» »Unlabelled » Uggah: Pilih barang sapa ke patut ba penemu iya BorneoPost Online | Borneo , Malaysia, Sarawak Daily News » Berita Iban - New 2 Borneo

05:28:00

Uggah: Pilih barang sapa ke patut ba penemu iya BorneoPost Online | Borneo , Malaysia, Sarawak Daily News » Berita Iban - New 2 Borneo

Uggah: Pilih barang sapa ke patut ba penemu iya

Posted: 10 Feb 2014 02:01 PM PST

by Jacqueline David. Posted on February 11, 2014, Tuesday

Kepala Menteri ti baru nya ila dikearapka komited sereta ngemeratka pemansang menua pesisir

KUCHING: Enda ngira sapa ke pikir patut mangku pengawa nyadi Kepala Menteri Sarawak ke baru ti disadang deka dipadah sebarang maya ari diatu, kitai ngarapka orang nya terus komited baka Kepala Menteri Pehin Sri Abdul Taib Mahmud, ngemeratka pemansang menua pesisir ke dikearap nyapai status menua mansang manggai taun 2020, ku Kaban Parlimen Betong, Datuk Amar Douglas Uggah Embas.

"Sampi kitai ngambika orang ke dipilih nyadi Kepala Menteri baru nya ila ngemeratka pemansang menua pesisir sereta nitihka polisi baka ke diperambu Kepala Menteri, Pehin Sri Abdul Taib Mahmud.

"Laban orang nya ari Parti Pesaka Bumiputera Bersatu (PBB), aku sigi ngarapka orang nya komited baka kepala Menteri ke diatu ngemeratka pemansang menua pesisir lebih agi lebuh menua kitai nyapai status menua maju ba taun 2020," ku Uggah.

Iya madah baka tu lebuh dikerandau pengudah bejadika atur pengawa 'Reach & Remind Friends of the Industry Seminar and Dialogue 2014' ti diatur Kaunsil Minyak Sawit Malaysia (MPOC), begulai enggau Sapit Kepala Menteri ti mega Menteri Betanam Betupi Moden enggau Pemansang Menua Pesisir, Datuk Patinggi Tan Sri Alfred Jabu ba sebengkah hotel ditu, kemari.

Uggah ti mega Menteri Industri Bekebun Bedandang Besai enggau Komoditi madahka pemerat Perintah betatika menua pesisir mega deka sama ngasaika pemansang baka sitak menua bukai di menua tu, bela ngasaika penguntung manggai ba taun 2020.

"Nya alai, opis menteri kami ngemeratka pemansang mensia mayuh. Kami meri sabsidi minyak sawit, getah, koko, lada…. Tu chara nambahka penatai pemisi mensia mayuh di menua pesisir.

"Ambika chunto, orang ke nanam 1,000 pun lada diatu, nengah asil 2kg lada burak sepun setaun, sida teulihka 2 tan asil setaun lalu rega setan diatu RM28,000. Enti udah 2 tan, besai endar penguntung nyau manggai RM56,000 setaun," ku iya seraya madah, utai tu amat nyadi.

Nya alai, ku Uggah iya ngarapka gaya baka tu deka dipajakka nyengkaum pemisi program kediatu.

"Kitai ngarapka Kepala Menteri ke baru deka terus beratika pemansang rayat menua pesisir Sarawak sereta ngarapka bulih penguntung ari program 2020, ke enda lama agi dijapai kitai dalam timpuh 7 taun," ku iya.

Taib ke udah ngiring Sarawak pengelama 33 taun udah netapka iya deka ngelengka pangku pengawa nyadi Kepala Menteri Sarawak ujung bulan Februari tu balka ke diipadahka iya maya nyadi chairman ba Aum Parti Pesaka Bumiputera Bersatu (PBB) kena hari Enam enggau hari Minggu tu tadi.

Tiga nama ari pampang bumiputera parti PBB ke bisi dibantai sereta dipelaba deka nyilih Taib iya nya Menteri Tugas-tugas Khas ba Opis Kepala Menteri Tan Sri Adenan Satem, Menteri Pengatur Pengeraja Asal Kedua, Datuk Amar Awang Tengah Ali Hassan enggau Menteri Pengawa Berumah ti mega Menteri Dagang Temuai, Datuk Amar Abang Johari Tun Openg.

Taja pia, Taib nyentuk ke diatu bedau nyebut sapa ke deka nganti iya, tang semia madah ngagai pemberita pengawa nya deka diatur dalam timpuh ke semak.

Print Friendly

To enable your comment to be published, please refrain from vulgar language, insidious, seditious or slanderous remarks. This includes vulgar user names.

Pemeli rumah kos murah Stutong Baru minta saup piak ti bekuasa

Posted: 10 Feb 2014 01:58 PM PST

KUCHING: Rayat ke nguan Genturung Pendiau Rumah Kos Murah Stutong Baru minta perintah masuk campur ngambika tau mutar penanggul bekaul enggau rumah sida.

