Gabenor Belabuh Bejalaika Pengawa Dagang Iya |
- Gabenor Belabuh Bejalaika Pengawa Dagang Iya
- Bakani Jamilah Mansutka Pasal Pun Penatai Puku Belanja Kompeni Sakto EKSKLUSIF
- Undang-undang Dikena Berampaska Tanah Di Sarawak Patut Dibuai!
| Gabenor Belabuh Bejalaika Pengawa Dagang Iya Posted: 22 Apr 2014 06:23 AM PDT  Suratberita The Star nuliska berita pasal jurai jaku pengawa dagang enggau chara ti belalai Lebuh Taib Mahmud bejakuka pasal pinchin iya beberapa taun ke udah iya bis nyebut ba orang mayuh, ku iya, "enti aku pinchin ila, aku deka bedagang". Orang mayuh ti ningaka jaku iya maya nya suba bisi berunding, "nama pengawa udah dikereja iya dalam pengelama 40 taun ke udah?" Agi mega dalam pengelama 40 taun nya Taib udah salahguna ke penuduk iya dikena iya ngerusak rampa kampong ti besai bendar, ngemendarka pengawa muka ladang sawit enggau berampaska tanah perintah ti besai bendar rampa lalu ngemasukka reta menua nyadi dagang bekorporat. Nya alai, baru diatu kitai nemu iya baru deka berengkah bedagang? Udah bekau iya pindah masuk ngagai rumah Astana iya mengkang bejalaika atur ngerampas semua macham peluang, baka ti direpotka ngena jaku ti manah-manah dalam media Malaysia ti dikuasa enggau terit. Iya mega bisi kala didinga bejaku madahka langgur deka neruska pengawa ngaga tekat ai, ambi ke banding, ngaga 5 buah agi tekat dalam kandang 12 bulan tu – ti endur pansik empas projek ba rampa menua udah enda dikibuhka. Enggau mayuh agi jaku gerah bukai ti bekaul enggau SCORE lalu ke semua nya nguntungka kompeni-kompeni iya empu enggau sida sebilik.  Pengawa dagang nirika tiang kuasa telekomunikasyen ti udah narit ati Taib Lalu diatu Taib dipeda ngelanggur deka ngerebut pegai iya ba dagang ngaga perengka pemadah tama ngagai kuchik iya enggau CMS diasuh iya ngerebut kompeni telekomunikasyen SACOFA. Anang enda ingat ke Sarawak cable ti enggi anak iya, Mahmud Abu Bekir, udah nguasa semua kontrak masang perengka kuasa karan di menua Sarawak. Suratberita The Star, ti mantaika cherita pengawa nyual SACOFA udah bebendar amat nempa cherita nerangka baka ni CMS "bisi bagi dalam semua pengawa di menua nya" lalu baka ni kompeni nya udah "netapka diri nyadika proksi penumbuh ekonomi di Sarawak". Nya nyadika sebengkah chara dikena nunjukka baka ni Taib udah nentuka sebarang pengawa dagang ti disukung menua iya empu nya patut diberika ngagai kompeni-kompeni sida sebilik. Tang dini endur jaku tanya pasal pengawa ngambi alih kompeni nya baka ti dilanggurka? Baka ni pematut CMS tau numpuka perati sida ngagai kompeni ti kaya tu lalu ngatur singkang sida ngulihka kompeni nya? Lalu baka ni pematut pengawa nyual tu 'dipejuraika' semina enggau CMS lalu nadai disaraka dulu? Pemutus penemu ti deka nyual kompeni tu ending ba pemegai syer pemadu mayuh, iya Sekretari Menua Sarawak Morshidi Abdul Ghani, ti megai 70% ari semua syer sida dia. Tang, dini endur sistem tender tebuka, lalu nama kebuah semina orang tu aja ti bejurai enggau CMS, lalu ukai enggau kompeni ti bukai? Tang, nama kebuah atur pengawa ngubah ikas kompeni dagang ti besai nya, ti ditemu ulih ngerembai ti udah diperambuka perintah besai nya enda dibuka ngambika tau diperebutka kompeni-kompeni bukai, sebaka enggau atur di menua-menua UK enggau di menua bukai?  