» »Unlabelled » SCRIPS ngenajamka penemu pasal hak pengempu tanah NCR BorneoPost Online | Borneo , Malaysia, Sarawak Daily News » Berita Iban - New 2 Borneo

05:28:00

SCRIPS ngenajamka penemu pasal hak pengempu tanah NCR BorneoPost Online | Borneo , Malaysia, Sarawak Daily News » Berita Iban - New 2 Borneo

SCRIPS ngenajamka penemu pasal hak pengempu tanah NCR

Posted: 08 Dec 2013 12:09 PM PST

KUCHING: Urung 200 iku orang ngulu atur pengawa beserumpu Makai Lemai NCR 2013 'Our Territory Our Land, Our Land Our Lives' ke diatur Society For Right of Indegenius People of Sarawak (SCRIPS) ba sebengkah hotel ditu malam ensanus.

Kelimpah nya, SCRIPS mega ngundang sekeda orang ke landik ba pekara tanah adat bansa asal (NCR) meri penerang lalu bekunsi peneleba enggau pengari ke datai.

Entara isu ti dipejurai iya nya Adat Pemakai Menua, undang-undang tanah NCR ti bekaul enggau seksyen 8 sereta ke bukai.

SCRIPS nyadi sebuah gerempung ke ukai dikuasa perintah (NGO) ke keran ngenan tanah NCR sereta nentuka orang ke ngempu tanah diberi hak ke adil ba tanah sida.

Bela datai Kaban Parlimen Bandar Kuching Chong Chien Jen enggau Sekretari SCRIPS Micheal Mering Jok.

Print Friendly

To enable your comment to be published, please refrain from vulgar language, insidious, seditious or slanderous remarks. This includes vulgar user names.

Penanggul rama nyadi enda milih endur tauka maya: Zul

Posted: 08 Dec 2013 12:09 PM PST

KAPIT: Sapit Residen Pelilih Kapit, Zul Usop ke mega pengemata ba bagi pengawa rama ditu madah, penanggul rama nyadi ba dedini endur dalam komuniti sekalika ba kandang mengeri enggau komuniti ke mimit penyampau.

Taja pia, semina mimit kes ke nyadi bisi diriput sekalika nya ketegal enda pechayaka diri empu tauka endang enda nemu pasal undang-undang tauka chara ngaga riput ba raban ke bekuasa.

"Ejensi perintah enggau NGO patut begempung ngatur program dikena nyadung penemu nyengkaum meri motivasyen, randau dikena ngiri penemu sentang penusah rama baka jadi melaki bini umur biak, adat nikah, adat sarak, nembiak enda nurun ke sekula, enda besekula, pelajar sekula, penusah kena pasung, 'indai blues' enggau sekeda penanggul bukai," ku iya bejaku ba Aum Komiti Pengatur Enggau Pematau Pengawa Rama Pelilih Kapit, renggat ke-empat ke diatur ba Kompleks Negeri Bletih, ke digulu semua ejensi enggau opis perintah.

Berebak enggau nya, iya muji Opis Polis Kapit laban  udah ngatur program ke dikumbai 'Community Policing' ti nyadi sebengkah inisiatif dikena ngedutka kaul ba peranak menua enggau raban penerit adat. Ke pemadu baru, program nya udah diatur ba Rumah Ebong, Sungai Kapit, Jalai Bukit Goram ditu.

Ku iya nengah program nya, mensia mayuh diterangka enggau silik sentang batang pengawa ti dipejalaika raban polis seraya ngedutka kaul enggau komuniti, laban nengah kaul ke manah nya, pengawa munas pengawa ke jai nya deka ngasi agi dipejalaika kededua piak raban nya.

"Seiti ari penanggul rama ke nyadi ba nembiak sekula ke bemalam di buding, iya nya lebuh sida mulaika diri maya ujung minggu. Maya nya sida patut mulaika diri ke menua, tang bisi sekeda pulai ngagai rumah bakih sida. Kami irau ati ke sida laban maya nya mayuh macham pekara tau nyadi. Nya alai kami deka bejalaika pansik sentang pekara tu," ku iya.

Sebengkah agi penanggul rama ke dikeirauka kami iya 'indai blues'. Seiti ari kebuah pekara tu nyadi laban laki sida gawa ba menua bukai, ke alai bini sida tinggal di rumah nyaga anak.

