» »Unlabelled » Pengerami Hari Bung Bratak diketu dua taun tu BorneoPost Online | Borneo , Malaysia, Sarawak Daily News » Berita Iban - New 2 Borneo

05:05:00

Pengerami Hari Bung Bratak diketu dua taun tu BorneoPost Online | Borneo , Malaysia, Sarawak Daily News » Berita Iban - New 2 Borneo

Pengerami Hari Bung Bratak diketu dua taun tu

Posted: 24 Apr 2014 09:03 AM PDT

Pemutus ngetuka pengerami nya ba taun 2014 enggau 2015 ngambi meri awak palan nya dikemanah

KUCHING: Hari Bung Bra­tak ke diintu tiap 1 Mei nint­ing taun ba punjung bukit ti urung 1,000 kaki peninggi ari paras ai tasik disadang diketu ba dua taun tu.

Pemutus pengerami nya enda diintu ba taun 2014 enggau 2015 ketegal Palan Pesaka Bung Bratak nya deka dikemanah enda lama agi nengah agih belanja RM8 juta ari Opis Menteri Da­gang Temuai enggau Pesaka (Perintah Besai).

Chairman Serakup Pe­saka Bung Bratak Dato Peter Minos madah Opis Kereja Raya (JKR) Sarawak diberi tanggung pengawa bejalaika pengawa ngemanah palan nya.

Tembu pengawa ngemanah ba taun 2016, pengerami Hari Bung Bratak deka diintu dia baru.

Berindik ari nya, Serakup Pesaka Bung Bratak ke ngintu pemaik Bung Bratak meri jaku puji ngagai perintah lebih agi Opis Menteri Dagang Temuai enggau Pesaka,"ku iya.

Bejaku ngenang palan nya, Iya madah pengawa nge­manah ngelaika basa ngagai Bung Bratak ke udah nyadi tembawai lama 33 iti gentu­rung pendiau ngelingi Bau sereta Lundu ari raban bansa Jagoi-Bratak (Bidayuh).

Mandangka pemanah ukir, main enggau pendiau asal Bi­dayuh, iya madah palan nya ila deka ngembuan 2 buah rumah panjai, sebuah ulih endur 100 iku orang diau lalu sebuah agi endur orang begempuru ngadu licha, muzium mit enggau opis.

Palan nya mega deka disikap enggau sebuah 'baruk' ke be­sai, sebuah kantin enggau 2 buah bilik endur ngenatka diri. Dua bengkah ai terejun di Bung Bratak ti nyendiakka bekal ai beresi deka diang­kat nyadi palan pematak temuai.

Palan Pesaka Bung Bratak disadang ulih matak mayuh temuai baik nya ari dalam tauka luar datai ketegal ti ngembuan rampa menua ke chukup manah," ku iya.

Iya mega madah, nint­ing taun Hari Bung Bratak nerima timbal ke manah ari mensia mayuh ke bela keran nemu sejarah enggau pesaka ke dikembuan.

Sejarah Bung Bratak ditusui penulis bansa Belanda enggau British ba abad ke-19.

Ketegal nya, palan udah nyadi sebengkah pekara ti dikemegah bansa Bidayuh lebih agi raban Jagoi-Bratak, ke nyadi palan sejarah enggau pesaka ti unik sereta tau matak raban temuai kitu,"ku iya.

Print Friendly

Statistik 2014 ngayanka penurun

Posted: 24 Apr 2014 09:02 AM PDT

by Chris Bishop. Posted on April 25, 2014, Friday

Berindik ari penyakah ejensi tu, ba taun 2013 semina 45 kes aja dirikod

KUCHING: Statistik taun 2014 mandangka Komiti Na­gang Pengawa Makai Suap Malaysia (SPRM) Sarawak udah nangkap 22 iku orang nyentuk kemari.