Pinta nya dikenatai urung 90 iku orang ke tebal agi ngembuan penatai pemisi mit lalu sida napi penusah nadai endur diau pengudah kunteriktor ngansak sida mayar ambis laluh rumah kos mit ke bedau dibayar sekali.

Nitihka penerang ari Nyuin Nunont, naka ke diatu iya udah mayar lebih RM13,000 nengah bayar pupuk tiap bulan ngagai kunteriktor ke alai diatu sida dipinta mayar laluh rega rumah sekali.

"Sebedau tu aku mayar kunteriktor nengah chara pupuk RM200 ninting bulan tang ba pengujung taun 2012, kunteriktor enda nerima bayar pupuk agi lalu minta kami mayar laluh rega rumah sekali.

"Dini kami ke kurang penatai pemisi tu ulih ngiga duit penyampau nya dikena mayar ambis laluh rega rumah nya,"ku iya.

Nyuin madah, iya kala minta lun ari sebengkah bank munyika dipinta luyar kunteriktor lalu lun nya udah dikemendar.

Tang, iya madah lun nya udah dikinsil bank lalu nambah penusah iya mayar rega rumah kus murah nya.

"Kami minta perintah kelebih agi opis menteri pengawa berumah masuk campur lalu nyaup mutarka penanggul kami," ku iya lebuh dikerandau maya ngadu pengawa bantah ba mua opis kunteriktor ditu, kemari.

Ba kaul ke sama, Chairman Parti Tindakan Demokratik (DAP)Sarawak Chong Chieng Jen ke bela datai ngemata pengawa bantah nya madah iya udah ngerandau kunteriktor nengah luyar sida.

"Kami udah nulis surat ngagai opis menteri pengawa berumah sereta Yang Berhormat (YB) Abdul Karim ngambika tau netap maya berandauka pekara tu enggau rayat ke napi penusah kenyau ari bulan Julai taun ke udah tang lalu bedau nerima timbal,"ku iya.

Chong ke nyadi ADUN Kota Sentosa enggau MP Bandar Kuching madah tebal agi rayat ke napi penusah nya nadai ngembuan penatai pemisi ke meruan lalu enggau kebuah nya sida pedis teulihka lun ari bank.

"Nadai penetap nyebut sida enda ulih ngambi lun ari bank tang bisi atur ke disetuju entara sida ti ngemendar sida mayar RM200 sebulan nyentukka abis," ku iya.

Chong madah kunteriktor nginsil sempekat lalu deka ngerampas rumah ari rayat.

"Diatu sida diasuh angkat ari rumah, dini sida deka diau? Atur tu tau nambah pemayuh orang berurah sengapa endur ke alai pekara tu patut diputar enggau manah.

"Kitai mega enda lantang ati enggau opis pengawa berumah ti enda bebendar mantu rayat," ku iya.

Bela datai MP Stampin Julian Tan.

Print Friendly

To enable your comment to be published, please refrain from vulgar language, insidious, seditious or slanderous remarks. This includes vulgar user names.

Penemuai Zahid dibasa ngena pengawa baris

Posted: 10 Feb 2014 01:57 PM PST

KUCHING: Menteri Dalam Menua Datuk Seri Dr Ahmad Zahid Hamidi ngatur penemuai begulai enggau raban Polis Diraja Malaysia (PDRM) Sarawak di Indu Opis Polis Kontingen Sarawak ditu, lemai kemari.

Sebedau diberi penerang betambit pintu ba bilik aum IPK Sarawak, Zahid dulu meresa baris polis ke bela disempulang Sapit iya Datuk Wan Junaidi Tuanku Jaafar.

Bela datai Kepala Polis Menua Tan Sri Khalid Abu Bakar enggau Kepala Polis Sarawak Datuk Wira Muhammad Sabtu Osman.

Pengudah mendingka penerang nya, Zahid enggau Khalid ngejang ngagai Palan Aum Borneo Kuching (BCCK) bejadi pengerami ngintu hari pengada RELA ke-42.

Muakka pagi, Zahid nemuai meri basa ngagai Kepala Menteri Pehin Sri Abdul Taib Mahmud ba opis iya di Wisma Bapa Malaysia.

Bela nyambut penemuai Zahid di Wisma Bapa Malaysia sapit kepala menteri Datuk Patinggi Tan Sri Alfred Jabu, Presiden Parti Rakyat Sarawak (PRS) Tan Sri James Masing, Presiden Parti Demokratik Progresif Sarawak (SPDP) Tan Sri William Mawan, Presiden Parti Sa'ati Rakyat Sarawak Tan Sri Peter Chin enggau ketuai bukai.

Print Friendly

To enable your comment to be published, please refrain from vulgar language, insidious, seditious or slanderous remarks. This includes vulgar user names.