Ku Zul, nitihka statistik indek pengawa jai ke dirikut ba Kapit ari bulan Januari nyentuk ke September 2013, bisi 78 iti kes diriput. Ari semua kes nya, bisi empat iti kes masung indu lalu 35 iti kes nya bekaul enggau reta tengkira nyengkaum nyerungkai rumah.

Zul minta semua opis nusun sereta nganjung rikut ke bekaul enggau sebarang pekara ke bekaul enggau penusah rama ngagai opis iya ngambika disimpan ba bank data penusah rama ke nyadi di Kapit.

Ku iya nandu, riput nya enda tau enda ditulis kebuah, haribulan, palan endur nyadi, sapa, gerup ke ditagit sereta tuju pengawa sida.

Sama bisi ngulu aum nya, administrative officer Irene Merang enggau Venassa Joseph, pemesai pekara rama, Wilson Pilo, pemesai ari opis nembiak lumba enggau main, Magdline Eddie, rejisterer Mahkamah Syariah, Sarjal Sudin, Sapit direktor Opis Penerang, Koh Kumbong enggau sekeda bala bukai.

Print Friendly

To enable your comment to be published, please refrain from vulgar language, insidious, seditious or slanderous remarks. This includes vulgar user names.

Pesta Baki mujur dipenyadi di Rumah Daniel Dian, Nanga Baki ditu

Posted: 08 Dec 2013 12:08 PM PST

KAPIT:Sekretari politik Kepala Menteri Sarawak, Wilson Nyabong empai lama, udah bejadika 'Pesta Baki 2013' di Rumah Daniel Dian, Nanga Baki, Batang Rajang Kapit.

Program nya diatur Opis Menteri Pemansang Rama Bagi Menua Kapit.

Atur pengawa ke bisi dipejalaika maya nya baka sukaneka, beripai, licha ari Kaunsil Sungai Sarawak, PERKESO, Tanah enggau Survei, Opis Pengerara Api enggau Penyah Penusah (Bomba) sereta Parti Rakyat Sarawak (PRS) ke ngerejister pengundi, ngitung penyampau pengundi enggau sekeda pekara bukai.

Lebuh bejaku, Wilson Nyabong meri terima kasih ngagai semua opis perintah ke udah nyukung  program ti digulu seraban 18 iku Tuai Rumah ari palan ngundi di pelilih mit Pelagus.

Nengah awak nya mega, Nyabong lalu nerangka senentang polisi penggau Chukai Servis Perintah (GST).

Iya mega ngelalau rayat berakup ngambika BN ulih menang ba pengawa bepilih tu ila.

Ku iya, semua tuai rumah patut berakup sereta nyukung BN sereta chalun PRS maya pengawa bepilih Kunsil Nengeri tu ila. Iya mega berasai lantang ati laban nembiak redak nadai bebagi ati nyukung PRS.

Sama bisi ngulu pengerami nya, Pemesai Penguasa Pemansang Rama Rata Tanggal; Pemesai Nembiak Lumba enggau Main, Jack Janda; pemesai ari opis Tanah enggau Survei, Watson Awam enggau sekeda ketuai opis bukai.

Print Friendly

To enable your comment to be published, please refrain from vulgar language, insidious, seditious or slanderous remarks. This includes vulgar user names.

Serenih penyampau gaji pengereja pengawa: Wan

Posted: 08 Dec 2013 12:07 PM PST

KUCHING: Penyampau gaji pengereja pengawa ba industri patut diserenih ngambika tau matak mayuh agi peranak menua diri," ku Sapit Menteri Dalam Menua Datuk Wan Junaidi Tuanku Jaafar.

Ku iya, raban pengaji enda patut meri gaji murah sereta ngambi peranak menua luar gawa ba industri sida.

Iya nambah, pengawa nya tau ngujungka sekeda wang menua tu mindah ke bukai lebih agi ngagai Indonesia enggau Bangladesh.

"Diatu kitai enda patut kelalu ngarapka peranak menua luar ti udah manggai 2 juta iku di serata menua ti bekereja ba sektor begagaka rumah enggau kebun bedandang besai.

"Berindik ari nya, raban pengaji patut meri gaji ke setipak ngambika ulih matak mayuh agi peranak menua tu empu gawa," ku iya.