Taib begambar begulai enggau Sekretari Perintah Menua iya ti balat taluk ke iya – tang diatu Taib ukai bos iya agi Taib Mahmud ending lama udah ngelala Sekretari Menua Sarawak, Morshidi Abdul Ghani, munyi ti kala dituliska kami dulu ari tu. Baka bala pemesai perintah ti bukai ti udah dipaduka menagku pengawa dalam pengelama lebih kurang tiga puluh taun, Morshidi, udah ngumbai Taib Mahmud nya bos iya, lalu ukai orang selama. Agi mega, sida Morshidi sebilik ending lama udah bulih penguntung ari pemeri Taib baka ba tanah menua ti berega murah ngagai bala kroni iya nengah konsesyen enggau lisin kebun dandang besai ti manggai 14,000 hektar pemesai. Enggau nya, Kepala Menteri ti udah badu bekereja nya mengkang ngumbai Morshidi tu deka nyain ngelepaska siti ari pengawa dagang ti berega bendar di menua Sarawak nya ngagai sida Taib sebilik enggau nadai mayuh talat. Pengarang berita dalam The Star udah ngaga simpul iya ti madahka jurai jaku tu udah tembu. Tambah mega CEO CMS Richard Curtis bebansa British nya udah lama bendar chakah dalam beberapa bulan tu laban ngulihka syer ti besai-besai dalam tiap iti kontrak ti dipejalaika dalam pelilih SCORE ke bos iya.  Nyam-nyam – sebagi ari pengawa dagang ti deka diulihka Taib ke iya empu Tang kami deka nuduhka penemu kami nya tu mih maya endur ngatur ubah. Taib nya ukai bos iya agi, taja pan iya ulih ngumbai adi ipar iya nya nyadika anak patung ti nganti penuduk iya. Ke bendar iya, Abdul Taib Mahmud nya ukai agi nyadika ATM Sarawak lalu iya mega ukai agi nyadi bos ke Sekretari Perintah Menua. Sain tauka chap jari Taib nya enda agi diguna lalu iya enda ulih ngemaduka sebarang sapa ari pengawa sida nitihka peneka ati iya. Deka tauka enggai Perintah Besai ngulurka agih belanja RM1.5 billion ti ending udah ditagaka dalam bajet 2014 dikena nirika tiang kuasa telekomunikesyen di Sarawak tama ngagai kuchik kompeni iya baru? Enti Adenan Satem nya siku tuai menua ti terit ba atur iya, betanggungpengawa enggau bekuasa penuh lalu ngarika ubah ti tulin, tu mih maya endur iya ngepunka singkang iya ti terubah. Sebengkah proses tender tebuka patut diatur dikena nyual syer SACOFA lalu awakka iya tau nyadika stindit ba maya ti dudi ila. |
| Bakani Jamilah Mansutka Pasal Pun Penatai Puku Belanja Kompeni Sakto EKSKLUSIF Posted: 22 Apr 2014 05:14 AM PDT  Rumah berega bejuta-juta dollar di pelilih Ottawa Kanada enggi kompeni Sakto Beberapa taun ke udah sida Taib sebilik bisi ditemu bebendar nguji ngelamun pun penatai belanja ke puku dagang bejuta-juta dollar sida di menua baka Kanada, Amerika enggau UK. Taja pan baka nya, diatu kami ulih mansutka sebengkah penerang ari arkib ti baru, ti diserungkai raban NGO Switzerland, Bruno Manser Fund (BMF), ti ngemendarka Jamilah Taib ngaku maya ti berandau dalam media ti madahka dalam taun 1989 bala orang ti beranakka puku dagang dalam kompeni Sakto nya ari bala orang 'Pelilih Pasifik' nyengkaum Malaysia. Jamilah mega mansutka penerang baka ni 'Pengerusi' nya datai ari menua Malaysia dua kali setaun ngulu mayuh bengkah aum. Jaku ambu ti tumu tu terang bendar enda besenutuk enggau jaku ambu laki Jamilah (Sean Hisham Murray) ti madahka kompeni Sakto ditumbuhka sida Murray sebilik, ti nadai sebarang kaul enggau duit ari Taib Mahmud.  Apai kami ti numbuhka kompeni tu!
