Posted: 17 Feb 2014 04:41 AM PST

Sekali ke Agong mega dipinta nyiri Taib nyadi Gabenor Sarawak?

Agi bisi dua minggu peluang endur Menteri Besai Malaysia ngatur sebengkah tindak ba siku liability entarabansa ti tau meri malu ngagai menua enggau bansa, iya nya Kepala Menteri Sarawak, Abdul Taib Mahmud.

Kleptokrat tuai ti benung balat dibalut skandal makai suap enggau salah guna kuasa nya udah nyerahka surat badu bekereja iya, ti deka dipejalaika kena 28 haribulan Dua tu ila, tang iya mega bejuluk ati deka majak bekuasa ba atas menua iya nya.

Ngena kuasa chara tuai bekukut besi iya, Taib udah maduka penganti iya empu, iya nya kaban belayan iya empu ti tuai sereta enda tentu bepengerai nya, enggau enda dibantah bala ukui pengasu iya dalam parti iya, PBB.

Enggau jampat mega iya udah nentuka iya bisi bendar pengarap ba Agong, ari pinta Menteri Besai Malaysia, awakka nyiri iya ngadi Gabenor Sarawak ba sebengkah pengerami dalam beberapa hari agi.

Taja baka nya, ke terubah iya, iya napi sebengkah maya ti tau bendar nganu iya empu, nengah jaku penerang ti deka dipansutka.

Najib Razak enda patut ngelepaska peluang ti pemadu berega tu.

Iya patut enggau naka penyampat nagang Taib, sekumbang Taib ti nganti pemutus ti enda temu pun enggau ujung nya. Lalu enggau ulah Menteri Besai ti enda engkeretik nya nunjukka iya benung berundingka pekara nya enggau dalam.

Politik nya ngereja pengawa enggau chara ti chakah sereta kasar ke pemanah bala rayat mayuh ba maya ti begunaka nya.

Ke terubah iya Taib udah ngelenyauka diri sekumbang berita angin pasal utai ti deka dipansutka iya sebedau utai nya nyadi nyata.

Enda lama udah nya iya pansut baru lalu meri penerang pasal iya ti deka badu bekereja, tang iya mega deka nentuka sapa ti patut nganti penuduk iya, lalu beserimbai enggau nya iya meri tanda ke juluk ati iya ti deka nyadi Gabenor Sarawak lalu mengkang bekereja baka selama.

Bala ukui pengasu dalam PBB lalu belabuh betempap jari di serata menua Sarawak, tang ulah KL ti enda engkeretik nya udah nandaka sida enda gaga tauka ransing ati baka ti dikarapka. Sekali ke perintah Najib meda pekara nya ari sukut positif tauka enda?

Kena hari Satu, Menteri Dalam Menua enggau Kepala Polis Menua direpotka udah nemuai ngagai opis Taib di Kuching. Kebuah ti nemuai nya dikena berandauka pengawa nyediaka bepilihbesai ti disadang deka diatur sebedau timpuh DUN nya chukup. Nyelai bendar!

Sekali ke pansik raban SPRM mega nyadika sebagi ari batang randau maya penemuai sida nya?

Sereta udah bekau penemuai sida nya Taib lalu ngambi tindak ke diri empu lalu ngelanggurka kaban belayan iya empu ti udah tuai sereta enda tentu bepengerai nya nyadi Kepala Menteri nganti iya, semina beberapa jam sebedau Sapit Menteri Besai Muhyiddin Yassin datai ari KL, ti dipelabaka datai enggau tuduh penemu ti lain agi. Sekali ke Taib deka ngambi tindak sebedau Najib ngeluarka sebarang penerang?

Semina dalam timpuh beberapa jam, sebedau Najib ngambi tindak iya meri jaku puji ngagai atur nyiri Adenan Satem. Tambah mega Perintah ti betuaika iya endang bisi chalun sida empu, iya nya Abang Johari ti dikumbai sida chukup beresi. Ba Taib empu, juluk ati iya ti deka dichiri nyadi Gabenor ba ujung bulan tu, naka ke diatu lalu bedau bisi sebarang penerang dikeluarka.

Datai ba timpuh endur madamka perintah bechura geritokrasi (perintah betuaika raban tuai ti udah lama meritah sereta tuai umur)

Baka ni enti Najib ngatur singkang iya empu kelimpah ari ti ngamatka juluk ati Taib?

