» »Unlabelled » Adenan nelap, mentas sereta enda bechiping: Lo BorneoPost Online | Borneo , Malaysia, Sarawak Daily News » Berita Iban - New 2 Borneo

05:13:00

Adenan nelap, mentas sereta enda bechiping: Lo BorneoPost Online | Borneo , Malaysia, Sarawak Daily News » Berita Iban - New 2 Borneo

Adenan nelap, mentas sereta enda bechiping: Lo

Posted: 02 Apr 2014 02:50 PM PDT

by Rengenyan Labang. Posted on April 3, 2014, Thursday

Disungkak penemu tebuka ti dikembuan iya, BN dikearap ulih matak mayuh agi sukung maya PRN tu ila

KUCHING: Penelap tauka pementas, adil sereta ngembuan penemu tebuka, sungkak penemu enda bechiping ti dikembuan Kepala Menteri dikearapka ulih matak pemayuh sukung ngagai Barisan Nasional (BN) maya Pengawa Bepilih Nengeri (PRN) ke deka datai.

Pekara nya dipadahka Chairman Kaunsil Kandang Bandar Padawan (MPP), Lo Khere Chiang lebuh dikerandau pengarang berita kemari.

Dulu ari nya Lo enggau 25 iku pengereja pengawa sereta raban kaunsilor MPP meri penemuai basa ngagai Kepala Menteri Tan Sri Datuk Amar Adenan Satem, ba opis di Wisma Bapa Malaysia ditu.

Berindik ari pementas, adil sereta penemu tebuka ti dikembuan Kepala Menteri, raban bansa China mega udah tentu deka pulai baru meri sukung ngagai BN ba pengawa bepilih ila, ku iya.

"Aku arap bendar raban bansa China deka pulai baru meri sukung ngagai perintah BN ba atur Pengawa Bepilih Nengeri ila laban Kepala Menteri kitai ngayanka pementas sereta penyiru, lalu nadai bechiping penemu.

"Nya alai dibaruh iring iya ti engkeman, aku arap bendar raban bansa China di Sarawak deka pulai baru nyukung BN ba pengawa bepilih nengeri ila," ku iya seraya madah, nya entara pekara ti disebut ngagai Kepala Menteri.

Lo madah ngagai pengarang berita, raban MPP nemuai basa seraya meri pengaga ati ngagai Adenan ti dichirika nyadi Kepala Menteri ti Kelima Sarawak.

Nambahka nya ku iya, ba penemuai basa nya kepala menteri dipadah tauka diterangka bekaul enggau pengawa enggau pekara ti dipejalaika MPP.

"Kami nadai berandauka pasal politik sereta polisi. Kami meri penerang ngagai kepala menteri pasal nama pekara ti dikereja sereta sistem endur pendiau ti dikemeranka.

"Nyerumba tu mega aku bisi nyebut kami temegah ati ngagai iya (Adenan) ketegal dichirika nyadi Kepala Menteri," ku iya.

Lebuh ditanya sekalika pemuang penuduk sapit chairman MPP deka diisi, Lo madah, pekara nya nadai disebut.

"Baka ke dipadahka aku, kami semina meri penemuai basa ngagai Kepala Menteri, lalu pasal penuduk sapit chairman nadai kena sebut.

"Aku arap bendar bala ketuai nemu bagi sapa pemadu patut mangku penuduk sapit chiarman nya," ku iya.

Kelimpah ari nya iya madah, MPP temegah ati sereta rindu meda chara Adenan (Kepala Menteri) ngiring menua.

Baka ti diripot dalam surat kabar, Kepala Menteri madah, orang ti ngembuan ulah ekstrim dalam jalai pengarap tauka bansa enda diterima ke nengeri tu.

"Kami amat temegah ati ngagai nya lalu pia mega orang bukai pelaba aku," ku iya sekali agi madahka rindu meda chara kepala menteri ngiring menua.

Nyempulang Lo meri penemuai basa ngagai Kepala Menteri Tan Sri Adenan Satem iya nya Sekretari MPP Michael Sawing enggau ke bukai.

Print Friendly

‘Go Rural Southern Region’ deka diatur kena 25 April tu

Posted: 02 Apr 2014 02:48 PM PDT

KUCHING: Speaker kontroversi 'Superman' Dr Hew Kuan Yaw deka nyadi temuai dipebasa ba sebengkah pengerami makai lemai komiti DAP Sarawak 'Go Rural Southern Region' kena  25 April tu.

Pengerami nya deka diatur ba pasar Siburan, ke alai Hew enggau chairman DAP Sarawak Chong Chieng Jen deka bejaku ba pekara ke nyadi dalam politik Malaysia diatu.

Makai lemai nya berambaika leka jaku 'Impian Sarawak, Ubah Malaysia', mega deka mantai mandal chairman DAP Sarawak Leon Jimat Donald ke mega chairman komiti 'Go Rural Southern Region', enggau chairman DAP pampang Serian Edward Andrew Luak.

