DISUAP & DIPEJAL! Cherita Ti Bendar Ba Sepenembu Pengawa Ngempang Jalai 77 Hari Di Murum |
| DISUAP & DIPEJAL! Cherita Ti Bendar Ba Sepenembu Pengawa Ngempang Jalai 77 Hari Di Murum Posted: 09 Dec 2013 04:24 AM PST  Mindah seagi bisi endur ba minggu nyin kemari Semina beberapa hari udah bekau Kepala Menteri madahka dalam rumah DUN, iya "enggai mayar satu senpan" pampas ngagai raban bansa Penan Murum, Sarawak Report ulih mantaika berita baka ni bala pemesai ari Sarawak Energy Berhad (SEB) udah NYUAP bala orang diri sebilik nya ngambika sida badu ngempang jalai ti didirika sida! Nyerumba nya SEB mega ditemu MEJAL sida ti endur jalai enggau andau nuju tumpuk pendiau sida deka dirusak, ti deka nanggul sida mindahka barang sida sebedau tumpuk pendiau sida nya ditiki ai tekat Murum. Ba sebuah jaku randau enggau Radio Free Sarawak, dua iku bansa Penan ari raban orang ti enggau nirika empang jalai nya madahka sida enda tau enda setuju badu majakka pengawa sida nya, udah bekau bala pemesai ari SEB datai ngagai palan empang jalai sida lalu besemaya deka meri RM23,000 dalam mata duit ke tiap ruang bilik, sereta sida mindahka barang lalu datai ba palan pengentap pendiau ti baru di metalung ti bedau tembu nya. Lebuh ti berandau dalam program radio nya kemari, sida nyadang penyampau pampas nya mimit bendar lalu sida berasai lebu (laban ke terubah suba sida udah minta RM500,000), tang diatu sida berasai lebu agi lalu mega berasai lelak bendar udah bekau 77 hari ngemataka empang jalai ba endur ti tebuka lalu pia mega berundingka tumpuk pendiau sida ti majak ditiki ai tekat. Nitihka jaku ari pengari ke bansa Penan nya sida deka majakka bantah sida ngena atur undang-undang ngulihka pengelurus ti deka disukung siku lawyer kuasa pengelantang mensia, Abun Sui.  Radio ti kala nerima perais penabur berita ti bendar sereta enda besiping ba ikas entarabansa ke taun 2013, Radio Free Sarawak Dipejal Pengeluar program RFS madahka raban bansa Penan napi penanggul ke terubah udah bekau seraban polis nangkap sekeda ari bala sida ketegal bisi bekaul enggau empang jalai, lalu udah nya dipechara ketegal dituduh tama enggau enda beradat (ngagai kandang menua sida empu). Disuap  77 hari bemalam di tanah udah ngujungka bala bansa Penan nya berasai lelak sereta lebu Udah bekau nya, nitihka jaku randau bansa Penan nya, SEB udah nyuap sida ngena mata duit ba penyampau RM7,500 ke sebuah ruang bilik nyadika duit tambah ngagai RM15,000 ti udah diberi dulu suba. RM500 agi diberi nyadika duit penulu ke tiap ruang bilik bansa Penan lebuh sida ninggalka tumpuk pendiau sida. Bayar nya udah nyadika sebengkah atur ti manah ti lebih agi ari penyampau kusung ti udah dipadahka Kepala Menteri nya dalam aum DUN bedau lama tu udah. Tambah mega, nitihka tusui orang Penan nya, mata duit ti disemayaka nya endang disempulang enggau keduan, ngena penatai raban polis ti nyempulang bala pemesai ari SEB nya. 