 Surat lawyer dikirumka ngarika sida Murray sebilik dikena bebula penerang pasal pun penatai belanja ari Taib Mahmud dalam kompeni nya
Petunggal Sean, Christopher Murray, siku pengurus dalam kompeni Ridgeford Properties di London mega nandu jaku ambu nya ba randau iya enggau Sarawak Report dalam taun 2010. Tang, surat-surat penerang pasal penumbuh kompeni di Kanada nya terang bendar nunjukka Sakto udah ditumbuhka menyadi iya empu, Onn Mahmud, ti mega nyadika pengari dagang iya dalam taun 1983, sama enggau bala anak iya, Jamilah enggau Abu Bekir, ti benung besekula di Kanada maya nya. Dalam bulan Tiga 2011 suba Taib empu bisi ngaku madahka sida Murray sebilik enggau bala lawyer sida udah bebulaka jaku timbal sida, lebuh iya berandau ti endur iya madahka iya kala meri "sepenyampau duit" ngagai Jamilah dikena numbuhka kompeni Sakto lebuh iya agi benung besekula di Kanada. Tang diatu BMF udah bisi bulih arkib penerang ti nunjukka ba taun 1989 suba Jamilah nemu pasal pejalai dagang kompeni nya. Ba renggat nya iya baru nirika rumahtangga enggau Sean Murray lalu iya mega nyadika pengari kompeni Sakto.  Pengerusi kompeni datai ari menua Malaysia dua kali setaun ngulu aum di Kanada Kena 17 haribulan Satu 1989 lebuh berandau enggau suratberita The Ottawa Citizen, iya bisi meri beberapa iti penerang pasal kompeni nya, nyengkaum Pengerusi ti datai ari Malaysia dua kali setaun laban deka meresa sereta ngabas pengawa dagang dalam kompeni nya. Cherita nya terang bendar nunjukka sapa ti nguasa pejalai kompeni Sakto – lalu iya nya ukai Jamilah tauka Sean Murray. "Penguasa" kompeni nya siku orang dagang ari 'Pelilih Pasifik', lebih agi ari menua Australia, Hong Kong enggau Malaysia lalu cherita nya mega madahka Jamilah, lebuh nya baru beumur 29 taun, siku orang ti tau "dikarapka". Cherita ti dikarang pengarang berita nya madahka Sakto nya sebuah kompeni dagang menua luar pemadu besai puku ti didudukka di pelilih Ottawa maya nya. Pengarang berita nya madahka timpai bala orang ti beranakka puku ari menua luar dalam kompeni nya udah milih sebuah menua endur sida beranakka puku.  Taib Mahmud – Pengerusi ti bekuasa ari belakang Sakto? Sekali ke 'Pengerusi' Sakto ari menua Malaysia nya ngena atur milih lalu maduka 'orang ti tau dikarapka' ba anak iya empu? Enti saut nya ya, sekali ke ketegal nya endur Jamilah dipaduka laban iya endang siku ari sida sebilik ti tau dikarapka? [Bacha berita dalam The Ottawa Citizen ti ditulis kena 17 haribulan Satu 1989] Tu ukai ke teruba iya endur jamilah Taib tama ngagai media menua Ottawa. Nyadika siku ari orang indu pemadu kaya di menua nya lalu mega nyadi presiden ke mayuh bengkah kompeni reta tengkira pemadu besai Jamilah udah bulih endur iya dalam berita media menua nya. Ambi ke banding, ba sebengkah cherita dalam The Ottawa Citizen kena 29 haribulan Duabelas 2001 suba, Jamilah Taib ti pemadu kaya nya digambarka nyadi teladan orang kaya begari. Cherita nya bisi nyebut Jamilah pulai ke Malaysia laban deka mutarka pengawa dagang sida sebilik!  Bejalaika pengawa dagang enggau sida sebilik? Jamilah begambar enggau ibu iya Raziah (menyadi Taib) bekenaka barang kemas ti berega Penerang ari Taib tau bendar ngasuh tesat runding lebuh iya madahka sida sebilik nadai bedagang di menua Sarawak lalu Jamilah aja ti bisi bedagang nengah 84 buah kompeni sida di menua nya. Engka iya kelalu gagau bebelika barang ti endur iya enda ingat ke pengawa dagang iya, tang kami deka nuduhka penemu kami madahka semua pengawa dagang sida nya endang dikuasa apai iya Taib Mahmud lalu kepala pion sida nya laki iya empu Sean Murray. Nangkanka tu kami deka mantaika mayuh agi repot ari arkib Ottawa – teruska macha berita ari Sarawak Report tu. |
