» »Unlabelled » Mitsubishi Motors ngelakuka Triton VGT GS

22:56:00

Mitsubishi Motors ngelakuka Triton VGT GS

Mitsubishi Motors ngelakuka Triton VGT GS

Posted: 05 Apr 2014 09:08 PM PDT

BINTULU:    Mitsubishi Motors Malaysia Sdn. Bhd. neruska siri penjalai ngelakuka kerita 'pick-up truck' pemadu baru sida, Triton VGT GS ngagai mensia mayuh ba Bagi Menua tu belabuh ari 4 ngagai 6 April tu betempat di tapak Padang Bilun Lama Bintulu ditu.  

Dilancharka pun bulan Mac lalu, kerita Triton VGT GS  dipasang enggau injin diesel 2.5 liter bekuasa sereta ekonomikal nguna teknologi Variable Geometry Turbo (VGT) ke meri kerita nya sebuah 'truck pick-up' ke pemadu bekuasa dalam kelas nya ba pasar di menua tu diatu.

Model ke udah nerima beberapa anugerah di Malaysia tu ngeluarka kuasa kuda enggau 'torque' maksimum setinggi 178PS enggau 350Nm lalu ukai semina ngembuan kuasa injin ke tinggi bebanding enggau kerita keluar dalam kelas nya sebedau tu, tang ngembuan kuasa 'torque' injin  sampai 350Nm tesedia lebuh putar injin pengabis baruh 1,800 rpm sampai ngelui 3,500 rpm.

Tu meri kuasa mechut lebih tinggi sereta ningkatka tikas ngemudika kerita lebih bejimat minyak ke luar biasa. Enggau injin VGT sereta gear tambah, tikas nguna minyak ke chukup impresif dirikod  sampai 14.4 km/l lebuh dikemudika enggau pengelaju 90 km/j, ke diatu nyau deka sama enggau varian 2.5l AT,14.5 km/l.

Triton VGT GS dijual ngagi pengguna dalam tiga pilih chura iya nya Mirah Solid, Putih Mutiara enggau Black Mica  enggau rega atas jalai RM109,180.20 di Sarawak lalu RM109,089.00 di Sabah  lalu dijamin selama tiga taun.

Triton VGT mega ngelalkuka kerita nya ngagai semua pengguna chara luas ke nyengkaum semua varian Triton ke bisi dipasar diatu baka Triton 2.5 liter 4WD, sereta transmisi automatik enggau manual, Triton Standard 2.5 liter 4WD sereta manual enggau Triton Lite 2.5 liter 4.2 manual.

Kelimpah ari Triton VGT, Mitsubishi Motors Malaysia Sdn. Bhd. mega ngelakuka kerita Pajero Sport VGT dalam variasi baru ke udah menang anugerah tujuh tempat duduk SUV ke terubah dijual ngagai pengguna di Malaysia dalam taun 2009.   

Kerita tu mega dibekal enggau injin VGT, lalu prestasi Pajero Sport diatu udah chukup dipechaya pengguna ke alai kuasa injin enggau 'torque' 178 PS enggau 350 Nm, udah nyadi idam pengguna ke rinduka kerita bansa nya. Pajero Sport VGT disediaka dalam empat pilih chura, Black Mica, Silver Cool, White Pearl enggau Kuarza Brown Metallic. Lalu  Pajero Sport VGT ke diimport penuh deka dijual enggau rega atas  jalai  RM173,576.50  di Sarawak lalu  RM173,485.90 di Sabah  enda nyengkaum insurans. Kedua-dua kebansa kerita nya udah diberi puji ari media enggau pengguna nyadi kerita diri sebilik ke chukup manah, luas  sereta tan lama. Pajero Sport VGT mega udah nerima perais lumur satu dalam kategori SUV Premium Auto Asia / Am Bank Kecekapan Bahan Api Anugerah 2012 dalam bulan Januari tu.

Ukai semina nya aja, kelimpah ari ke nyendiaka kerita uji-deriba Triton enggau Pajero Sport VGT, rayat menua tu mega ulih ngambi bagi dalam achara bemain sereta enggau Triton VGT Power Up and Win Challenge  ke nyendiaka perais wang tunai sereta barang eksklusif Mitsubishi ngagai pemenang.

Datai meh bebala mayuh lalu ngasaika pemanah kerita dua bansa nya sereta ngambi bagi dalam aktiviti ke disediaka.

Pekit main bol berebutka Mangkuk Tan Sri Alfred Jabu Numpang ke-16

Posted: 05 Apr 2014 09:08 PM PDT

500 Internal Server Error

The server encountered an internal error or misconfiguration and was unable to complete your request.

Please contact the server administrator, webmaster@utusansarawakonline.smartweb.com.my and inform them of the time the error occurred, and anything you might have done that may have caused the error.

More information about this error may be available in the server error log.

Additionally, a 500 Internal Server Error error was encountered while trying to use an ErrorDocument to handle the request.