Tu mih maya endur mechat orang tuai Sarawak nya lalu tu mih maya ti jarang bendar bisi dikena masuk champur dikena nimbang kuasa.

Semina Najib aja ti ulih ngereja semua utai nya lalu ke dudi hari ila, iya deka dipeda baka pungka lelaki.

Bala kaban politik ti enda ulih engkeretik di menua Sarawak semina peli-peli mata nyadika pemerati sekumbang ti nganti atur dipejalaika betangkan-tangkan ba mua sida, enda salah-salah baka ti ngemataka atur nya nadai besangkutpaut enggau sida, lalu sida nadai betanggungpengawa nentu sereta milih tuai menua diri empu.

Menua Sarawak dipeda baka ti patut diperintah dua iku tuai ti udah tuai bendar umur ari orang diri sebilik ti sama, lalu nadai siku pengari bansa Iban tau mangku pengawa pemadu tinggi, mayuh udah dikerandauka.

Ngerami 50 taun menua udah merintah diri lalu 50 taun Taib duduk dalam perintah!

Sebengkah randau udah dipelabaka diatur lalu ti endur Najib enggau Agong deka ngambi tindak seduai nyiri Taib mangku pengawa ti dikinginka iya.

Tang, enti Najib nurutka peneka iya, Taib deka bekuasa belama, merintah menua iya ari opis Gabenor, beserimbai enggau atur iya mutarka pejalai politik anak lelaki iya (tauka anak indu iya, Hanifah) ngerebut kerusi Balingian ti udah dikusungka iya, dikena nyediaka diri nguluka PBB ba bepilihbesai ti deka diatur dua taun ari diatu.

Ipar iya ti udah tuai umur sereta enda tentu bepengerai nya deka dipechat iya, lalu pengawa iya pan tembu.

Siku tuai ke dulu suba – Satem nya kaban belayan iya empu lalu mega bakih iya maya skandal Ming Court, siku orang ti jarang bendar dikarapka Taib

Tang, bisi sebengkah lupak dalam proses nya ti baru tebuka. Diatu Taib udah berubah ari siku tuai menua pemadu bekuasa di Malaysia nyadi siku orang ti ngelempaika pengarap iya ngagai Najib nyiri iya nyadi Gabenor.

Enggau enda mukai-mukai Taib udah bepanggai ba Najib, lalu nama kebuah Najib enda ngena peluang nya ngatur tindak ngena kuasa enggau penuduk menteri besai iya nya?

Tang baka ni enti jurai udah diatur? Nya meh ti dikumbai orang politik!
Batang pengawa Najib nya ditagaka ngagai rayat iya lalu ukai berat agi ngagai tuai bekukut besi ti pengamah, Taib Mahmud nya.

Mayuh chalun ti landik sereta pandai sereta enda kamah nama, ti tau dipilih Najib dichiri nyadi Gabenor Sarawak, kelimpah ari ti enda tau enda nyiri siku orang ti balat dibalut penyalah makai suap enggau salah guna kuasa, lalu paut iya ba kuasa nya nyau majak balat agi.

Pansik SPRM ti benung dipejalaika ba penyalah makai suap Taib dalam pengelama beberapa taun nya besai bendar reti, ti endur bala pemesai SPRM ti mansik kes iya mengkang enggai madamka kes sida nya.

Pengarah Atur Strategi PKR, Rafizi Ramli diatu mansutka jaku penerang ti minta penerang ofisyel ari opis SPRM bekaul enggau pansik sida ti benung dipejalaika lalu parti penyakal nya madahka Taib enda patut dichiri nyadi Gabenor Sarawak seagi-agi iya bedau beresi ari tuduh salah guna kuasa enggau penyalah makai suap ti agi malut iya.

Enti Najib majak deka minta Agong nyiri Taib nyadi Gabenor, Taib ti udah tesat runding nya tentu deka bekuasa baru lalu enda ulih kena tegu agi, enggau anak iya ti besedia diasuh iya mengkang merintah atas rayat iya ti seranta di menua Sarawak nya.

Lalu Menteri Besai Najib Razak deka dipeda lemi enti dibandingka enggau Taib ti ulih ngatur semua kerusi ba ikas perintah besai.

Rahman Sulaiman Taib dipeda baru datai ba Rumah Hampshire

Lalu bisi siti agi isu, ti endur Taib dipeda seruran ngamahka nama sebarang orang ti ngaga kaul enggau iya.

