung Besai, Gerempung Orang Indu Sarawak (PPWS) Semalau Baru, Belawai bisi nemuai sambil belajar ngagai sekeda endur di Kanowit, ke­mari.

Chairperson, Monaliza Lidom madah, penemuai nya dikena ngedutka kaul kaban PPWS ba kededua kandang endur dia.

"Kelimpah ari nya, kami mega deka belajarka chara ngaga handikraf di Rumah Ludam, Nanga Lipus. Ke ngemegahka ati nya sida ulih ngasilka handikraf ke ngembuan identiti diri empu, nyelai sereta man­ah.

"Tupi rutan enggau tikai ambika banding tau bendar meri penyungkak ba penatai pemisi sida laban laku dijual ba menua ditu empu," ku iya bejaku ngagai media, kemari.

Sekeda palan ke dilawa nya Kampung Bedil, Kubu Emma enggau Homestay Rumah Benjamin Angkie.

Print Friendly

To enable your comment to be published, please refrain from vulgar language, insidious, seditious or slanderous remarks. This includes vulgar user names.

Seiku nembiak primari tiga parai lemas maya berikan

Posted: 10 Dec 2013 03:00 PM PST

MARUDI: Seiku nem­biak sekula primari tiga di SK.Lubok Nibong lemas lebuh seduai meapai nani pukat ba parit besai ke alai apai iya nya pengereja pengawa ba Ladang sawit Tembarap 1 di Bakong.

Nembiak lelaki nya, Stan­ly Umpoh ngaling apai iya maya penusah nya nyadi ke alai apai iya Umpoh Raman gawa nyadi deriba luri ba ladang dia.

Ku seiku kaban sida ke madah kemari urung pukul 4.30 lemai, iya enggau apai iya nani pukat ba parit besai penalam 10 kaki nya.

Udah nemu apak ke manah alai ngetan pukat, dia apai iya madah ngagai anak iya enda ngasuh min­dah tang nganti, enda datai lima minit lebuh apai iya nyengau ngagai alai iya ke bediri meda anak iya nadai peda agi ba tebing parit.

Bisi pengirau, dia iya mai bala bakih sepengawa begigaka anak iya tang nadai temu.

Meda baka nya, iya lalu bepadah ngagai polis eng­gau bomba.

Ku Kepala Bomba Maru­di, Nicholas Belulin, iya bisi nerima kangau ari apai nembiak nya urung 9.29 malam tang laban hari nyau laun dia sida ngelanjarka pengawa begiga ngagai pagi siti.

Nicholas Belulin enggau lima iku pemesai bomba ke bukai datai kia ngagai palan alai penusah tang nembiak nya udah temu apai iya enda jauh ari tempat alai iya ngasuh anak iya nganti urung pukul 6.15 pagi.

Bangkai iya lalu dibai ngagai Sepital Marudi pagi kemari ke alai rumah mayat penuh endur kaban belayan ke ngesah pemati.

Apai iya, Umpoh Raman bansa Iban Rumah Meri­kan, Lubang Kompeni, Lubok Nibong seraya in­dai iya bansa Berawan ari Rumah John Mato, Long Tuyot, Tinjar.

Print Friendly

To enable your comment to be published, please refrain from vulgar language, insidious, seditious or slanderous remarks. This includes vulgar user names.

Sarawak ulih nyadi kuasa besai dalam ekonomi

Posted: 10 Dec 2013 02:59 PM PST

by Rengenyan Labang. Posted on December 11, 2013, Wednesday

KUCHING: Penembu pro­gram pemansang SCORE lebuh manggai ba taun 2030 ila ulih negika Sarawak ba penuduk di atas sekali dalam pekara ekonomi.

Kepala Menteri Pehin Sri Abdul Taib Mahmud madah, naka ke diatu nengeri tu teulihka penuduk ketiga ba penyulut ekonomi.

"Aku berasai gaga seharitu berindik ari nengeri kitai ke teulihka penyulut ba pekara ekonomi. Penembu program pemansang SCORE ila, kitai ukai ba penuduk ketiga tang manggai di atas sekali ari se­mua nengeri di menua tu.