'Setuju' nya udah ulih enti orang diri sebilik nya ngemendarka diri sida dibantu mindahka barang diguna sida besehari-sehari tekala nya ari menua lama sida ngagai palan pengentap pendiau ti baru, tang balat bendar dibalut debu lalu bedau tembu digaga, sida deka diberi mata duit tambah lalu pia mega enggau anak kunchi rumah baru sida Nitihka atur nya, dia bala Penan lalu 'dientapka pendiau' ba sebengkah palan ti udah kala dikereja nyadika kebun dandang besai sawit ti udah ditinggalka kompeni Shin Yang. Bansa Penan nya mega madahka ngagai pengeluar program RFS nya, lebuh maya nya nadai sebarang surat penerang dikena bejalaika atur pengawa, lalu pemindah sida ngagai endur ti baru nya baka ti nadai besempekat entara sapa-sapa. Perintah mega nadai nyediaka sebarang bantu undang-undang ke bansa Penan nya dibai 'bejuraika' pengawa pemindah nya.  Pemakai ti ngasuh tetenguk? Raban pemesai SEB benung nyediaka barang pemakai di deka dianjung dikena mantu raban bansa Penan di Murum Sempekat ti semina disebut ngena mulut 'ngambi-kira' peminta ba pampas ba penyampau RM500,000 taja pan nadai sebarang chara dikena ngamatka jaku nya. Nyerumba nya, bala tukang gambar ti dikelala bala Penan nya udah mujur ngeluarka asil tulis sida dalam suratberita Borneo Post ba hari ti nangkanka nya, terang bendar ngayanka asil tulis nya semina penerang media ti dikeluarka SEB aja!  Tuchum mih nunga kamera kami – lalu ayanka kunchi bilik kita tang ukai mata duit – gambar pengias Borneo Post
'Asil tulis' ti dikeluarka nya endang dikena nusui pasal pengaga sereta pengandal ati bansa Penan, tang nadai ngayanka penatai raban pengarang berita ari Borneo Post empu ngemataka pengawa nyerahka anak kunchi ari SEB nya. Asil tulis nya mega nadai nusui pasal penyampau duit suap ti dibayar ngagai orang diri sebilik lebuh pengawa nyerahka anak kunchi bilik baru sida, tauka sebarang chara keduan ti ditapi sida bekaul enggau pengerusak andau enggau jalai nuju tumpuk pendiau asal sida. Bekal ai enggau kuasa elektrik? Asil tulis dalam Borneo Post nya berupai bendar diberi ngambika dichelak suratberita ti dikemataka BN ari SEB nya ti mega becheritaka pasal nasit enggau pengidup bansa Penan diatu nyau majak manah. Ke bendar iya, nitihka pengari Penan ti berandau enggau pengari RFS, pun penatai ai ti bisi di Metalung nya semina ai ujan ti ditimbunka dalam tangki-tangki plastik! Di Metalung nya nadai digagaka orang rumah sekula, klinik, chapel tauka sekula anak mit lalu bansa Penan dia serebana ke sida dipejal nerima RM850 ti diberi dalam chara bukai (bantu ba beras enggau minyak makai), taja pan penyampau nya ari baruh ikas penyeranta lalu deka diketuka udah 4 taun. Bekal kuasa elektrik mega suah tanggul di Metalung. Nama reti orang bansa Penan ti dulu suba diau semak sungai ti chiru, beresi ti endur sida bebasu lalu ngulihka ikan tauka nyauk ai ke guna besehari-sehari?  Palan ti bedau tembu lalu nadai pun penatai ai beresi – digaga kompeni enggi sida Taib sebilik, Naim Candera (ti enggi Pengerusi SEB, Hamed Sepawi!) Agi mayuh suap dilanggurka?  CEO SEB Torstein Sjotveit ngeluluka diri nyadi orang bansa asal Berupai bendar perintah Taib Mahmud deka meri pampas ke pengabis mimit, tang orang dalam SEB udah belabuh nemu chara nya enda manah ke raban bansa asal ti diburu pansut ari menua lama sida empu. Diatu berita sebubu ngapa udah balat ngerembai ti madahka mayuh agi duit suap deka diatur. Pekara tyu udah nambahka mayuh agi jaku tanya bekaul enggau pengelurus dalam pengawa siku pemesai bebansa Norway ti bekereja dalam SEB. Torstein Sjotveit udah beguai-guai