» »Unlabelled » Muhyiddin muji pengelandik Taib ngempung rayat BorneoPost Online | Borneo , Malaysia, Sarawak Daily News » Berita Iban - New 2 Borneo

05:27:00

Muhyiddin muji pengelandik Taib ngempung rayat BorneoPost Online | Borneo , Malaysia, Sarawak Daily News » Berita Iban - New 2 Borneo

Muhyiddin muji pengelandik Taib ngempung rayat

Posted: 13 Feb 2014 08:08 AM PST

KUCHING: Sapit Menteri Besai Tan Sri Datuk Amar Muhyiddin Yassin muji pemujur pengawa Kepala Menteri Pehin Sri Abdul Taib Mahmud ngempung semua raban bansa etnik di menua tu dalam timpuh iya mangku pengawa nyadi Kepala Menteri kandang 33 taun.

"Sarawak sebuah nengeri ke unik ke diuan mayuh ra­ban bansa, jaku, pengarap ke enda sebaka…Tu sebengkah pemujur pengawa ke udah dijapai Taib laban baka ke ditemu kita, penyerakup nya berat. Kitai enda kala ninga di Sarawak bisi orang belaya enggau pangan diri.

"Rayat Sarawak ulih nerima pangan diri, diau begulai sereta belelak pan begulai," ku iya.

Muhyiddin madah baka tu ba aum media pengudah bejadika randau entara Ger­empung Penguna, Orang Bedaja enggau Gerempung Pemekal di Hotel Pullman ditu kemari.

Iya nambah, sebengkah ari pemujur Taib nyadi ketuai sereta tusun Barisan Na­sional (BN) nya empu, bansa Melayu, Bumiputera, Iban, Dayak sama-sama beserakup sereta sama nyingkang nuju pemansang.

Kelimpah ari nya, iya madah dalam pengelama Taib nyadi Kepala Menteri mega, kaul entara Perintah Besai enggau Menua chukup manah.

Kelimpah ari pemujur ny­erakup raban bansa di menua tu, Taib mega mujur narit urung penyampau RM40 bil­lion ari kompeni menua luar beranakka pukuk ditu lebih agi di kandang SCORE.

"Sebagi ari kompeni besai ke mujur dibai Taib kitu, iya nya Tokoyama, laban aku empu bisi ba aum enggau kompeni nya maya ngaga promosyen beranakka pukuk di Malaysia ti mega deka mai mayuh penguntung ngagai peranak Sarawak," ku iya.

Nya alai ku Muhyiddin, iya beterima kasih ngagai Taib ke udah nyurutka diri lalu ma­dahka sapa penganti iya.

"Tiga puluh tiga taun, nya timpuh ke chukup panjai lalu iya (Taib) udah mujur ngereja tanggung pengawa iya enggau chukup manah. Timpuh nya ngayanka 'legacy' ke berega endar ke Sarawak," ku iya.

Dalam timpuh nya mega, Sarawak udah mayuh beru­bah, lebih agi dalam timpuh berapa taun tu ke udah enggau pemisi SCORE, sereta pukuk bukai lalu ngujungka rayat Sarawak diberi mayuh peluang pengawa nganti sida iya.

Ngenang padu pangku pengawa Kepala Menteri ngagai Tan Sri Datuk Amar Adenan Satem, ku Muhyid­din, pilih nya udah chukup silik, kaul Adenan enggau Perintah Besai mega sigi udah lama ari iya mangku pengawa nyadi menteri kabinet Perin­tah Besai kelia.

"Iya (Adenan) orang ke mayuh peneleba, sereta iya nemu atur ke bisi diatu sereta besedia neruska atur ke udah digaga Taib nyengkaum nge­manahka agi atur-atur nya.

"Aku nemu iya mega ngem­buan juluk ati ke sebaka enggau Taib ti deka mai pe­mansang ngagai menua tu. Kami ba Perintah Besai nyukung tuduhpadu pangku pengawa tu, nya mih pemun ke chukup manah," ku iya.

Ba UMNO enti iya udah ditetapka enda masuk ke Sarawak, ku Muhyiddin:

"Tusun dalam BN ke bisi diatu udah bisi, ambika chunto UMNO di semenan­jug, PBB udah nyadi indu ger­empung alai parti komponen BN bukai sama nyagu, sama nyukung PBB ngemansangka rayat di menua tu.

"Pengawa PBB sebaka eng­gau UMNO di semenanjung enggau Sabah….Pelaba aku enda ibuh kitai nandu pekara ke udah dijapai. Ke berat, ukai parti nya tang juluk udah dijapai nengah penegut BN ke betuaika PBB ditu," ku iya.