Mayuh diri menyadi belaya ketegal berebutka tanah NCR

Posted: 05 Apr 2014 09:01 PM PDT

SERIAN : Kelalu mayuh kes belaya nyadi entara diri menyadi ketegal berebutka tanah temuda asal bumiputera (NCR) Bidayuh dirikotka ba Kot Bumiputera diatu lalu empai ulih diputar.

Nya alai, Menteri Peman-sang Infrastruktur enggau Penyambung, Dato Sri Micheal Manyin Jawong madah, entara chara dikena mutarka pekara nya ngaga surat pala tanah NCR ungkup raban bansa Bidayuh.

"Atur ngaga surat pala tanah NCR tu sebaka enggau pengawa nyukat tanah ke digaga Opis Tanah enggau Survei (JTS), taja baka nya laban nadai agensi bekuasa kelimpah ari JTS ngaga pengawa nyukat nya, kami diajar Direktor JTS ngena leka jaku ngaga surat tanah," ku iya.

Iya madah munyi nya lebuh dirandau pemberita pengudah ngulu Pengerami Nyuaka Pom Surat Pala Tanah Temuda Asal Bumiputera-NCR Gerempung Bansa Bidayuh (DBNA), Fasa II, Pelilih Menua Serian ba Dewan Masyarakat Serian, kemari. 

Manyin madah taja pan atur ngaga surat pala tanah nya sebaka enggau pengawa nyukat tanah NCR ari JTS laban penerang dalam surat nya deka disua ngagai JTS.

"Nyema bisi orang nguji ngaga utai ngena chara ngemansutka tanah NCR nya ari rintai, pengawa nya endang nadai mai asil nama-nama.

"Kebuah pia, laban tanah NCR nya agi ulih digiga nengah kar laban semua udah dipasuk dalam surat tanah nya," ku iya.

Penyanding penemu DBNA nya madah, nengah penerang surat nya, laya berebutka tanah NCR ba diri menyadi tauka kaban belayan ulih diputar.

"Nyema bisi orang deka ngambu tanah nya dipenggi iya, iya nadai bukti laban nadai surat palan tanah ari JTS taja pan iya nyebut tanah nya pesaka asal aki ini, orang tetap enda arap.

"Tang enti tanah nya udah bisi surat pala tanah, orang sigi arap seratus peratus laban bukti chukup terang," ku iya.

Nangkan ke nya, iya madah tanah NCR ke udah disukat nya enda ulih diberi chukai tanah semadi meh iya dijual ngagai orang bukai, orang ke meli nya deka berengkah mayar chukai tanah. Manyin madah, suba nadai penanggul ba sentang pekara berebutka tanah ba diri sebili laban tanah mayuh tambah mega penyampau rayat enda mayuh enggau rega tanah agi kurang laban ke jauh ari jalai besai.

Tang diatu, ku iya rega tanah nyau niki laban ke semak enggau jalai besai lalu pekara nya ngujungka diri menyadi belaya ketegal berebutka tanah ke semak enggau jalai raya.

Berebak enggau pengerami nya, Manyin bisi nyuaka 35 setipikit enggau pom surat pala tanah NCR Fasa Dua ngagai 35 kampung ba sitak Pelilih Menua Serian.

Sama bisi datai Chairman Komiti Pengatur Surat Pala Tanah NCR Serian, Charlie Ungang enggau Chairman DBNA Serian ti mega nyadi Pemesai Pelilih Menua  Serian, Sinde Muling.

Pemansang ulih ngemunaska utai idup enggau utai tumbuh

Posted: 05 Apr 2014 08:58 PM PDT

Pemansang ulih ngemunaska utai idup enggau utai tumbuh

Oleh : NewsDesk

Tarikh Disiarkan : 06-Apr-2014


KUCHING : Arus pemansang ke majak dipejalai tau ngemunaska utai idup enggau utai tumbuh, ku Menteri Perambu Sumber enggau Rampa Menua Kedua, Datuk Amar Haji Awang Tengah Ali Hasan. Iya madah, dikena nyemelaka nya, atur ke meruan patut digaga ngambika utai tumbuh ulih dijaga enggau meruan.

"Utai idup enggau utai tumbuh, endang reta pesaka ke pemadu beguna lalu patut dijaga laban genap utai idup nya ngembuan mayuh pemanah.

"Nyema pengawa ngelindung iya nadai dikemerat, utai tumbuh tu tentu deka punas. Entara kebuah bukai ke ulih ngasuh utai nya jampat punas baka gaya hari, pengamah rampa menua, enggau pengawa laban ulah mensia," ku iya.

Iya ti mega nyadi Menteri Rengka Rama enggau Menteri Pemansang Industri madah munyi nya rambau bejadi Pengerami Hari World Wildlife Day Renggat Negeri Sarawak 2014, ba Palan Nupi Jelu Siga Semengoh, ditu kemari.

Nya alai, iya madahka diri pechaya enti bisi sukung ari semua orang nyengkaum ari agensi swasta enggau perintah nyadi pengawa nyaga jelu siga ulih dijapai.