Nitihka penerang ari Di­rektor SPRM Sarawak Dato Bahri Mohamad Zin, ari pen­yampau nya 15 iku ditangkap nengah Seksyen 17 (b) Akta SPRM 2009 iya nya penyalah meri tauka nerima suap.

"Kelimpah ari nya, dalam timpuh ke sama SPRM Sarawak udah muka 30 kere­tas pansik sereta nerima 126 bengkah ripot ari mensia mayuh ti datai nengah mayuh macham media rama nyeng­kaum telefon," ku iya.

Iya mansutka statistik tu maya bejadika Licha Ngang­katka Integriti ba Industri Berumah ke diatur SPRM nengah kerejasama CIDB Nengeri Sarawak ke alai jaku Bahri dibacha sapit iya Rusley Muhd Satar ti ngari ke iya.

Ngenang pemujur SPRM Sarawak ngurangka pen­yampau kes makai suap ba dua taun ke udah, Bahri madahka 118 iku orang udah ditangkap ba taun 2012 ke alai penyampau nya nurun ngagai 45 iku ba taun 2013, asil ari penyakah raban pengereja pengawa ejensi nya bejalaika pengawa.

Iya mega muji pemanah sereta guna licha sehari nya diatur lalu ngarap raban orang ke datai meri kerejasama ngagai SPRM lebih agi ba pengawa ngemunas penyalah meri tauka nerima suap.

"Tuju licha dikena nerang ngagai semua kitai, pengawa meri sereta nerima suap endang ditagang ba industri pengawa berumah.

"Industri tu tebal agi deka bekenaka belanja ti besai sereta besangkut paut eng­gau ejensi perintah enggau kunteriktor

"Ketegal nya, pengawa makai suap suah nyadi ngam­bika tau nyeliah diri napi pe­mar ke alai raban kunteriktor suah nyadi orang meri lalu pengereja pengawa perintah nyadi penerima suap," ku iya.

Tang bepelasarka undang-undang, kededua tetap salah, tandu iya.

Nitihka Seksyen 17 (b) Akta SPRM 2009, orang ti ditemu salah tau diukum jil enda ngelui 20 taun sereta dipinta mayar lima kali lipat ari penyampau suap tauka RM10,000.

Dulu ari nya, Direktor CIDB Nengeri Sarawak Mohd Merzan Hashim ba jaku pengelalu iya madah, Licha Ngangkatka Integriti ba Industri Pengawa Berumah dikearap ulih meri penau sereta pemereti senentang guna integriti maya bejalaika pengawa berumah.

Ku iya, licha deka nyikap raban kunteriktor enggau integriti ti tinggi ngambika ulih ngemujur tiap projek pemansang nengah kualiti ke tinggi.

Naka ke diatu, penyampau 1,935 kunteriktor di nengeri tu udah mujur nembuka kos tauka licha ke nyadi lalau enti deka nyambung lisin kunteriktor ba CIDB.

Empat keretas kereja dipe­jurai ba licha sehari nya ke diatur di Mini Auditorium, Komplek CIDB Jalai Samar­iang ditu lalu digulu urung 100 iku orang ti ngarika kunteriktor enggau ejensi perintah.

Semua empat keretas kereja iya nya Pelan Integriti Na­sional, Akta SPRM 2009 dan Akta Perlindungan Saksi dan Pemberi Maklumat, Kepentingan Integriti dalam Industri Pembinaan Negara & Kod Etika Kontrektor eng­gau Rasuah dalam Industri Pembinaan.

Print Friendly

Sagah deka bejadika pengawa beserumpu begulai enggau RT Sungai Barie malam tu lagi

Posted: 24 Apr 2014 09:02 AM PDT

SERIAN: Komiti Rukun Tetangga Genturung Pendiau Iban, Bintawa Sg Barie deka be­serumpu Makai Malam nyerum­ba atur pengawa Gelar Penyulut RT enggau Pelajar 2013, malam tu (25 April) di Dewan Wawasan Sg Barie ditu.