Iya mansutka jaku nya ba pengawa nerasi tanah begunan baru SJK Chung Hua Sungai Buda lalu bejadi Balai Mensia Mayuh China Tapang, Bako, Muara Tebas enggau Sungai Buda ditu, kemari.

Kelimpah ari nya, iya ke mega Kaban Parlimen Santubong madah, atur ngena teknologi baru ba tiap industri patut mega dikemerat lalu ulih ngadaka mayuh agi orang ke landik ba pekara nya.

Ba pengerami nya,Wan Junaidi sereta Kaban Kunsil Nengeri (ADUN) Demak Laut Dr Hazland Abang Hipni bela ngagihka belanja RM100,000 seiku ungkup pengawa ngaga begunan baru SJK Chung Hua Sungai Buda.

Pengawa ngaga begunan baru SJK Chung Hua Sungai Buda beungkus RM450,000 ke alai perintah besai nyendiakka geran RM300,000.

Print Friendly

To enable your comment to be published, please refrain from vulgar language, insidious, seditious or slanderous remarks. This includes vulgar user names.

GRASS ngatur pengawa begelumu beserimbai enggau Hari Hak Semua Mensia, 10 Dis

Posted: 08 Dec 2013 12:05 PM PST

KUCHING: Sebengkah raban ngelar diri 'Peoples Movement of Sarawak' (GRASS) deka ngatur pengawa begelumu bebala mayuh chara aman di serata nengeri beserimbai enggau Hari Hak Semua Mensia kena 10 Disember tu.

"Tuju pengawa tu diatur nya dikena ngayanka ngagai orang ke megai kuasa nya bansa peranak asal tauka peranak asal Sarawak enda lantang ati setegal tanah NCR ke suah ditujah, kandang menua sida enggau mega penatai pengeraja asal sida suah dikeruga perintah nengeri enggau kompeni," ku sebengkah penerang ke dipansut ensansa.

Ralli aman nya deka diatur di Kuching, Sibu, Bintulu enggau Miri. Di Kuching, ralli nya deka bepun di Padang Merdeka pukul 10.00 pagi lalu raban nya deka berarak nuju main bazaar nikal baru ngagai Padang Merdeka.

Di Sibu, bala orang ke ngambi bagi deka begelumu di balai ruang Chuang Sibu Town Square pukul 10.00 pagi.

Bisi 200 iku pengari ari pupu raban bansa diadang datai ari tempat baka Sungai Assam, Sungai Igan, Selangau, Balingian, Mukah, Kanowit, Machan, Poi enggau Ngemah, ke alai sida nya udah ngasaika pengerugi tauka dikenakut sentang tanah NCR.

Di Bintulu, raban nya deka begelumu di mua Tugu Pengingat Keterubah Kunsil Nengeri pukul 10.00 pagi.

Di Miri, raban nya deka begelumu ba mua Pusat Dagang Centre Point  ba Jalai Kubu pukul 10.00 pagi terus berarak ngagai makit ikan udah nya nuju Wisma Pelita Tunku lepas nya bejalai nikal baru ngagai Pusat Dagang Centre Point.

Print Friendly

To enable your comment to be published, please refrain from vulgar language, insidious, seditious or slanderous remarks. This includes vulgar user names.

Alexander ngungkupka RM495,000 MRP

Posted: 08 Dec 2013 12:03 PM PST

KANOWIT: Geran Projek Mit Pemansang Menua Pesisir (MRP), RM495,000 udah disadung ngaga 99 iku penerima dalam sitak Ngemah.

Pengerami nya udah diatur ba Dewan mayuhguna Opis Pelilih Mit Kanowit kena Hari Lima nyin tadi.

Chek MRP nya udah disuaka Kaban Kunsil Nengeri Ngemah, Alexander Vincent ngagai Komiti Pemansang enggau Pengelikun Genturung Pendiau (JKKK), NGO enggau Kelab.

Ku iya, belanja nya diberi nitihka peminta sida. Iya arapka belanja dikena enggau memanah.

Sama bisi ngulu pengerami nya Pemancha Spencer Kudang enggau SAO, Gima Mengkang.

Print Friendly

To enable your comment to be published, please refrain from vulgar language, insidious, seditious or slanderous remarks. This includes vulgar user names.