niki opis suratberita ti endur iya nerangka pasal penuduk iya ti enda salah udah bekau pengelurus iya bekereja munyi ti dituliska dalam suratberita Norway, Ny Tid, pasal ulah enggau pendiau iya ti seruran ngenuluka pengawa meri kontrak besai-besai ngagai sida Taib sebilik lalu berebak enggau nya muru orang bansa asal ari tumpuk pendiau asal sida. Mujur tauka enda Sjotveit ngumbai bala orang di Norway deka enda ibuh ke pejal enggau suap iya lalu penemu salah nya beduduk ba ikas ti pemadu tinggi? Pekara nya enda baka nya. Tang pekara nya mengkang nyadika chara ti jai beduan orang bansa asal ti mudah bendar kena keruga nya. |
| ‘Indu Pemadu Kaya’ Di Kanada Jamilah Taib Digagai Pengarang Berita Ti Enda Dipinta Posted: 09 Dec 2013 04:03 AM PST  Jamilah Taib enggau laki iya Hisham (Sean) Murray Sebengkah suratberita besindir ti tebilang di menua Kanada diatu udah mujur ngeluarka cherita-cherita ti nyelai pasal 'indu pemadu kaya' di Kanada, Jamilah Taib. Suratberita Frank ti tebilang mansutka mayuh leman berita bechura ngelantangka ati tang bisa nya enda ngelaungka cherita bekaul enggau anak indu Kepala Menteri, Jamilah Taib, enggau laki iya Sean Murray. Enggau cherita ti nyengala, suratberita nya udah mansik penerang bekaul enggau reta pengeraja seduai nya ti beduduk ari pengawa apai iya Taib Mahmud bekerugaka kampung enggau tanah enggi orang bansa asal di Sarawak enggau pengeraja asal menua nya mega.
(Jamilah nya siku indu pemadu kaya di Kanada ti megai reta manggai $1.2 billion, lalu ari ni penatai semua duit nya? Tanya ngagai apai iya empu)  Baju kot bulu …
Aku beratika sekeda opis penerit adat di menua bukai udah belabuh mansik reta pengaya orang diri sebilik ti bisi kaul enggau Jamilah Taib-Murray, siku indu pemadu kaya ari pelilih menua Rockcliffe enggau Kanada ($1.2 billion). Jamilah nya anak tuai ke Abdul Taib Mahmud, Kepala Menteri Sarawak di Malaysia, iya nya siku tuai menua ti nyadi kaya raja enggau enda ditemu pun penatai pemisi iya. Dua taun ke udah, gerempung Bruno Manser Fund (BMF) udah kala nuliska surat nuju opis-opis RCMP, FINTRAC enggau PMO ti nuduh sebagi ari pengeraja apai Jamilah – ti endur iya megai reta beungkus $15 billion! – dikemataka kompeni sida sebilik di Kanada. Pengawa dagang nya nyengkaum kompeni reta tengkira Sakto ti manggai bejuta-juta dollar ti benung bepalan di Ottawa, diempu lalu dikemataka Jamilah enggau laki iya, Sean Murray. Lawyer Bansa ari Switzerland udah puntan ngulihka sebarang penerang pasal perapasan ulih ngerumpak ti disimpan dalam sekeda bank di menua nya ti tebilang endur orang kaya-kaya besimpanka duit sida. Tang Lawyer Bansa nya ulih netapka bisi dua iku ari sida Taib sebilik bisi ditemu mindahka duit simpan sida dalam taun 1999 suba. Pansik ti sebaka mega bisi dipejalaika di menua Jerman enggau di U.K. lalu puntan mega ngiga duit simpan kamah sida Taib sebilik, munyi ti dituduh BMF, lebih agi duit kamah ari pengawa ngulihka kayu batang enda beradat enggau pengawa ngerampas tanah di menua Sarawak. Malaysia diatu duduk ba ikas lumur dua pemadu tinggi ba penyalah pemansut duit kamah di dunya, tebal agi nengah akaun-akaun bank sida di Singapura enggau di Hong Kong.  