Mega diadang deka meri jaku raban politik ke mengkang biak Mordi Bimol enggau Abdul Aziz Isa, sereta pengatur pengerami Chang Hon Hiung.

Tikit dijual nengah rega RM35, RM50 enggau RM100. Penerang ke silik bekaul enggau pengerami nya tauka bebelika tikit tau betanya ari Chong ba lumur 017-2288221, Chang (016-8898819), Leon (017-8557107), Mordi (016-8947974), Edward (013-8494960), Aziz (019-8949087), tauka Stephen (013-8088228).

Print Friendly
We encourage commenting on our stories to give readers a chance to express their opinions; please refrain from vulgar language, insidious, seditious or slanderous remarks. While the comments here reflect the views of the readers, they are not necessarily that of Borneo Post Online. Borneo Post Online reserves the right not to publish or to remove comments that are offensive or volatile. Please read the Commenting Rules.

Komuniti patut mantu perintah matau kampung enggau jelu ari dikeruga

Posted: 02 Apr 2014 02:48 PM PDT

KUCHING: Komuniti ke diau di kampung ngembuan pengawa ke berat nyadi mata enggau pending Opis Kampung dikena beratika sebarang pengawa salah ke nyadi ba rampa menua tu.

Direktor Opis Kampung Menua Sapuan Ahmad madah, kediatu mayuh tuai-tuai pupu bansa bisi disengkaum enggau pengawa tu ba baruh program renjer jelu babas.

"Datai kediatu, lebih 2,000 Renjer Jelu Babas udah dipadu mantu kitai bejalaika atur nagang pengawa bejualka dagin jelu siga," ku iya.

Iya madah baka nya lebuh bejaku ba atur pengawa 'Bengkel Pemantapan Kapasiti Mengenai Inisiatif Pemantauan Hutan di Sarawak' ti diatur TI-M Forest Governance Integrity (FGI) Project ditu, ensana.

Iya madah, penagwa neritka adat begulai enggau ijinsi mega beguna amat dikena nagang sebarang pengawa salah ba kampung laban nya ke nyadi reta tengkira menua tu.

Ba atur pengawa nya mega, Presiden TI-M Datuk Akhbar Satar madah, sukung komuniti begulai enggau Opis Kampung beguna amat kena beratika sebarang pengawa ke enda manah nyadi ba kampung ke nyadi reta pesaka ngagai nembiak jemah ila.

"Penemu pasal peluang ke manah ba kampung kitai sereta penguntung iya ngagai mensia berat amat kena beratika komuniti mega ulih sama-sama mantu nyaga rampa menua ke nyadi pemisi kitai," ku iya.

Print Friendly

Taman Rekreasi Bintangor jarang ditapat ketegal perengka guna mayuh jai

Posted: 02 Apr 2014 02:48 PM PDT

by Judan Bungap. Posted on April 3, 2014, Thursday

BINTANGOR: Agi dulu suba, Taman Rekreasi Bintangor richah alai mensia mayuh bebai diri sebilik ngelantangka ati kelebih agi maya lemai hari tauka ujung minggu.

Keba palan tu nyadika seiti ari kelai rayat Bintangor temegah ati laban bisi palan ti manah alai ngelantangka ati baka di menua ke bukai.

Kelimpah ari nya, bisi mega temuai ari menua bukai endang sangkai dulu ba palan tu sebedau nandu pejalai ngalu ke Pasar Bintangor.

Tang diatu semua nya bisi berubah, palan tu nyau jarang ditapat mensia mayuh bepun ari perengka guna ti disediaka dia udah mayuh jai kelimpah baka ke enda tentu dikeibuhka agi.

"Suba sebedau datai ba Pasar Bintangor jarang bendar nadai mensia mayuh dipeda bekedayau bejalai enggau diri sebilik ngelantangka ati ba palan tu.

"Tang diatu ukai nyebut nadai tang sida ke datai kia nyau ulih diitung," ku seiku peranak Bintangor empu ti semina deka dikelala enggau nama Inting.

Ku iya, mayuh ari kereban bemain anak mit ti disediaka ba palan nya udah enda likun dikena agi.

Nambahka nya ku Inting, rampa sebelah palan tu mega kamah sereta enda nyamai dipeda.

"Kelimpah ari ke mayuh uras, sekeda seruyuk alai beteduh nyau mayuh diukir tauka ditulis enggau jaku ti enda menuku.

"Ba aku pekara tu tau nejuka mensia mayuh lebih agi baka temuai ari menua luar enda rindu agi nemuai ngagai palan tu," ku iya.

Semua pekara tu ku Inting enda ulih nyalahka piak seiti aja tang tu mega bepanggai bendar ari orang ti nemuai ngagai palan nya empu.

