» »Unlabelled » SAPA Ti Patut Ditangkap Raban SPRM?

07:29:00

SAPA Ti Patut Ditangkap Raban SPRM?

SAPA Ti Patut Ditangkap Raban SPRM?

Posted: 25 Feb 2014 06:24 AM PST

Unit penagang penyalah makai suap tauka semina nyadika unit empelas mua diri?

Unit penagang penyalah makai suap tauka semina nyadika unit empelas mua diri?

Raban Komisyen Penagang Penyalah Makai Suap Malaysia (SPRM) udah mansutka siti penerang dalam sebengkah jaku randau enggau portal berita Malaysian Insider.

Bala pemansik sida udah ngamatka pasal tanah ti besai bendar rampa udah diserahka ngagai sida Kepala Menteri Taib Mahmud nya sebilik, ti nunjukka penyalah nya endang terang bendar dikereja ba menua nya.

Sida udah nyingkang jauh agi ti endur sida madahka ngagai dunya semua chap jari ba semua surat penerang ti dikena ngulihka tanah ngena rega ti mimit nya dikereja bala menteri ti rapat bendar enggau Taib Mahmud, iya nya Alfred Jabu enggau Awang Tengah.

Tang, bala pemansik SPRM nya udah nyimpulka penemu sida madahka laban Taib udah enggau naka penyimat enda nyain semua surat lalu netapka siti sistem ti endur bala menteri iya tau nyain ngarika iya, nya alai iya enda ulih "ditekanka" bempu tanggungpengawa nya.

Raban pemansik SPRM udah mutuska penemu sida ti madahka apek bayat tuai nya diberi pengelepas ti endur sida madahka sistem Taib nya "enda ulih dikena nekanka iya", tang laban dia "ngasuh pengari iya" bempu tanggungpengawa nya!

Manah bendar raan SPRM enggau Taib ti balat bekuasa nya.

Sebengkah penyalah? Mudah aja, asuh menteri ti biak agi nyadika pengari iya!

Sebengkah penyalah? Mudah aja, asuh menteri ti biak agi nyadika pengari iya!

Agi mega, mayuh orang di serata dunya tu deka ngaga simpul penemu, enti Taib bempu tanggungpengawa dalam siti-siti opis menteri nya, iya patut bempu tanggungpengawa ba semua atur ti dipejalaika opis menteri nya, lebih agi ba opis menteri ti kiruh bendar ngatur pengawa jual beli pengeraja asal menua beungkus bejuta-juta ringgit awakka dipasukka dalam kuchik iya empu.

Enggau chara Taib 'ngelempaika' tanggungpengawa iya ngagai bakih menteri iya, ti endang lama udah bejalaika atur baka nya, pengawa nya begunaka saut ti silik dalam pansik ti tulen baka ti dipejalaika di menua bukai di dunya tu.

Dikena iya nyeliahka diri bempu tanggungpengawa bekaul enggau salah guna kuasa iya dalam opis menteri iya, Taib dipelabaka ngumbai diri empu udah kena keduan bala bakih menteri iya empu, ti endang seruran ngayanka pemurah ati enggau penaluk sida ngagai iya.

Enti enda baka nya, iya tentu milih ngaku diri kena rampit penanggul untak kurang kapasiti ti udah ngujungka iya nyau enda tekabih bekerejaka opis menteri ti dipegai iya ngena chara kukut besi ngelama tu.

Enti Taib ulih dilepaska, sapa ti patut ditekanka salah beduduk ba semua penerang penyalah ti udah ngujungka menua nya lenyau belanja ari pengeraja asil tanah ngelama tu?

Enti SPRM endang bebendar ngelindung Taib, sida mega patut dipeda bebendar ngambi tindak sida ba dua iku menteri kanan iya ti udah ditemu sida nyain semua surat penerang ngarika iya, iya Sapit Kepala Menteri iya, Alfred Jabu enggau Sapit Menteri Perambu Pengawa iya, Awang Tengah.

Enti Taib enda bekaul enggau Jabu seduai Tengah, nama batang pengawa iya ba kes tu? Agi mega, ba dua iku menteri tu, Taib endang nyadika pun penatai belanja enggau pengeraja seduai iya. Dua iku menteri udah nyadi kaya bendar sekumbang seduai iya dalam PBB enggau mega sekumbang seduai nyadika sebagi ari perengkah pejalai Perintah Taib.

Rumah besai enggi Jabu di nengeri Kuching, Sarawak

Rumah besai enggi Jabu di nengeri Kuching, Sarawak

Dua iku seduai tu bidik laban bekaul enggau siku tuai menua ti amat bekuasa ba seduai iya lalu ngupah seduai enggau naka pemayuh.

Dua iku menteri tu endang suah udah ngasaika penyamai nengah pemeri ba tanah enggau lisin, sebaka enggau penyamai ti diasaika raban Taib Mahmud sebilik. Tentu seduai bisi nyain surat jual beli tanah ke pangan diri?

Kitai tentu deka ninga munyi siren bala polis sebarang maya ari diatu, lebuh sida datani niki rumah-rumah besai dua iku menteri tu lalu nangkap seduai ngambika ditanya tauka dipansik?

Dulu ari tu Sarawak Report udah mantaika repot enggau mayuh bengkah penerang ti nunjukka kaul Taib dalam penyalah makai suap nengah bini enggau bala anak iya enggau kompeni sida sebilik dalam skandal makai suap ekspot kayu batang Jepun.

Tambah mega, enggau atur rampas tanah, Taib udah numbuhka siti sistem ti mayuh udah nguntungka sida sebilik, enggau chara ngubah atur ti ngujungka semua atur ulih disalahguna.

Enggau nya, baka ni Taib tau telepas ari sebarang tuduh penyalah, engka raban pemansik SPRM ulih nerangka ngagai kitai enggau naka penyilik.

Benung digaga – rumah besai enggi Awang Tengah ti diatu udah tembu

Benung digaga – rumah besai enggi Awang Tengah ti diatu udah tembu

Tang, munyi tu udah dikamatka, enti Taib endang amat udah kena keduan bala menteri kanan iya dua iku nya, seduai nya patut ditangkap, didawa dalam kot lalu diukum enggau naka pemerat ti setimpal enggau penyalah seduai nya.

Diatu pekara tu benung majak ngerembai di menua Sarawak enggau mega Malaysia bekaul enggau atur nyiri siku Gabenor Beresi lalu enti Taib tetap bulih penuduk nya enggau dipalit semua pengamah, dia menua Malaysia deka diketawaka dunya lalu pengelemi Najib mega deka tebantai terang agi.

Udah ti ngelindung Tengah enggau Jabu, raban pemansik SPRM enda patut ngeleka ke tanggungpengawa sida enti sema sida deka nyada pemanah nama opis sida.