| Undang-undang Dikena Berampaska Tanah Di Sarawak Patut Dibuai! Posted: 22 Apr 2014 04:44 AM PDT  Numpang Suntai enggau kayu batang ti udah ditebang orang enggau chara ti salah ari kampung asal sida di Sebangan Diatu BN udah muai Taib lalu sida mega patut muai undang-undang ti udah digaga iya dikena ngemendarka pengawa ngerampas tanah ti enda besenutuk enggau konstitusyen menua mega. Kepala Menteri ti udah badu nya udah ngemendarka bebarapa siti ubah Undang-undang Tanah Sarawak nyadika sebengkah chara iya ngulihka tanah pesaka raban orang bansa asal. Siti ari ubah undang-undang nya dikemendarka iya dalam bulan Lima 2000 suba dikena iya ngerampas kuasa orang bansa asal atas tanah pulau galau enggau pemakai menua sida. Keruga ti baka tu udah ditemu Kot Perintah Besai nyadika sebengkah penyalah ti ngelanggar konstitusyen menua. Diatu kitai patut meratika siti kes ti baru ti dipecharaka ba minggu tu dalam Kot Apil dikena ngelaban Perintah Sarawak ti bekaul enggau tanah enggi raban bansa Iban ari pelilih Sebangan.  Repot Taun ke taun 2009 enggi kompeni Quality Concrete – adik indu Taib, Raziah, udah mujur bulih tanah rampas ti endur semua rampa pemesai tanah nya bulih mesai pulau Singapura Laman blog Sarawak Report tu mih ke terubah udah nyungkit pengawa ngerampas tanah ngambika dikelala orang mayuh, lebuh dalam taun 2010 suba kami nuliska repot ari pelilih menua nya lalu mantaika adi Taib, Raziah Mahmud, nya endang bisi tanggungpengawa nyadi siku direktor enggau pemegai syer pemadu besai dalam kompeni Quality Concrete.  Raban bansa ti merinsa ti udah diumpan lalu diberi bayar pampas ti mimit ari kompeni enggi Raziah Mahmud – semina RM250 ke rega semua kayu batang ti ditebang beungkus bebillion-bebillion Baka selama, Raziah ngena kuasa penuduk direktor iya dalam kompeni enggau mega pemayuh syer kompeni ti dipegai iya dalam Quality Concrete ti beduduk ba kaul iya ti nyadika menyadi kepala menteri iya ulih sepeneka ati salah guna enggau lisin ti ulih sida Opis Tanah enggau opis LCDA, dua iti opis tu ti dikuasa Taib. Bala tukang tumbang ti udah betebangka laluh kayu batang ba kampung bungas ti ngena lisin 'sementara' ti diulih sida dikena muka kebun dandang besai sawit. Lebuh Sarawak Report nemuai ngagai endur nya, kami diterangka nadai utai ulih dikereja laban ba endur bukai pan agi mayuh kes charut tanah di serata menua Sarawak nya lalu bisi bebalut enggau orang ti megai kuasa menua.  Penusah angus ti nyelai udah ngujungka bala tuai raban bansa Iban di endur nya angkat mantah Tang orang bansa asal di menua nya enda mudah dikeduan agi. Betuaika Numpang Suntai (iya nya menyadi pemacha berita dalam Radio Free Sarawak, Christina Suntai) enggau beberapa iku tuai raban ti liat ati, sida udah mai kes sida nya ngaga kot lalu minta pengawa ngulihka kayu batang ari kampung sida nya diketuka. Belabuh ari penyarut nya dia raban apek bayat lalu dikena napi orang bansa asal ti angkat mantah laban ngetanka tanah pesaka sida ari kena keruga. Sebengkah penusah angus ti nyelai udah dipunka dalam kem kayu batang lalu raban polis udah enggau jampat ngesah nitihka repot bala pengereja pengawa dalam kem ti lalu nekanka Numpang Suntai enggau bala bakih iya nya mih ti betanggungpengawa. Pemesai Eksekutif Shell ti udah badu gawa nya, enggau petunggal iya kepala NGO Nicholas Mujah enggau tiga iku tuai raban bansa sida udah ditangkap polis lalu dipasukka dalam rumah pasung. Tang sida udah chukup bidik laban ulih ngelempaika penanggul sida ba lawyer kuasa tanah NCR, Baru Bian, lalu tuduh dikena kompeni ngelaban sida nya udah dibuai kot. Tang agi mayuh raban bansa ti bukai ti kena keduan ketegal deka ngetanka tanah pesaka sida empu di Sarawak lalu sida berasai enda bidik laban kena perintah atur apek bayat betuaika Taib Mahmud.  