Ambika banding ku iya, baka sida ti ngasaika tanggungpengawa ngintu pemeresi ba palan nya bepanggai ba orang bukai.

"Pia mega baka kereban ke bukai. Bisi nya endang sengaja kasar ngena kereban baka kereban ti dikena nembiak bemain.

"Ukai semina nya aja lampu ba sebelah palan tu mega nyau nadai agi laban mayuh dipechah orang ke enda mereti," pia ku iya madah.

Taja pan baka nya, Inting ngarapka piak ti bekaul anang laun mutarka pekara tu laban palan tu ukai pulaika pemaik ngagai peranak Bintangor aja tang mega kelai ngagai Pasar Bintangor nyadi sebengkah menua ke ngembuan rampa menua ti manah alai temuai ari menua luar nemuai.

Print Friendly

PNK Bruit teulihka untung RM780,000

Posted: 02 Apr 2014 02:46 PM PDT

SIBU: Gerempung Orang Berikan (PNK) Bruit bulih untung RM780,000 ba rikud wang ujung taun 2013.

Chairman PNK Bruit, Ismaily Johari mantaika pekara nya maya aum besai ninting taun (AGM) gerempung nya empai lama tu tadi.

"Penyampau tu bisi niki RM79,000 enti dibanding enggau penyampau untung sebedau tu iya nya RM701,000," ku iya.

Aum nya dipenyadika Pemacha Bujang Razali ari Kampung Bruit ti ngarika Ketuai Sekretari Politik Kepala Menteri ti mega ADUN Semop, Abdullah Saidol.

Aum tu mega digulu urung 700 iku kaban gerempung.

Nitihka dipadah Ismaily, untung nya bepun ari asil berikan enggau pengawa ti bekaul projek enggau kontrak ti dipejalaika PNK Bruit.

"Laban endang jauh ba menua pesisir, bala raban PNK Bruit napi macham bengkah penanggul maya deka nyual asil berikan enggau rega ti manah agi," ku tandu iya.

Tang taja pan baka nya, nengah bantu Opis Pemansang Pengawa Berikan Malaysia (LKIM), sida ulih nyual asil berikan enggau manah agi lalu nyungkakka agi penatai pemisi.

"PNK Bruit meri besai terima kasih ngagai perintah enggau LKM laban udah meri kami projek jelatung ti beperabung enggau ungkus RM700,000," ku iya madahka baru.

Print Friendly

Anang idup baka katak ba baruh kerubung nyiur

Posted: 02 Apr 2014 02:45 PM PDT

Rayat patut begulai sejalai enggau pangan diri ngambi ngasaika pengelantang pengidup enggau mayuh bansa

KANOWIT: Kaban Parlimen Kanowit Datuk Aaron Ago Dagang ngelalau rayat menua tu ngambika enda idup baka katak ba baruh kerubung nyiur.

Ku iya, rayat patut begulai sejalai enggau pangan diri ngasaika pengelantang pengidup enggau mayuh bansa.

"Anang semina nemu begulai tauka bebakih.

"Tang kita patut begulai enggau mayuh bansa bukai ngambika tikas pengelantang ke diasaika kitai diatu mandangka pengelikun menua ke diuan mayuh pupu bansa.

"Taja pan Malaysia mayuh diuan pupu bansa tang kitai agi idup lantang enggau senang.

"Pekara nya patut dikemerat sereta dikemeranka kitai belama. Penyerakup ulih mai mayuh penguntung enda milih bansa enggau pengarap," ku iya bejaku ba pengerami nyambut penumbuh Tokong Fong Chin Kong ke-31 taun ba  Pedai ditu, apin lama tu.

Sama bisi datai Kaban Kunsil Nengeri (ADUN) Ngemah Alexander Vincent, Chairman Tokong Fong Chin Kong Liong Wen Khiong, Pemesai Opis Pemadah Pelilih Kanowit Wan Mohd Zuki Wan Ismail sereta temuai ke bukai.

Tandu Aaron, semengat penyerakup enda taun enda disungkak ngambika tikas pengelikun semampai ditanka belama di menua tu.

Ku iya, enti sema penyerakup enda ditanka nya tau bendar mai penyarut baka ngaga pengawa begempuru bebala mayuh ba jalai, berekak enggau beperang.

"Enti utai tu nyadi, kitai deka lenyau pengelikun enggau pengelantang ke udah lama diasaika kitai ngelamatu," ku iya.

Ba pengerami nya mega, iya muji penyerakup ba raban bansa di menua tu semampai dikemerat belama.

"Bebasa meh ke pengarap orang bukai, enti ulih anang mangkit isu sensitif ngambika kitai semampai ngasaika pengelantang enggau pengelikun," ku iya.

Berebak enggau nya, Alexander ngerahka agih belanja projek mit menua pesisir (MRP) sepenyampau RM5,000 ngagai komiti tokong nya bejalaika aktiviti sida.

Print Friendly