"Penyulut nya mega ukai ketegal kitai betuah tang ketegal pemereti sereta kedut semua pengereja pengawa perintah, sekalika ba opis perintah besai tauka nengeri," ku iya.

Taib mansutka pekara nya seraya bejadika Hari Pengereja Pengawa Perintah 2013 ti diatur ba BCCK ditu, kemari.

Tandu iya, program pe­mansang bansa sebaka, semina nengeri tu ti udah belajar lama sereta ngembuan peneleba nyerenih juluk pemansang, ngena pengelandik diri ngatur nitihka peneka sereta peminta rayat awakka sama begulai enggau perintah ngenyam­patka pemansang menua.

Nambahka nya Taib ma­dah, diatu kitai muka diri ukai semina ungkup Malaysia nyadi menua besai tang kaban ba pekara daganag ke ulih besemekih renggat dunya.

Kitai mayuh peneleba dalam dagang kayu lalu diatu nya deka disemekih nengah dagang minyak sawit, ku iya.

"Mayuh penguntung ari peneleba kitai ba kompeni besai baka shell ke udah lama ngemeranka pengawa nya diatu.

"Kitai deka meda mayuh anak Sarawak besemekih ba pengawa dagang serata dunya. Rayat kitai bisi beda­gang di Nigeria, England, New York enggau Ivory Coast. Penyakah besemekih ba pengawa dagang baka tu patut dikerembai besai agi ba renggat dunya," ku iya.

Kelimpah ari nya Taib ngarapka pemayuh pengereja pengawa perintah ulih ny­ingkang jauh agi sereta bete­ladanka sektor peribit ti ulih gawa begulai enggau sektor perintah.

"Mayuh pengereja pen­gawa perintah bepeneleba sida tau ngemansangka sektor peribit seraya ngenyakahka pengawa besemekih ba pen­gawa dagang.

"Aku ngarapka kita pengereja pengawa perintah anang semina duduk entara dinding tang patut nampai jauh baka ni sektor peribit tau ngambi bagi begulai enggau pengereja pengawa perintah seraya bejalaika atur pen­gawa ke menuku jemah ila," ku iya.

Nyereumba Hari Pengereja Pengawa Perintah 2013, Taib diberi basa nyuaka 'Anugerah Pegawai Contoh Terbaik 2013' ti dimenang dalam Kategori Kumpulan Sokongan II iya nya Tan Siew Sim ari Opis Pelajar Nengeri Sarawak enggau Mahdzar Julaihi (Lembaga Kemajuan Bintulu); Kategori Kumpulan Sokongan I iya nya Kangot Awan (Opis Pelajar Nengeri Sarawak) enggau Pegie Wow (Opis Kereja Raya).

Nambahka nya Anuge­rah Pegawai Contoh Terbaik 2013 Kategori Pengurusan & Profesional dimenang Di­rektor Opis Dagang Dalam Nengeri, Koperasi enggau Pekara Bebeli Barang Nengeri Sarawak Wan Ahmad Uzir Wan Sulaiman enggau Lim Siau Chung ari Opis Tanah enggau Survei lalu Kategori Pengurusan Tertinggi di­menang Datu Dr. Andrew Kiyu Dawie (Opis Pengerai Nengeri Sarawak) enggau Ju­mastapha Lamat (Opis Pekara Wang Nengeri Sarawak).

Kelimpah ari nya Taib mega diberi basa nyuaka Anuge­rah Kualiti Perkhidmatan Awam Nengeri Sarawak sereta mayuh anugerah bukai ti mega disuaka Sapit Kepala Menteri Datuk Patinggi Tan Sri Alfred Jabu Numpang sereta Sekretari Perintah Nengeri enggau Besai, Tan Sri Datuk Amar Morshidi Ghani enggau Datuk Md. Yahaya Basimin.

Print Friendly

To enable your comment to be published, please refrain from vulgar language, insidious, seditious or slanderous remarks. This includes vulgar user names.

Kot Besai netapka 24 Feb endur mendingka peminta gerija ngapil

Posted: 10 Dec 2013 02:58 PM PST

PUTRAJAYA: Kot Besai udah netapka 24 Februari taun baru tu ila endur mend­ingka peminta Gerija Katolik ngapilka pemutus ke digaga Kot Apil ti nagang surat berita ti dikeluarka ninting minggu 'Herald' ngena leka jaku "Allah" dikena nyebut "God".