Mansutka penerang tu, chair­man Rukun Tetangga Sg Barie Edwin Jemat madah, tu keteru­bah pengawa ngemesai tu diatur kenyau RT tu ditumbuh ba taun 2010 suba bepun ari penyengala runding enggau penemu semua komiti.

Kelimpah ari ngelai pengulih sereta penyulut raban Jiran Muda enggau Wanita ti di baruh RT tu, juluk pengawa tu diatur ngambika ulih ngisi tabung belanja kena ngaga Bilik Operasyen, 'Sekim Rondaan Sukarela' (SRS).

"Raban nembiak kami rajin ngereja pengawa tang nadai bilik menyana endur sida bepalan. Diatu sida semina ngena Dewan nya aja lalu perengka ti dikena sida matau nadai endur menuku nyimpan," ku Edwin.

Nandu penemu nya, iya mega madah, peminta sereta pelin Bilik Operasyen nya udah dikenatai ngagai Kaban Kunsil Nengeri (ADUN) sitak Tarat ke mega Sapit Speaker Kunsil Nengeri Datuk Roland Sagah Wee Inn taun nyin suba.

"Kami arap, peminta nya ulih dikemerat sereta dikesiruka ADUN Tarat ke mega chair­man Kaunsil Sungai Sarawak maya bejadika atur pengawa nya malam tu.

Lebuh dikerandau, sapit chairman RT Sg Barie ke mega chairman pengatur pengawa Phillip Jabu madah, mayuh atur pengawa udah dirintai kena ngemenuh sereta ngemandakka malam.

"Kitai bisi mandangka main asal kelimpah tanda bansa baru 'poco-poco' ari raban komiti tu. Chabut tiket betuah mega bisi diatur kena ngulihka ham­per. Malam nya mega mensia mayuh deka diperindang seiku penyanyi Iban ti udah lama ngukir nama ba rintai pengawa pemerindang, Lucy M.

Ari nya, iya minta mensia mayuh sereta semua di diau bekelingi ba genturung nya, datai sampal nyukung seraya ngerami pengawa malam tu.

Bela bisi dikangau datai malam tu, Pemesai Opis Penyerakup Bansa enggau Integrasi Nasional (JPNIN) Samarahan, Suzana Busalam sereta raban opis nya.

Print Friendly

PTR, SDNU enggau SIDS ngatur pengerami Mantar Gawai, 24 Mei tu ila

Posted: 24 Apr 2014 09:02 AM PDT

BINTANGOR: Keteru­bah endar Serakup Tuai Rumah (PTR) Pampang Meradong begulai enggau Gerempung Bansa Dayak Sarawak (SDNU) Pampang Meradong sereta Sarakup Indu Dayak Sarawak (SIDS) Pampang Meradong ngatur Pengerami Mantar Gawai Dayak 2014, Tikas Mera­dong kena 24 Mei tu.

Pengari Komiti pengatur pengerami, Pengulu Augus­tine Pau madah, pengerami tu ila deka diatur ba Dewan Katolik Bintangor.

Ku iya, mayuh bengkah program deka diatur maya nya ila.

"Sekeda ari program kitai baka Pekit Kumang enggau mantaika main asal," pia ku iya madah ngagai pengarang berita, kemari.

Ku iya, pengerami nya deka dipenyadika Ketuai Sekretari Kepala Menteri Sarawak ke mega Kaban Kunsil Nengeri Semop, Abdullah Saidol.

Beserimbai enggau pengerami nya ku Augus­tine, komiti tu mega bisi nyuaka insentif peransang pelajar ngagai nembiak ke nyulut ba pemutus peresa UPSR, PMR, SPM enggau STPM.

"Tu keterubah endar tiga iti gerempung ba pampang Meradong ngatur pengerami baka tu.

"Kami arapka pengerami tu ila ulih diatur enggau mujur," pia ku iya seraya madah komiti bisi nyediaka 100 iti mija maya pengerami nya ila.