Sarawak Report diatu ulih mantaika, nyentuk ke ngagai maya Agong ti bepenuduk pemadu tinggi di menua nya tau bendar diengkahka ba penuduk ti ngemaluka iya enti iya mengkang dipinta nyiri Taib nyadi Gabenor Sarawak ba ujung bulan tu.

Laban bisi sekeda jaku tanya ti terang bendar tentu deka dipansutka bekaul enggau kaul entara iya enggau kepala menteri ti kaya nya, lebih agi atur nguan flat sida sebilik ba Hyde Park Place di nengeri London.

Beberapa taun tu udah Sarawak Report udah mantaika pasal Rumah Hampshire ti selalu dilawa sida Taib sebilik, ti ngena rumah nya nyadika palan endur sida bemalam di nengeri London – tambah mega sida sebilik endang suah bemalam dia semanjai taun.

Sida Taib sebilik nguan ba Flat 5 ba tingkat baruh, ti diregista atas nama Agong.
Pekara tu nyungkak jaku tanya sekali atur nyua rumah nya endang dipesetujuka entara Agong enggau Taib Mahmud?

Sekali ke, ambi ke chunto, Taib tauka siku ari sida sebilik nyua rumah nya ari Agong? Enti ya, sekali ke sida mayar suwa bulan ba penyampau £26,000 (RM144,000) sebulan/ £6,000 seminggu, ti ngujungka penyampau suwa nya tinggi bendar munyi ti dipandangka dalam iklan ke sebuah flat berega mar nya?

Diregister atas nama lis 120 taun [i.e. rekod kuasa pengempu flat nya] Reta nya enggi Agong ba Flat 5 Hampshire House, regista reta tengkira di London

Beberapa bulan ke udah bala pengarang berita kami kala tepeda Abu Bekir, iya nya anak lelaki Taib, pansut ari Flat 5 lebuh iya ti nganti ba mua rumah nya.

Sarawak Report mega kala ngambi gambar siku agi anak lelaki Taib, iya nya Sulaiman, dianjung kerita besai ti sangkai ba mua rumah besai nya.

Sekali ke sida Taib sebilik benung mayar suwa ke rumah enggi Agong nya tauka enda, atur nya tentu nyelai bendar laban Agong ngaga kaul enggau siku orang politik ti dibalut penyalah makai suap, lalu ngarap sereta andal ke diri dichiri nyadi Gabenor menua Sarawak.

Taib enda patut diasuh besemak enggau Agong

Betul bendar enti Agong enggau mulia iya ti tinggi nya enda dipinta Menteri Besai nyiri siku tuai perintah ti benung dituntung mayuh macham jaku tanya laban iya patut ditejuka badu bekereja dulu sekumbang ti kena pansik nya.

Menceroboh – Samling Mengupas Hutan Rizab Di Baram! EKSKLUSIF

Posted: 17 Feb 2014 04:27 AM PST

Diatu Sarawak Report bisi tetemuka pengawa kroni kayu batang Taib, kompeni Samling, ti udah belabuh nebang kandang kampung galau di pelilih Baram, enggau sadang ke kandang endur nya tentu deka ampuh laban ai Tekat Baram ti dilanggurka nya.

Keruga nya dipejalaika taja pan asil pansik empas projek ngagai rampa menua bedau ditembuka lalu projek nya mega bedau nerima sebarang pemendar ti ofisyel.

Kandang endur ti dikenang tu nya di pelilih Long Palai di kandang menua Long Anap ti lama udah digazetka perintah nyadika kampung pulau galau enggi orang bansa asal dia.

Kompeni Samling nadai ngembuan sebarang lisin enggau kuasa dikena sida ngambi kayu batang ari endur nya, tang orang asal di menua nya madahka kompeni nya udah enggau naka penyampat ngereja kampung nya laban ngena peluang ngumbai kandang menua nya deka ampuh laban ai tekat, enti sema Kepala Menteri udah meri pemendar ngaga tekat nya dipajakka ila. Pekara tu udah dikamatka siku orang ti meri penerang ari dalam industri kayu ramu nya empu.

: Kandang rampa menua ti disadang deka ampuh laban Tekat Baram (bechura oren) enggau kandang menua ti ditebang

Berebak enggau maya Kepala Menteri Taib Mahmud ti enda balalaika pengingin iya ngerusak Sungai Baram dikena iya ngulihka mayuh agi kuasa elektrik hidro, projek nya endang enda dikerinduka orang asal di menua nya.