Sapit Pengerejister Kot Besai, Nor Aziati Jaafar netapka haribulan nya pen­gudah kes nya dikerandauka kena 5 Disember tu tadi.

Luyar S.Selvarajah, nga­rika Gerija Katolik madah ngagai pengarang berita, responden dalam kes tu iya nya Opis Menteri Dalam Nengeri, Perintah Menua Malaysia, enam bengkah Kaunsil Pengarap Islam Nengeri enggau Gerem­pung China Islam Malaysia (MCMA) mantah pengawa gerija ke deka ngapil nya.

Ku iya, sida (responden) diberi timpuh dua minggu nganjung fail afidavit kena ngelaban peminta dikemen­darka nya.

Berebak enggau nya, luyar Mohd Tajuddin Abd Razak, ngarika MCMA, madah, Dewan Bahasa dan Pus­taka (DBP) merambu deka nyadi pengerichau dalam kes nya.

Ku Selvarajah, kot meri timpuh seminggu ngagai DBP nganjung peminta sida ke alai gerija disadang deka nagang sida nya (DBP).

Kena 14 Oktober tu tadi, tiga iku panel akim Kot Apil betuaika akim Kot Besai, Datuk Seri Mohamed Apandi Ali sepenemu ngemendarka apil perintah nagang Herald ngena leka jaku "Allah".

Kot ngiarka pemutus Kot Besai Tinggi taun 2009 ti ngemendarka surat berita nya ngena leka jaku "Al­lah".

Kena 16 Februari 2010, Gerija Roman Katolik ti betuaika Ketuai Biskop Murphy Pakiam, nganjung fail peminta ngambika bala akim nyebut nama Opis Menteri Dalam Nengeri eng­gau Perintah Malaysia nyadi responden, ti madahka pe­mutus Opis Menteri Dalam Nengeri ke nagang ngena leka jaku "Allah" dalam Herald enda diaku.

Herald, dikeluarka dalam empat bansa jaku sereta nge­na leka jaku "Allah" dikena ngumbai "God" dalam edisi jaku Melayu, lebih agi ba peranak menua Sabah eng­gau Sarawak. — Bernama

Print Friendly

To enable your comment to be published, please refrain from vulgar language, insidious, seditious or slanderous remarks. This includes vulgar user names.

Berengkah 2014, semua ke ngelawa TNS deka dipinta bayar masuk: SFC

Posted: 10 Dec 2013 02:57 PM PST

KUCHING: Sarawak For­estry Corporation (SFC) deka belabuh minta bayar ari orang ke ngelawa Taman Negara Santubong (TNS) berengkah 1 Jan taun dudi tu.

Orang besai tuai peranak menua Malaysia deka dipinta mayar RM10, orang ke tim­pang pendiau RM5, nembiak 7 ngagai 18 taun RM3 seraya sida ke beumur enam taun ke baruh enda bebayar.

Bayar ungkup orang besai tuai ukai peranak menua (RM20), orang ke timpang pendiau (RM10), nembiak 7 ngagai 18 taun (RM7), seraya sida ke beumur enam taun ke baruh enda bebayar.

Naka ke diatu, orang ngelawa tempat nya nadai bebayar lalu Taman nya udah digazet nyadi taman bansa kena 28 Februari dalam taun 2007, ke ngembuan pemesai 1,410 hektar.

Penyauh 35 minit pejalai ngena kerita ari Kuching, kandang menua Santubong nyadi pematak mensia setegal pemanah rampa asal ba peli­pir Bukit Santubong.

Penerang ke silik bekaul enggau taman bansa di Sarawak, tau diambi ari www.sarawakforestry.com.

Print Friendly

To enable your comment to be published, please refrain from vulgar language, insidious, seditious or slanderous remarks. This includes vulgar user names.

Pengereja pengawa perintah patut dikemegah

Posted: 10 Dec 2013 02:57 PM PST

by Rengenyan Labang. Posted on December 11, 2013, Wednesday

KUCHING: Sarawak nengeri ketiga pemadu be­sai dalam pekara ekonomi ti teulihka Pemansut Kasar Asil Dalam Menua (KDNK) sepenyampau RM77.9 bil­lion ti mungkur 10 peratus ari KDNK menua kitai.