Gaya pengangus ti dikereja raban apek bayat ba kem ti ngupah sida – kem kayu batang di pelilih Sebangan Baru Bian udah ngirit kompeni Quality Concrete enggau Perintah Menua Sarawak ngagai kot, ba sebengkah kes ti dikumbai sebengkah kes ke terubah dikereja kompeni nya, lalu kompeni nya udah alah ba Kot Tinggi ti ngujungka orang bansa asal menua nya menang ba pechara nya! Enda lama udah bekau nya kami ditusuika Raziah udah ninggalka komiti bala direktor kompeni Quality Concrete, taja pan udah nya iya mengkang ngena rumah kompeni nya di Kuching dikena iya nyimpan opis kompeni-kompeni ti berampaska tanah. Tang kelimpah ari ti nerima pengalah nya, Perintah Sarawak (maya nya betuaika Taib) udah nganjung apil ngagai Kot Apil, laban iya udah suah bendar dialahka ngena Undang-undang Tanah Sarawak. Lalu enggau lapan iti kes ke dulu ti sebaka, lebuh kes ti udah dibalut skandal udah diperesa kot, kot mutuska pemenang nya ba raban orang bansa asal ti kena keduan. Bejarit bendar Kot Apil enggau Kot Tinggi udah mutuska penyalah ngerampas tanah ba undang-undang tanah Sarawak ti sudah diubah-ubah nya salah ba konstitusyen menua bekaul enggau kuasa pengelantang enggau kuasa NCR di Sarawak. Tang Taib ti tuai nya mengkang bingking lalu majak nganjung apil iya ngambika ngelubahka maya, awakka bisi endur kompeni-kompeni kroni iya ngereja pengawa ba tanah ti dirampas sida nya ari orang bansa asal Sarawak.  Nyerahka pengawa – Taib ukai agi orang ti ulih mutuska penemu lalu Adenan Satem patut enda pedulika pinta iya Lebuh sesebengkah undang-undang nya enda besabi enggau konstitusyen menua, Perintah Menua bisi tanggungpengawa ngubah iya, awakka iya besenutuk enggau konstitusyen lalu awakka iya enda agi ngemendarka keruga ti salah. Taib Mahmud endang bisi belajarka undang-undang lalu iya mega seruran ngumbai diri kering penemu, lalu enda mudah surut. Tang orang ti nganti iya diatu, Adenan satem, udah ngayanka diri nya ukai anak patung Gabenor baru nya, tang ba pekara tu iya patut kering penemu dikena iya mantaika buah runding iya. Taib diatu berasai takut ke peluang dikena berampaska mayuh agi tanah nya deka lenyau lalu mega irau ke diri lenyau kuasa politik lebuh deka meri tanah ngagai sida sebilik tauka bala bakih politik iya. Penanggul tentu deka nyadi ti endur bala orang bansa asal ti udah dikeduan patut dibayar pampas ti besai lalu tanah sida ti udah dijual ngagai orang bukai deka diberi pulai ngagai sida lalu kompeni ti udah buya diberi tanah nya suba tentu patut mega dibayar pampas!  Kayu batang menua Sarawak nya sebengkah asil kampung ti dibalut mayuh jaku tanya. Sesebengkah perintah menua patut bejalaika atur pengawa enggau betul lebuh iya udah ditemu ngereja pengawa ti salah. Lalu enggau chara meri pulai tanah nya ngagai orang ti endang beempu, perintah menua deka meri pemanah ke rayat iya, ti endur pengelantang sida nya patut diintu, tang ukai ngintu pengelantang sida Taib sebilik tauka pengelantang bala kroni iya. Bala orang ti deka beranakka puku dagang patut bejimat. Sebarang kompeni ti deka meli asik kayu batang tauka minyak sawit dalam sebuah menua ti dikuasa perintah apek bayat baka menua Sarawak patut ngadang napi sebarang jaku tangkan. Enti kayu batang tauka tanah ti udah diulihka sida dikereja sida maya Taib nyadi kepala menteri suba, belabuh ari diatu sida deka meli atas risiko ditanggung sida empu. Bala orang ti deka beranakka puku nya tentu enda ulih agi ngaku enda salah! |
| You are subscribed to email updates from Sarawak Report To stop receiving these emails, you may unsubscribe now. | Email delivery powered by Google |
| Google Inc., 20 West Kinzie, Chicago IL USA 60610 | |