Dianta ngena marik berega (kiba) enggau ibu iya, Raziah Mahmud Bepalan di menua Ottawa, Jamilah enggau Sean, nengah mayuh macham kompeni ti udah mujur, bejalaika pengawa dagang reta tengkira di menua Kanada, U.S., Australia enggau U.K. Reta tengkira ke bukai enggi kompeni-kompeni sida nyengkaum rumah endur Opis Lawyer Bansa Ontario ba Preston Street di pelilih Ottawa, Rumah Abraham Lincoln – iya nya indu opis FBI Seattle, enggau Hotel Adelaide Hilton. Sean Murray datai ari raban Murray di pelilih Rockcliffe (aya iya Patrick ari kompeni Murray & Murray Architects, nyadika walikota ba genturung nya), betemu enggau Jamilah lebuh iya benung belajar ba Kolej Ashbury sama enggau menyadi iya, Mahmud Abu Bekir. Lebuh maya nya Jamilah belajar ba Elmwood. Lebuh ngaga kaul di Carleton University, bala bakih ti sama belajar enggau Jamilah ba pelajar pengurusan perniagaan ngela iya ngena nama "puteri raja". Sida enda tekenyit ati lebuh Jamilah meli sebuah kerita Mercedez bebansa konvertibel ke Sean lebuh Sean nyambut hari pengada iya taja pan maya nya seduai bedau jadi melaki bini. Seduai iya ditikah dalam taun 1987 lalu Sean nukar nama iya ngagai Mohamad Nor Hisham Murray – masuk pengarap Islam nyadika chara iya bebasaka sida Jamilah sebilik. Dua iku orang melaki bini ari pelilih menua Ottawa tu suah ngatur pengerami ba rumah besai seduai di Lumur 668 Manor Avenue (ti berega $9.9 juta lalu rega nya diatu majak niki, rumah kedua pemadu berega ba pelilih Rockcliffe). Mayuh gerempung media udah nguji betanyaka ari ni penatai bejuta-juta dollar enggi Jamilah. Munyi ku apai iya empu, Jamilah udah nyadi kaya ketegal pemujur iya dalam pengawa dagang. Pengaya Jamilah nadai kaul enggau pengaya apai iya di menua asal iya di Sarawak. (Apai iya suah nemuai ke menua Ottawa ngabas bala anak-uchu, lalu bebelika barang ba kedai bejual barang lama. Disempulang siku pengawal ti betubuh besai, apai iya deka tama ngagai kedai ti dikerinduka iya lalu bebayar bejuta-juta dollar sekali iya bebelanja). Ba pengelama 30 taun tu udah, apai iya Taib udah mujur nugungka pengeraja ti dipelabaka manggai $15 billion nengah kompeni-kompeni sida sebilik enggau chara nyambut kontrak besai-besai di menua iya, Sarawak. Iya ngatur pengawa tu beduduk ba gaji taun Kepala Menteri iya ti kurang ari $200,000. Dagang Taib chara lama betumpu ba pengawa kontrak ti ukai ngemeratka pengawa pengasih.
 Ba dunya mimpi – begari nunda Diana Ross Wikileaks udah mujur tetemuka penerang ari Opis Duta U.S enggau Opis Menua udah sida betemu enggau bala orang politik ari parti penyakal di Sarawak. Lalu, bekaul enggau rumah DUN Sarawak ti baru nya. Taib udah meri kontrak beungkus $82 juta dikena ngaga rumah 27 tingkat nya kompeni Cahya Mata Sarawak Berhad (CMS), iya nya sebuah indu kompeni enggi sida Taib sebilik. Udah nya CMS lalu ngesabkontrak pengawa ngaga rumah nya ngagai sebengkah kompeni ti endang landik ba rega $60, lalu nyimpan laluh $22 juta ke sida empu. Ba raban orang di menua iya empu di Sarawak nama kompeni CMS digela sida "Chief Minister & Sons", tang bala pemegai pugu syer nya sebuah kompeni enggi Jamilah enggau adi iya, Hanifah, ti bisi stesyen radio ngatika diri, CATS FM, enggau kompeni pengeluar suratberita New Sarawak Tribune, ti dikemataka sida begulai enggau petunggal apai sida, Hamed Sepawi.