Sebedau nya, kilah tengahari kemari, Muhyiddin bisi betemu enggau Taib ba sebengkah atur pengawa makai tengahari eng­gau iya di Hotel Pullman ditu.

Taib datai di Hotel Pullman dalam urung pukul 12:15 tengahari lalu dijangka bisi berandau enggau TPM kan­dang dua jam nya.

Sebedau nya, kilah ke pagi, Muhyiddin diberi gelar 'Bin­tang Kenyalang' ke mai pan­gkat Datuk Patinggi ari Tuai Pemegai Menua Sarawak, Tun Muhammad Salahuddin di Astana Negeri Sarawak seraya iya mega dijangka nemuai tiga hari ke Sarawak nyengkaum penemuai iya ngagai Pasaraya E-Mart.

Muhyiddin ti mega Menteri Pelajar Malaysia deka bejadi­ka dewan sekula SMK Lundu di sitak parlimen Santubong, ti nyengkaum atur pengawa ketuai begulai enggau rayat seharitu.

Muhyiddin kemari bisi betemu enggau raban Ger­empung Penguna Orang Bedaja Sarawak di hotel ke sama lalu kilah malam, makai beserumpu enggau pemesai bukai (nyengkaum sayap indu enggau nembiak) parti komponen Barisan Nasional (BN) ba hotel ke sama.

Print Friendly

To enable your comment to be published, please refrain from vulgar language, insidious, seditious or slanderous remarks. This includes vulgar user names.

Muhyiddin sempat matau pangka rega barang

Posted: 13 Feb 2014 08:07 AM PST

KUCHING: Sapit Menteri Besai Tan Sri Muhyiddin Yassin nemuai matau rega barang ba Pasar e-Mart Ma­tang pengelama sejam ditu, kemari.

Iya disempulang Sapit Kepala Menteri Datuk Pat­inggi Tan Sri Alfred Jabu, Sekretari Perintah Nengeri Tan Sri Datuk Amar Moha­mad Morshidi Abdul Ghani, Menteri Dagang Dalam Men­ua, Koperasi enggau Orang Bebeli Barang Datuk Seri Hassan Malik sereta Menteri Kereja Raya Datuk Fadillah Yusuf.

Ba penemuai nya, Muhy­iddin bisi berandau enggau raban orang dagang sereta betanya senentang pangka rega barang ti niki ngagai dagang sida.

Udah nya, iya ke mega Sapit Chairman BN Menua ngejang ngagai sebengkah hotel ditu lalu ngulu randau begulai Gerempung Orang Bebeli Barang enggau Penaja sebedau betemu enggau ra­ban ketuai parti dalam ser­akup Barisan Nasional (BN) Sarawak.

Muhyiddin disadang deka ngulu Pengerami Ketuai begulai enggau Rayat di Sekolah Menengah Kebang­saan (SMK) Lundu pagila (sehari tu) lalu deka mulaika diri ke Kuala Lumpur lemai nya.

Print Friendly

To enable your comment to be published, please refrain from vulgar language, insidious, seditious or slanderous remarks. This includes vulgar user names.

PDNKK ngerikod 43 kes ditinggang ukum ari baruh Skim Sekat Rega

Posted: 13 Feb 2014 08:07 AM PST

KUCHING: Opis Dagang Dalam Nengeri, Koperasi enggau Pekara Bebeli Barang (PDNKK) Sarawak ngerikut­ka 43 kes orang dagang enda nitihka atur Skim Sekat Rega Maya Hari Besai Tahun Baru China ti dipejalaika kenyau 26 Januari ngagai 9 Februari 2014.

Menteri KPDNKK Datuk Seri Hasan Malek madah­ka sepemanjai timpuh nya sepenyampau 7,478 premis udah diperesa lalu 43 kes nya ngerikodka rega barang dirampas RM2,674.75.

"Sepemanjai timpuh Skim Sekat Rega Maya Hari Besai Tahun Baru China apin lama, 43 kes dirikod di Sarawak sereta deka ditinggang ukum laban enda ngengkahka tanda rega kalas.

"Tu ngerikodka rega barang ti dirampas RM2,674.75, lalu penyampau kompaun iya nya RM4,400," ku iya ngagai pengarang berita pengudah nemuai seraya meresa rega barang di Pasar Komuniti Stutong, ditu kemari.