: Orang asal di menua nya tetemuka jalai lori kayu batang ti digaga Samling ngerenchah menua Long Palai lalu nekat jalai nya

Bepuluh ribu iku orang bansa asal deka lenyau pendiau asal sida enti endur nya diampuhka, lalu bedau lama ti udah sida ari Long Palai udah mujur muru kompeni ari menua sida.

Sida udah ngengkahka kayu batang enggau papan tanda "Ditagang Tama" melintang jalai ti ditemu sida ti ditengah kompeni nya tama lalu ngeruga pelilih menua sida enggau nadai pemendar.

Jalai baka nya enda lama dikena lalu semina dikena ngangkut kayu ti ditebang dibai pansut, sebedau jalai nya runtuh lalu enda ulih diseruri agi ti lalu ngujungka pelilih menua nya deka dituntung penanggul tanah tusur.

Enggau nya jalai nya enda ulih dikena orang ke bempu menua lalu Samling tetap deka ngerusak iya ngambika enda ulih ditengah sapa-sapa agi.

: Jalai kayu batang ti digaga Samling di Long Palai – nadai meri sebarang penguntung ngagai orang asal lalu jalai nya deka tusur sebarang maya

Siku pemerati di Long Palai bisi madahka ngagai Sarawak Report ti ngenang bala pemesai ari Opis Kampung Sarawak dipeda baka ti puntan ngerekod pengawa kompeni nya ti betebangka kampung ngulihka kayu batang.

Bala orang asal di menua nya pechaya ke kompeni kayu batang nya ngena peluang berebak enggau penyaru runding ti udah betumbuh diatu, ketegal langgur pengawa deka ngampuhka pelilih menua nya, dikena sida ngulih lalu mai pansut sepemayuh kayu batang taja pan ba luar pelilih menua ti dikemendarka ngena lisin sida, iya nya konsesyen belumur T/0413.

: Gaya rampa menua ditabanka tanah tusur nya nandaka pengawa ti salah ba ngulihka kayu batang ti dikereja Samling di serata Baram

Nitihka penerang ari orang asal di menua nya, konsesyen T/0413 nya jauh di Long Tungan, ti lama udah dikeruga.

Nitihka penerang ari siku agi pemerati ti madahka ngagai Sarawak Report, Samling nya nyadika kompeni ti patut dikutuk laban sida bejalaika pengawa di pelilih Long Palai "laban semua perengka sida enggau bala anak kuli sida endang enggi Samling magang".

Iya mega nuduh kem kayu batang di 'Kilometer Sepuluh', ti patut dikena nyadika endur nugungka kayu batang ari Long Tungan, ke bendar iya dikena nyimpan kayu batang, nyengkaum kayu batang ari kampung bungas, ari Long Palai.

Sereta kayu batang dianjung ngagai log pond, pun penatai kayu batang nya lalu enda ditemu, laban Perintah Menua Sarawak enda chakah bejalaika pengawa sida di endur nya.

Abdul Taib Mahmud ti nyadi Kepala Menteri Sarawak udah suah bendar enda ibuhka tekan ari Gerempung Menua Eropa (EU) enggau menua ti deka meli kayu batang dikena sida bejalaika atur nebang kayu enggau chara ti meruan sereta seruran dipatau.

Siku orang ti meri penerang ari dalam kompeni Samling, ngamatka penerang, diatu mayuh agi kayu batang ti udah diambi ari Baram nya dijual ngagai menua Jepun, ti endur raban penerit undang-undang Jepun tetap besedia nerima asil tebang Sarawak nya 'betul' ti udah dikemendarka pemesai ari Opis Kampung Sarawak.

Nitihka penerang ari orang dalam mega, ti ngamatka mayuh bansa kayu ti udah ditebang Samling nyengkaum kayu Tapang (Koompassia Excelsa) ti dijaga perintah. Diatu bansa kayu nya udah majak punas ketegal ditebang enggau enda betagang, semadi bulih pemendar ari Pengarah Opis Kampung Sarawak, tang orang bansa asal madahka kayu nya endang ditebang Samling.

Tanda nama ti pelesu dilekatka ba kayu batang ti ditebang enggau enda beradat dikena nyaruka runding raban penerit adat menua ti datai kia, deka bejalaika pengawa sida.

Asil tebang chara enda beradat nya ditugungka ba sebelah tisi jalai di pelilih Long Palai, laban nganti bala kontraktor pengangkut datai ngambi kayu nya.