Pekara nya dipadahka Sekretari Perintah Nengeri Sarawak, Tan Sri Datuk Amar Mohamad Morshidi Abdul Ghani lebuh bejaku ba pengerami Hari Pengereja Pengawa Perintah (HPA) 2013 ditu kemari.

Iya madah, nya mandan­gka bisi penyungkak ba per kapita KDNK enggau penurun ba tikas penyeranta menua.

"Seharitu, Sarawak iya nya nengeri ketiga pemadu besai dalam pekara ekonomi di menua tu enggau KDNK sepenyampau RM71.9 bil­lion ti mungkur 10 peratus ari KDNK menua.

"Per kapita KDNK kitai mega nambah 57 kali lipat ari RM688 dalam taun 1963 ngagai RM40,414 ba taun 2012 lalu tikas penyeranta udah nurun ari 56.5 peratus dalam taun 1970 ngagai 2.4 taun 2012," ku Morshidi.

Bejaku baru ku iya, pemu­jur nengeri nya mungkur semua pekara ti nyengkaum fizikal, ekonomi enggau sosial.

Ku iya, pengereja pengawa perintah nyadi komponen pemadu beguna dalam pen­gawa ngemajuka menua la­ban sida nya (pengereja pen­gawa perintah) ti bejalaika juluk enggau penemu tauka runding perintah ke dalam strategi, perambu sereta bejalaika atur pengawa.

"Aku temegah ati eng­gau pemujur ti dipejalaika sida (pengereja pengawa perintah) dalam timpuh lima puluh taun ti udah lalu sida tu endang patut dikerami, dipebasa enggau diberi gelar seharitu.

"Enggau peluang tu aku beterima kasih ngagai semua pengereja pengawa perintah ti nyengkaum ke udah badu enggau ke benung bejalaika pengawa laban nyendiaka servis engkeman enggau taluk gawa ke rayat Sarawak sereta mantu ngubah tauka mai transformasi ngagai pengidup ti lebih menyana," ku Morshidi.

Pengerami Hari Perkhid­matan Awam 2013 ti diatur ba BCCK ditu kemari dipen­yadika Kepala Menteri Pehin Sri Abdul Taib Mahmud.

Berebak enggau tu maya atur pengawa ke sama, Sek­retari Perintah Besai Nengeri Sarawak, Datuk Md. Yahaya Basimin madah, menua diatu begunaka servis ti betul, jam­pat enggau integriti ari opis perintah tauka pengereja pengawa perintah ti ulih ngemenuhka peminta eng­gau guna mensia mayuh.

Nengah tranformasi servis ku iya mayuh ubah ti udah nyadi sereta nerima puji ari rayat bekaul enggau pen­gawa ti dikereja pengereja pengawa opis perintah.

"Pemujur transformasi bepanggai ba pemendar enggau komitmen ari semua piak. Nya alai kitai patut sejalai sereta senipak enggau juluk ti udah ditetapka.

"Nyadi ejen trasnformasi, pengereja pengawa perintah patut kompeten sereta ngem­buan integriti tinggi maya bejalaika tanggungpengawa. Patut dikeingatka, penyulut dalam bejalaika pengawa perintah ungkup mensia mayuh, nya ukai palan tang sebengkah pejalai," ku Ya­haya.

Sama bisi ngulu atur pen­gawa nya kemari, Sapit Kepala Menteri ti mega Menteri Betanam Betupi Moden Datuk Patinggi Tan Sri Al­fred Jabu Numpang; Menteri Pemansang Infrastruktur enggau Penyambung Dato Sri Michael Manyin Jawong; Menteri Pengintu Pengelan­tang, Pekara Indu enggau Pemansang Ruang Bilik Datu Fatimah Abdullah enggau lebih 4,000 pengereja pengawa opis perintah nengeri enggau perintah besai di Sarawak.

Print Friendly

To enable your comment to be published, please refrain from vulgar language, insidious, seditious or slanderous remarks. This includes vulgar user names.