Print Friendly

Penembu blok automotif enggau fesyen KVK dikearap ngemayuhka nembiak belatih dia

Posted: 24 Apr 2014 09:01 AM PDT

KUCHING: Penyikap per­engkaguna ba blok Automotif enggau fesyen ke ditambah ba Kolej Vokasyenal Kuch­ing (KVK) Batu Lintang, dikearap ulih dikena ngelatih mayuh agi nembiak dalam kededua bidang nya.

Sapit Direktor (pereng­kaguna) Opis Kereja Raya (JKR) Philip Ng madah, iya arapka kolej nya ulih nyendia mayuh agi peluang ngagai bala nembiak ke deka belajar ba kededua bidang nya laban kededua blok baru nya udah tembu digaga.

Laban blok Automotif eng­gau Fesyen tu udah digaga besai agi, aku arapka sekula tu ulih nyendiaka mayuh agi peluang sereta ngelatih mayuh agi nembiak ke ngem­buan pengerindu ba kededua bidang tu," ku iya.

Kami berasai temegah ati laban Opis Menteri Pelajar (KPM) diatu benung ngema­nahka semua perengkaguna ba sekula vokasyenal di serata menua tu, kena nyapai juluk ati perintah ti deka ngelatih mayuh agi bala nembiak dalam bidang pengelandik nengah perengkaguna moden ti disediaka dalam woksyop sida," ku iya bejaku nga­rika Direktor JKR Zuraimi Sabki.

Iya bejaku munyi tu lebuh nyuaka projek ke baru udah tembu digaga, iya nya ngeme­saika agi woksyop kededua bidang (Automotif enggau fesyen) ba Kolej Vokasyenal Batu Lintang Kuching ditu, kemari.

Projek ngaga blok baru (Automotif enggau Fesyen (Seksyen A&B ) ke beungkus RM1.3 miliun ti tembu digaga dalam kandang semilan bu­lan, tumu ari timpuh ti udah ditetapka .

Sebedau nya, Direktor KVK Flora Imur Philips madah, pengawa ngaga work­syop Automotif enggau Fe­syen nya setipak enggau Polisi Pemansang Pelajar Malaysia (2013-2015) ti deka nyendiaka pengereja pengawa ti ngembuan pengelandik ngambi teisika makit pengawa puang ti begunaka penge­landik dalam bidang nya.

Ku iya, KPM diatu benung nyendiaka penyikap perengka­guna sereta pengelandik dalam sesebengkah bidang baka ti dikedeka dalam industri.

Nengah penyikap per­engkaguna ke moden nya, Aku arapka bala nembiak di kolej tu ngena peluang nya memanah, chakah nguli­hka pengelandik sereta mega ngintu woksyop tu enggau manah," ku iya.

Program ke bisi disediaka ba KVK Batu Lintang baka Teknologi Automotif eng­gau Program Fesyen sereta Ngaga Baju, Program Seni Kulinari, Teknologi Elektrik, Teknologi Elektronik, Pekara ke bekaul enggau Injin Indus­tri, Pengurusan Perniagaan enggau Perakaunan.

Naka ke diatu, penyam­pau nembiak ke ngambi kos Automotif bisi 97 iku (3 kali udah ngambi berengkah ari taun 2012-2014). Nembiak ti udah nembuka pelajar dalam kos ti dipelajarka sida deka nerima Diploma, sereta deka nampung pelajar ba palan pematih industri ke dipilih kolej nya.

Print Friendly

Program volenter KK1MFC mandangka penyiru

Posted: 24 Apr 2014 09:01 AM PDT

KUCHING: Program 'Kem­bara Kebajikan 1Malaysia Family Care' (KK1MFC) peluang endur raban vo­lenter bejalaika pengawa pengasih, pengintu penge­lantang enggau rama ngagai klien Opis Pengintu Penge­lantang Raban Bansa (JKM), nyengkaum di Sarawak.