: Orang bansa asal ti udah lenyau kayu enggau kampung sida ti berega nya ketegal pengawa orang ti andalka rampa menua nya deka ampuh laban ai tekat. Sida semina nerima pampas ti mit bendar bebanding enggau untung bejuta-juta dollar ke ekspot kayu nya. Nya kebuah sida rindu agi deka ngalau kayu nya ngambika tau tumbuh diri dalam kampung sida kelimpah ari ti ngemendarka Samling ngeruga sida.

Enggau pengingin Taib ti deka nyadi Gabenor Menua nya, putus mih pengarap sida ba pengawa ti deka ngetuka pengawa nebang kampung ti deka ngeruga menua asal sida nya.

Ngeruga – Samling Masuk Kampung Galau Di Baram!

Posted: 17 Feb 2014 04:16 AM PST

Mulaika diri ngagai log pond

Keruga nya dipejalaika taja pan asil pansik empas projek ngagai rampa menua bedau ditembuka lalu projek nya mega bedau nerima sebarang pemendar ti ofisyel.

Kandang endur ti dikenang tu nya di pelilih Long Palai di kandang menua Long Anap ti lama udah digazetka perintah nyadika kampung pulau galau enggi orang bansa asal dia.

Kandang rampa menua ti disadang deka ampuh laban Tekat Baram (bechura oren) enggau kandang menua ti ditebang

Orang asal di menua nya tetemuka jalai lori kayu batang ti digaga Samling ngerenchah menua Long Palai lalu nekat jalai nya

Bepuluh ribu iku orang bansa asal deka lenyau pendiau asal sida enti endur nya diampuhka, lalu bedau lama ti udah sida ari Long Palai udah mujur muru kompeni ari menua sida.

Sida udah ngengkahka kayu batang enggau papan tanda "Ditagang Tama" melintang jalai ti ditemu sida ti ditengah kompeni nya tama lalu ngeruga pelilih menua sida enggau nadai pemendar.

Enggau nya jalai nya enda ulih dikena orang ke bempu menua lalu Samling tetap deka ngerusak iya ngambika enda ulih ditengah sapa-sapa agi.

Jalai kayu batang ti digaga Samling di Long Palai – nadai meri sebarang penguntung ngagai orang asal lalu jalai nya deka tusur sebarang maya

Gaya rampa menua ditabanka tanah tusur nya nandaka pengawa ti salah ba ngulihka kayu batang ti dikereja Samling di serata Baram

Nitihka penerang ari orang asal di menua nya, konsesyen T/0413 nya jauh di Long Tungan, ti lama udah dikeruga.

Sereta kayu batang dianjung ngagai log pond, pun penatai kayu batang nya lalu enda ditemu, laban Perintah Menua Sarawak enda chakah bejalaika pengawa sida di endur nya.

Tanda nama ti pelesu ke kayu Tapang ti diberi nama Benuang ('Benu'), ti enda dilindung udah dianjung ngagai log pond

Tanda nama ti pelesu dilekatka ba kayu batang ti ditebang enggau enda beradat dikena nyaruka runding raban penerit adat menua ti datai kia, deka bejalaika pengawa sida.

Asil tebang chara enda beradat nya ditugungka ba sebelah tisi jalai di pelilih Long Palai, laban nganti bala kontraktor pengangkut datai ngambi kayu nya.

Orang bansa asal udah bebendar amat nagang pengawa nebang kayu bansa tu diPulau Galau sida

Orang bansa asal ti udah lenyau kayu enggau kampung sida ti berega nya ketegal pengawa orang ti andalka rampa menua nya deka ampuh laban ai tekat. Sida semina nerima pampas ti mit bendar bebanding enggau untung bejuta-juta dollar ke ekspot kayu nya. Nya kebuah sida rindu agi deka ngalau kayu nya ngambika tau tumbuh diri dalam kampung sida kelimpah ari ti ngemendarka Samling ngeruga sida.

Enggau pengingin Taib ti deka nyadi Gabenor Menua nya, putus mih pengarap sida ba pengawa ti deka ngetuka pengawa nebang kampung ti deka ngeruga menua asal sida nya.

KAUL DI LONDON – Langgur Dikena Nyiri Taib Nyadi Gabenor Deka Malit Mulia Agong

KAUL DI LONDON – Langgur Dikena Nyiri Taib Nyadi Gabenor Deka Malit Mulia Agong

Recent Comments

Archive