Perintah menua deka majak ngemansangka menua pesisir: Nyalau

Posted: 10 Feb 2014 01:56 PM PST

ENGKILILI: Perintah Menua deka majak ngemansangka menua pesisir baka nya mega ulu entigis di menua tu, pia ku Kaban Parlimen Lubok Antu Encik William Nyalau ak Badak.

Ku iya, mayuh bengkah program udah diperambu kena nentuka genap buah kandang menua pesisir enggau ulu entigis kena bungkur program pemansang nya.

"Perintah menua tetap liat ati ngemansangka semua kandang menua pesisir enggau ulu entigis di menua tu.

"Nya alali keruai perintah Barisan Nasional (BN) seruran chakah ngambika rayat di menua pesisir enggau ulu entigis ulih dikemansangka magang," pia ku iya.

Iya bejaku munyi tu ba Pengerami Betemu enggau Rayat di Rumah Panjai Empading, Bunu, dalam Pelilih Mit Engkilili, ditu apin lama ke udah.

Bela bisi ngulu pengeami nya, Kaban Kunsil Nengeri (ADUN) Engkilili Dr Johnnical Engkilili.

Ku Nyalau, juluk nya ulih dijapai ba sitak nya enti semua rakyat terus begempung enggau perintah menua.

Ku iya, semua projek pemansang ke diperambu nya ukai semina nguntungka menua tang mega rayat.

Iya mega mesan semua peranak menua tu ke diau mendam di menua pesisir, terus nyukung perintah dibetuaika komponen parti BN Sarawak.

Ku iya, sukung ari rayat ngagai perintah BN beguna Sarawak beguna amat ngambika sida seruran ulih ngasaika penguntung ari projek pemansang ke benung dipejalaika diserata menua tu.

Kelimpah ari nya, Nyalau mega arapka peranak menua nya terus meri sukung ngagai perintah ngambika mayuh bengkah projek pemansang ti dipejalaika ba kandang menua nya ulih meri penguntung ngagai sida.

Print Friendly

To enable your comment to be published, please refrain from vulgar language, insidious, seditious or slanderous remarks. This includes vulgar user names.

Rumah diserungkai, akauntan rugi RM20,000

Posted: 10 Feb 2014 01:55 PM PST

Posted on February 11, 2014, Tuesday

KUCHING: Seiku akauntan ari Jalai Kedandi di Tabuan Jaya ditu ngasai pengerugi lebih RM20,000 lebuh rumah iya kena serungkai penchuri malam ensana.

Penusah nya ditemu iya maya iya mulaika diri kira-kira pukul 10 malam.

Penchuri dipechaya tama nengah pintu dapur udah sida ngerusak kunchi.

Ku penerang, penchuri nyerungkai beberapa bilik lalu nabanka barang berega enggau duit tunai kira-kira RM5,000.

Tudah ngaga ripot polis lalu kes diatu benung ditasat.

Print Friendly

To enable your comment to be published, please refrain from vulgar language, insidious, seditious or slanderous remarks. This includes vulgar user names.

Mensia mayuh patut ngemeratka kerejasama

Posted: 10 Feb 2014 01:54 PM PST

by Edwin Raoh. Posted on February 11, 2014, Tuesday

Pengawa tu lebih agi dikemerat lebuh maya ngatur sesebengkah program ngambi tau nguntungka semua

ENGKILILI: Kaban Kunsil Nengeri (ADUN) Engkilili, Dr Johnnical Rayong Ngipa ngelalau mensia mayuh ngambika begempung belama lebih agi lebuh bejalaika sesebengkah atur pengawa tauka program.

Ku iya, kerejasama ari semua piak kelebih agi lebuh ke ngatur program beguna amat ngambika pulaika pemujur program nya.

"Perintah meransang semua pupu raban bansa di menua tu, begulai ngintu sesebengkah pengerami baka Hari Raya, Gawai Dayak enggau Taun Baru China.

" Kami arap ulih ngenegapka kerejasama entara pupu raban bansa ti nguan menua tu lebih agi maya ngerami sesebengkah pengerami," ku iya bejaku ba Pengerami Ngintu Taun Baru China 2014, ke diatur Gerempung Tuai Rumah Engkilili di Balai Raya Skim Skrang, ditu kena Hari Enam minggu nyin tadi.

Dr Rayong mega meransang bala ketuai raban bansa ngambika suah agi mantaika langgur penemu enggau pengingin peranak rumah panjai tauka kampung ke ari baruh pegai sida.

Ku iya, ketuai raban bansa patut ngembuan ulah nya enti deka meda rumah panjai tauka kampung sida ngasaika pemansang ari perintah belama.

Sama bisi ngulu pengerami nya, Kaban Parlimen Lubok Antu William Nyalau, Pemesai Penerang Lubok Antu Geoffery Baja, Pemantu Luar Kanan JASA Engkilili, Edwin Ancheh enggau bala ketuai raban bansa di Engkilili.

Print Friendly

To enable your comment to be published, please refrain from vulgar language, insidious, seditious or slanderous remarks. This includes vulgar user names.