Menteri Kerja Raya ti mega Kaban Parlimen Petra Jaya Datuk Fadillah Yusof madah, program nya dipasuk raban volenter ti bejalai serata Malaysia ke berengkah ba Parlimen Pagoh, Johor kena 5 April tu tadi.

Di Sarawak, program tu berengkah ari Parlimen Petra Jaya (kemari) lalu deka tembu di Parlimen Batang Lupar kena 29 April tu.

Iya madah, program tu meri runding ngagai rayat Malaysia ke nyaup tauka meri servis enggau nadai bebayar nga­gai raban ti begunaka bantu sekalika nengah bantu duit tauka rama.

"Program Kembara Keba­jikan 1Malaysia Family Care tu nerima sukung ke manah, urung 130 iku masuk konvoi kembara tu nyengkaum 30 iku volenter ari Semenanjung Malaysia.

"Dalam pejalai Kembara Kebajikan 1Malaysia Fam­ily Care tu, penyereta deka nemuai ngagai rumah klien JKM lalu bejalaika program 'Home Help Services'. Klien (JKM) iya nya orang tuai, Orang Nyelai Pendiau (OKU) enggau orang ti gegaring sakit raya.

"Entara atur pengawa ti dipejalaika raban volenter iya nya meresi rumah penerima bantu JKM, ngemanah tauka nyeruri baka ngechat rumah, ngaduka pintu tauka dinding ke jai sereta meri 'food basket' enggau barang pemeresi diri," ku Fadillah dalam teks jaku iya ti dibacha Kaban Kunsil Nengeri (ADUN) Semariang Sharifah Hasidah Sayeed Aman Ghazali.

Hasidah ngarika Fadillah bejadi pengerami ngelepaska raban konvoi Program Kem­bara Kebajikan 1Malaysia Care ti diatur JKM sereta Opis Menteri Pemansang Orang Indu, Ruang Bilik enggau Raban Bansa (KPWKM) ba Palan Pengintu Dalam Komuniti (PDK) Petra Jaya ditu, kemari.

Ba Parlimen Petra Jaya kemari, raban konvoi tauka raban volenter ti nyereta pro­gram tu udah bejalaika pro­gram 'Home Help Services' ba rumah dua iku orang tuai di Genturung Pendiau Gita.

Program nya dibantaika KPWKM maya Aum Majlis Sosial Negara Bil.1/2014 ti bechairmanka Sapit Menteri Besai Tan Sri Muhyiddin Yassin kena 6 Februari 2014.

Kelimpah ari nya, atur pengawa bukai ke bisi dia­tur nyerumba program tu baka pengawa pemansang ari mayuh macham ejensi, beperesa pengerai ari Opis Kaunsil Peranak Menua eng­gau Pemansang Ruang Bilik Menua (LPPKN) sereta Opis Pengerai, bansal nyual pemakai enggau ai, Satellite Office (servic mindah kin kitu) JKM, tiket benasit enggau ke bukai.

Kos PRISMA PIKOM I-CARE OKU mega dipejalaika nengah music theraphy nen­gah juluk ngerembaika servis kaunseling sereta psikologi ngagai raban bansa kelebih agi ngagai orang ti begunaka bantu nya.

Atur pejalai raban kon­voi program tu di Sarawak belabuh ari Parlimen Petra Jaya ba PDK Petra Jaya (24 April) lalu ditangkanka Par­limen Sadong Jaya ba tengah laman Masjid, Sadong Jaya (25 April); Parlimen Serian ba Genturung Pendiau Paon Sungai Rimo (26 April); Kun­sil Nengeri Tanjung Batu ba Genturung Pendiau Temaga, Kampung Bagap, Genturung Pendiau Sekambal Melayu (27 April) enggau Parlimen Ba­tang Lupar ba Dewan suarah Sri Aman (29 April).

Print Friendly