Rewcastle Brown mega siku pengarang berita ti beempu laman blog bepansik Sarawak Report enggau stesyen radio internet ti ngatika diri, Radio Free Sarawak. Berindik ari nya raban sida Taib sebilik lalu engkasak ti endur sida nuduh semua blog enggau laman web ti ngenang pendiau enggau gaya idup sida nya dipelanja bala orang politik penyakal tauka orang siku-siku ti enda dikelala ari menua tasik. Lebuh stesyen Global TV udah nguji nusui pasal pengawa ngubah duit kamah ba taun 2011 suba lalu minta Jamilah enggau Sean berandauka pekara nya stesyen nya lalu diberi surat undang-undang ari kompeni lawyer Bruce Carr-Harris ari kompeni Borden Ladner Gervais. "Apai Jamilah nadai besangkut paut enggau chara Jamilah ngulihka pengeraja ari menua asal iya di Sarawak," munyi ku penerang ari Carr-Harris. Tang munyi ku jaku penerang dalam surat ti difailka, pengawa beranakka puku "enda chakah" enggi Jamilah nya nyengkaum ukai semina kompeni besai sida, CMS, tang mega nyengkaum Palan Temuai Royal Mulu, kompeni kayu batang WTK enggau suratberita fesyen enggau gaya idup Malaysia, Tell. Pengarang ti ngatika diri, Rewcastle Brown, ba pun taun tu udah kala diberi sepuchuk surat undang-undang ari raban lawyer ti diupah Sean Murray ari kompeni undang-undang Mischon de Reya. Pengasai ati tusah udah nyadi udah bekau jaku-jaku tuduh ti madahka pengeraja Jamilah enggau Sean nya datai ari apai iya ti Kepala Menteri Sarawak! Tang, endang amat, Jamilah nerima duit pemeri ari apai iya – $4 juta – lebuh iya numbuhka kompeni Sakto dalam taun 80-an sama enggau menyadi apai iya, Onn Mahmud enggau menyadi iya, Mahmud Abu Bekir (ti diatu nyadika siku penerima mayuh bengkah penguntung pengawa dagang besai-besai di menua Sarawak).  Rumah besai Jamilah-Sean di nengeri Ottawa, Kanada "Pengawa nya belabuh kenyau ari 20 ngagai 30 taun ke udah. Aku meri duit ngagai anak indu aku nya," ku Kepala Menteri nya nerang ba sebengkah jaku randau iya dalam taun 2011 nyin kemari. "Aku meri iya sebagi ari duit pinchin aku dikena Jamilah ngepunka pengawa dagang ti baru, lalu pengawa nya udah mujur bendar." Tang Kepala Menteri nya nadai nerangka enggau silik ari ni penatai duit "pinchin" iya nya. Tang Sean Murray madahka ngagai suratberita Frank ba minggu nyin kemari "sepenyampau duit nya" diberika ngagai Jamilah ari apai iya ke terubah iya datai di menua Kanada. "endang ke belanja iya besehari-sehari, lalu enda ibuh dibayar iya pulai ngagai apai iya empu. Duit nya ukai dikena iya numbuhka kompeni Sakto." Sean Murray madahka, mentua iya, Kepala Menteri nya, nadai sebarang kaul dalam kompeni Sakto, Sakti tauka Ridgeford. "Iya nadai mangku sebarang pengawa nyadi pemesai, pengarah tauka pemegai syer dalam kompeni-kompeni nya," ku Sean Murray nambah. Iya nadai meri sebarang duit ke kompeni-kompeni nya. Emba undang-undang nya nadai dientudika sebarang tindak kot, tang Rewcastle Brown madahka akaun email iya udah kena pasuk orang bukai, lalu isi email iya udah diayanka dalam sebuah laman blog ti nadai ditemu sapa beempu. Keruga siber nya udah diberi perati ke dalam – lalu laman web ulih ditemu ari ni pun penatai – munyi ti ditusui dalam suratberita ti dikemataka sida Taib sebilik, New Sarawak Tribune. Lalu sapa orang ti benama Bruno Manser, enti kita deka ngelala? Pejuang ke kuasa pengelantang orang bansa asal ti suah bendar tama kampung di menua Sarawak ti diperintah Taib, lalu dalam taun 2000 iya dipadahka udah lenyau enda temu penunga. Iya disadang mati, tang gerempung NGO ti ditumbuhka ngangkat nama iya diatu chakah bendar ngeruga sida Taib sebilik.