Kelimpah ari nya ku iya, naka Hari Tiga tu tadi (12 Februari 2014) 101 kes dit­inggang ukum pengudah Ops Harga 2014 dipenyadi kena 20 Januari 2014 enggau pen­yampau rega barang dirampas RM13,573.40 lalu kompaun RM6,700.

Iya madahka kes nya bekaul enggau beberapa akta di Sarawak bisi nunjukka pen­gusut iya nya Akta Kawalan Harga enggau Anti Pencatu­tan 2011.

"Tu nunjukka orang da­gang udah berengkah meri kerejasama ngengkahka tanda rega, nitihka rega ti udah ditetapka enggau ngena sukat enggau penimbang ti betul," ku iya.

Ngenang penemuai ngagai Pasar Komuniti Stutong, Hasan madahka diri puas ati ngagai ulah orang dagang ti ngenagkahka tanda rega ba barang ti dijual.

Iya mega temgah ati ngagai tikas pemeresi enggau tusun gerai lalu madahka pasar basah ti patut dichunto pasar basah bukai di Malaysia.

"Aku puas ati mega gawa pasar tu, kitai temegah ati nga­gai pemesai Majlis Bandaraya Kuching Utara (MBKS) laban ti seruran ngenukuka endur ditu beresi enggau ditusun manah," ku iya.

Nyempulang Hasan, Sapit Menteri KPDNKK Datuk Seri Ahmad Bashah Md. Hanipah, Ketua Setiausaha KPDNKK Datuk Seri Alias Ahmad enggau Direktor PDNKK Sarawak Stanley Tan.

Print Friendly

To enable your comment to be published, please refrain from vulgar language, insidious, seditious or slanderous remarks. This includes vulgar user names.

Nengah kaukus PBB nadai penemu madahka KM baru diungkupka timpuh ti pandak

Posted: 13 Feb 2014 08:07 AM PST

KUCHING: Tan Sri Datuk Amar Adenan Satem ke deka mangku pengawa nyadi Kepala Menteri (KM) baru ke sah, berebak enggau nya, nadai mega penemu ke madahka iya deka mangku pengawa nya ungkup tim­puh ke pandak.

Sapit Presiden II Parti Pesaka Bumiputera Bersatu (PBB) Datuk Amar Abang Johari Tun Abang Openg (gambar) madah, Kepala Menteri Pehin Sri Abdul Taib Mahmud udah nge­letak pemutus nyiri Adenan nengah kuasa ke diberi kaukus PBB.

"Nadai penemu madahka Adenan deka mangku pen­gawa nyadi kepala menteri ungkup timpuh ke pan­dak.

"Iya meh ke nyadi kepala menteri baru ke dipadu Taib lalu deka nyadi kepa­la menteri Sarawak," ku Abang Johari nyaut tanya pengarang berita kemari.

Kitai patut meri kepala menteri ke baru awak nele­baka diri enggau pangku pengawa ke baru ke alai semua raban enggau ketuai dalam parti sereta Barisan Nasional (BN) dipinta meri kerejasama enggau sukung, tandu iya.

Abang Johari nambah, sebedau Taib mantaika nama ketuai ti deka nganti iya, iya dulu betanya sereta bekunsi penemu enggau sida tiga Adenan sereta Datuk Amar Awang Tengah Ali Hassan.

"Taib bisi betanya kel­impah ti nerangka sekeda pekara ngagai aku. Iya mega bisi ngadu pekara ke sama enggau Adenan sereta Awang Tengah.

"Maya nya, aku besemaya ngagai Taib dia aku deka meri sukung ke pengabis besai lalu pia mega kededua Adenan enggau Awang tengah.

"Aku, Adenan enggau Awang Tengah deka ny­ukung sapa aja ke dipilih Taib nyadi kepala menteri iya nya entara kami tiga," ku iya.

Nyaut tanya pemberita sekalika bisi ubah ba rintai kabinet menteri udah tu ila, Abang Johari madah semua nya dilempaika nga­gai kepala menteri ke baru lalu sebarang pemutus tetap deka dipebasa.

Print Friendly

To enable your comment to be published, please refrain from vulgar language, insidious, seditious or slanderous remarks. This includes vulgar user names.

Kaul entara pengereja pengawa SRDC enggau SMC patut dikenegap, ku Wong

Posted: 13 Feb 2014 08:06 AM PST

SIBU: Menteri Perintah Loko enggau Pemansang Raban Bansa Dato Sri Wong Soon Koh ngarapka kaul entara Opis Kaunsil Menua Pesisir Sibu (SRDC) enggau Opis Munisipal Sibu (SMC) ulih kenegap.

