Laman BMF Diserang Ketungkah Pengerami Ngelancharka Bup Ti Besai Bendar Reti Iya! |
| Laman BMF Diserang Ketungkah Pengerami Ngelancharka Bup Ti Besai Bendar Reti Iya! Posted: 27 Feb 2014 12:42 AM PST  Rumpak kampung – Sebuah bup baru ari gerempung Bruno Manser Fund Gerempung NGO menua Switzerland, Bruno manser Fund (BMF) udah balat bendar diserang nengah ruang cyber kena sehari tu, 26hb Dua. 'Serungkai' nya dipeda nyadika serang bepengelandik tinggi, munyi ti diterangkan raban laman web NGO nya lalu serang nya dikereja ketungkah maya pemadu besai reti dalam pengawa politik Abdul Taib Mahmud, ti benung napi bantah ba iya ti deka nyadi Gabenor Beresi, sekali ke ba ikas entarabansa tauka dalam menua iya empu, ti disadaka dikena mantah pengawa nyiri iya kena hari Lima tu ila. BMF mega numpuka perening sida ba publisiti sida di menua Switzerland sehari tu tadi, ti ngelingi bantai pasal penyalah makai suap di menua Sarawak ti dikereja Taib Mahmud, nengah bup sida ti benama 'Rainforest Robbery', ti dikarang Pengarah gerempung NGO nya empu, Dr Straumann. Bup nya ti dilancarkan dalam jaku Jerman, tang iya mega deka disalinka ngagai jaku English, nusui enggau silik sereta lenak cherita lama Sarawak kenyau ari udah bulih buah merdeka dan keruga pengeraja asil tanah ti dikereja sida Taib Mahmud sebilik 40 taun tu udah. Bup nya mega nyerangkum cherita lama pasal kimoin ti dikena nguji ngetuka pengawa ngerusak kampung lalu nyukung kuasa pengelantang raban bansa asal, ti endur sebana sida ditusui enggau gaya ti ngenyinuka ati. Udah pengelenyau iya ti enda ditemu penunga nyentukka sehari tu, bup nya nusui pasal pansik ba pengeraja Taib sebilik ti balat nyelai lalu ngalitka ati orang mayuh enggau puku dagang ti diperanakka iya di serata dunya, sebengkah pansik ti dipejalaika BMF, lalu majak dipejalaika dikena ngingatka iya. "Taib nyadi siku Penyamun Kampung, tang penyelai iya nya baka ni siku tuai ti dibantu bala kroni iya udah balat bendar ngerusak kampung ti beumur beribu-ribu taun dalam siti serak tubuh aja lalu baka ni bala orang dagang di menua bukai udah mantu iya ngelalaika pengeraja iya", pia ku Dr Straumann. Stesyen-stesyen radio enggau televisyen di menua Switzerland udah mujur ngeluarka berita pasal pejalai pengawa ngeluarka bup ti dipenyadi nya ba sebengkah pengerami di pelilih Basle lemai tu tadi. Mayuh ari raban pengereja pengawa dalam NGO iya berasai alit ati ke serang nya, sekali ke serang nya bisi bekaul enggau pengawa orang ti deka ngemuntanka publisiti pasal bup nya, tauka bisi bekaul enggau langgur Taib ti deka dichiri nyadi Gabenor Sarawak ti baru kena hari Lima tu ila. BMF udah nyadi tuai dalam kimpin entarabansa ke gerempung NGO bukai ti angkat meri jaku tangkan ngagai Menteri Besai Malaysia Najib Razak, enti Taib dichiri nyadi Gabenor atur nya deka ngujungka Perintah Malaysia dipeda bekomplisit dalam penyalah makai suap kepala Menteri Sarawak ti deka ngetu badu gawa nya. "Terang bendar pekara ti bekaul enggau pengerami ti besai reti dalam politik, baka bepilihbesai tauka atur nyiri Taib nya, sida chakah bendar deka ngelamun cherita nya. Sida balat dipeda rinduka atur bepindah kuasa nya diatur dalam pemetang media", ku Dr Straumann nambah. |
| You are subscribed to email updates from Sarawak Report To stop receiving these emails, you may unsubscribe now. | Email delivery powered by Google |
| Google Inc., 20 West Kinzie, Chicago IL USA 60610 | |