Siku agi orang ti kala mantah Kepala Menteri Sarawak nya, pengurus kompeni Sakto ke dulu suba, Ross Boyert, ukai semina disadang mati, tang endang ditemu mati. Dalam taun 2010, bangkai Boyert ditemu dalam sebuah bilik hotel di Los Angeles, enggau pala iya dibungkus ngena kambut plastik lalu ditanchang ba rekung. Raban forensik madahka kes Boyert nya munuh diri. Boyert kala bekereja dalam kompeni Sakti International ba pengelama 12 taun. Lebuh iya diketuka gawa lalu udah nya diganti Sean Murray, Boyert ngeluarka surat sama. Ba taun-taun ke penudi dalam pengidup iya, munyi ti ditusui balu iya Jonni, Boyert udah ditanchang bankrap, sakit runding, enggau mayuh agi penanggul enggau keremba raban polis enggau bala orang ti enda dikelala. Ari surat-surat penerang dalam Sakto ti bisi dipegai Boyert iya nya sebengkah sempekat ti ditanggam dalam taun 1988 ti nunjukka setengah ari syer dalam kompeni nya dipegai semua sida Taib sebilik, tang dipegai sida ngarika apai sida, Kepala Menteri Sarawak nya.  Rindu bendar bepengerami .. Diatu Rewcastle Brown enggau bala bakih iya arap bendar sida udah bisi tetemuka penerang-penerang nengah surat-surat gadai enggau pemasuk wang turu sida Taib sebilik ari sebuah kompeni di menua Hong Kong ke dalam kompeni enggi Sean enggau Jamilah dalam kandang taun-taun 1990, ti dipelabaka tau ngerapitka agi pemanah kaul sida enggau kompeni-kompeni kayu ari Jepun. Suratberita Frank enggai arapka jaku tuduh tu tang semina deka nganti penerang-penerang ke jaku tuduh nya. Dikena nambahka pengerusak dalam laya dalam raban Murray-Taib, petunggal Sean, iya nya Brian Murray, ti ngemataka kompeni Sakto, bisi didinga charut enggau bini iya Kristina ba bulan Tujuh tu tadi. Penyarut nya disadang nyadika penanggul dalam ruang bilik orang tu, lalu suratberita Frank arapka pekara wang ari ruang bilik tu enda tebantai lebuh datai ba maya raban lawyer Kristina meresa kes nya. Ke penudi iya ditu, siti jaku tangkan ditujuka ngagai Sean Murray, ti madahka jaku tuduh ke baru tu patut diperesa "ba konteks pengawa bepilihbesai di Sarawak. Sarawak Report endang nyukung raban parti penyakal. Sida ngena semua macham penerang ti bendar, baka Cullen Johnson ti udah rusak pemanah nama iya, ti endur pengamat iya udah dirusak enggau bendar." |
Nyadika tambah ba jaku tuduh ari gerempung Bruno Manser Fund, Jamilah, Sean enggau sida Taib sebilik ti bukai udah suah ditusui dalam artikel-artikel ti ditulis Clare Rewcastle Brown, iya nya ipar Gordon Brown ti udah kala nyadi Menteri Besai Britain dulu suba.| You are subscribed to email updates from Sarawak Report To stop receiving these emails, you may unsubscribe now. | Email delivery powered by Google |
| Google Inc., 20 West Kinzie, Chicago IL USA 60610 | |