Iya madahka opis kaunsil dibaruh pegai opis menteri iya, berindik ari nya iya ngan­sak sida bekerejasama enggau pangan diri ngambika ulih ngenataika peminta rayat .

Wong, ke mega Menteri Pekara Wang Kedua bejaku ba mua raban kaunsilor ba pengawa Besumpah Mangku Pengawa Nyadi Kaunsilor ba Hotel Tanahmas ditu, kilah ensana.

Aku ngembuan pengarap besai ba pemanah pengawa ke dikereja SRDC enggau SMC," tamabah iya .

Semua kaunsilor enda tau enda bekunda ngereja pen­gawa ke dipangku," ansak iya.

Iya madahka opis loko eng­gau ejensi perintah ke bukai enda tau enda meretika pem­erat pengawa sida ba sentang servis ke diberi.

Nengah multimedia ke diatu, mensia mayuh jampat bulih penerang tekala sekali nya penerang manah tauka jai.

Ba sistem banding, iya ngansak bala kaunsilor man­ding diri ukai semina enggau opis loko di nengeri tu aja tang di serata Malaysia.

Kitai enda tau enda ngenukuka kitai nya enti enda teulihka lima bintang, kitai bulih empat bintang, laban tiga bintang nya tau dikumbai enda manah," ku iya .

Wong nyemetak nyebut pegai ke manah nya nyeng­kaum beresi, chakah, manah, ransing gawa, enda makai suap, jampat ngambi timbal balas sereta adil.

Iya ngelalau bala kaunsilor, sida semampai kena perati mensia mayuh, kaban media, ejensi perintah enggau ke bukai .

Seraya nya bisi 32 iku kaban kaunsilor SRDC , nyengkaum chairman James Laju Ambok, enggau mandal chairman Oliver Kuo Ging Bing bisi datai dalam atur pengawa besumpah mangku pengawa ungkup 22 Iban enggau 10 China nyadi kaunsilor baru.

Bisi datai mega ADUN Tamin Joseph Mauh Ikeh, sekretari mendam ngagai Perintah Loko enggau Pe­mansang Raban Bansa Datu Dr Penguang Manggil, Sapit Residen Sibu Dr Zulfarzayadi Abdullah, enggau sekretari SRDC Justani Joni.

Print Friendly

To enable your comment to be published, please refrain from vulgar language, insidious, seditious or slanderous remarks. This includes vulgar user names.

Jabu enggai nyebut sekalika iya deka ngetu nyadi SKM tauka enda

Posted: 13 Feb 2014 08:06 AM PST

KUCHING: Sapit Kepala Menteri (SKM) Datuk Patinggi Tan Sri Alfred Jabu anak Numpang eng­gai nimbal tanya media bekaul enggau penuduk iya nyadi sapit kepala menteri enti sema iya (Jabu) deka nitihka singkang Kepala Menteri ke diatu, Pehin Sri Abdul Taib Mahmud ngelengka penuduk nya.

"Nadai komen," ku iya madah lebuh dikerandau tembu nyempulang Sapit Menteri Besai Tan Sri Datuk Patinggi Muhyid­din Yassin ngagai hotel alai Muhyiddin diau ditu, kemari.

Jabu ti mega Sapit Presi­den Parti Pesaka Bumi­putera Bersatu (PBB), en­tara pemesai ke udah lama gawa ari baruh Taib.

Jabu dipadu mangku pengawa nyadi Sapit Kepa­la Menteri ari taun 1974 udah iya menang ba pen­gawa bepilih besai menua ba kerusi DUN Layar lalu datai ke seharitu, agi meng­kang ngetanka kerusi nya.

Hari Tiga tu tadi, Taib udah netap ngelengkaka pangku pengawa iya nyadi Kepala Menteri belabuh ari 28 Februari tu ila, udah iya nyuaka surat ngelengkaka pengawa Kepala Menteri ngagai Tuai Pemegai Men­ua Yang Dipertua Neg­eri Tun Abang Muham­mad Salahuddin Abang Barieng.

Ba aum media pengudah pengawa nya, Taib lalu madahka nama Kepala Menteri baru ke deka nganti penuduk iya, iya nya Menteri di Opis Kepa­la Menteri (Tugas-Tu­gas Khas) ti mega nyadi ADUN Tanjung Datu, Tan Sri Datuk Amar Adenan Satem.

Print Friendly

To enable your comment to be published, please refrain from vulgar language, insidious, seditious or slanderous remarks. This includes vulgar user names.