"Setipak enggau rambai jaku pengerami Hari World Wildlife Day  iya nya 'Combating The Wildlife Crime - Involving Stakeholder' dikena nyaga jelu siga enggau nagang pengawa munuh jelu siga ke majak nyadi.

"Sukung ari mensia mayuh mega nyadi kunchi pemujur ngagai pengerami tu, laban sida orang ke pemadu semak enggau babas dalam pengidup ninting hari," ku iya.

Berebak enggau nya, iya ngemataka pengawa Nyain Sempekat Pemereti Ati (MoU) entara Opis Kampung Sarawak enggau Universiti Malaysia Sarawak (UNIMAS) dikena bejalaika pengawa pansik pasal biodiversiti. Sama bisi datai iya nya Seketeri Tetap Opis Menteri Perambu Sumber enggau Rampa Menua Sarawak, Datu Haji Sudorsono Osman, Direktor Kampung Sarawak, Sapuan Ahmad, Penulung Cnanselor UNIMAS, Dato' Dr Mohd. Kadim Suhaidi enggau Kepala Jaga Palan Nupi Jelu Siga,  Oswald Braken Tisen.

comments powered by

Rayat dilalau anang kelalu ekstrem dalam politik

Posted: 05 Apr 2014 08:56 PM PDT

Rayat dilalau anang kelalu ekstrem dalam politik

Oleh : NewsDesk

Tarikh Disiarkan : 06-Apr-2014


LUNDU : Rayat ba negeri tu dilalau ngambika enda nitihka gaya politik kelalu ekstrem laban nya tau ngenataika penanggul ngagai sida.

Kepala Menteri Tan Sri Datuk  Amar Haji Adenan Haji Satem madah, gaya politik ti tebuka enggau numbas iya manah agi ba negeri tu laban negeri tu diuan mayuh pupu raban bansa.

Iya madah, ulah ke sama bebasa ke bala ketuai enggau rayat ulih ngetanka pengelantang menua. "kami patut bekunsi kuasa kelebih agi ba raban ketuai laban kitai seruran begulai merintah enggau nyaga pengelantang negeri tu," ku iya.

Iya madah munyi nya rambau Pengerami Tuai Begulai Enggau Rayat ba Dewan Masyarakat ditu pagi kemari. Ku Adenan, seagi ketuai bepanggai ngagai prinsip bekunsi kuasa, negeri tu deka mengkang lantang sereta likun.

Taja pia, iya madah bisi sekeda raban bansa enggai nitihka perintah laban nyangka sida tu enggai bekunsi kuasa. Adenan mega berasai enseriban enggau penemu raban bansa China ke lebih rindu milih penyakal ari ketuai megai perintah.

Iya madah, semina dua iku ketuai raban bansa China nyadi pengari perintah dalam kabinet negeri.

Utai ke bansa nya, meri iya berasai enseriban lalu pekara nya patut diputar enggau lengkas ngambika mayuh agi pengari ari bala China dalam  kabinet.

Taja baka nya, iya muju penemu ke dipandangka rayat ba negeri tu laban enda kala ngenataika penanggul dalam politik negeri.

"Taja pan bebida bansa, adat enggau jalai pengarao tang rayat Sarawak enda kala belaya bekaul enggau isu pengarap, bansa enggau utai bukai," ku iya.

Nya alai, iya madah rayat Sarawak patut besaup ngetanka pengelikun enggau pengelantang negeri tu.

comments powered by

Sukarelawan bersih kubur sempena amal

Posted: 05 Apr 2014 08:56 PM PDT

Sukarelawan bersih kubur sempena amal

Oleh : NewsDesk

Tarikh Disiarkan : 06-Apr-2014


SARIKEI, Sabtu – Seramai 20 peserta yang mewakili pelbagai persatuan dan jabatan di daerah ini tampil menjadi sukarelawan membersih kubur sempena Program Amal, di Tanah Perkuburan Guang Fu, di sini, semalam.

Program dianjurkan bersama Polis Diraja Malaysia (PDRM) dan Majlis Daerah Sarikei (MDS).

Penyelaras program, Wong Pi Ling, berkata, aktiviti itu bertujuan mewujudkan satu komuniti yang mempunyai hubungan erat dengan masyarakat setempat selain memupuk semangat kerjasama dan toleransi antara satu sama lain.

"Program gotong-royong ini juga dapat memupuk semangat kerjasama yang menjadi tanggungjawab kita untuk menjaganya," katanya.

Menurutnya, amalan bergotong-royong yang sekian lama dilakukan masyarakat desa perlu disegarkan supaya kekal menjadi salah satu cara untuk mengeratkan hubungan antara masyarakat.

Katanya, amalan tersebut terbukti berjaya mempercepat kerja pembangunan kecil di samping menjimatkan belanja.

"Selain tanah perkuburan, kami juga juga menganjurkan program lain seperti membersih kawasan kediaman dan sebagainya," katanya.

Dalam pada itu, beliau berharap aktiviti berkenaan akan terus mendapat sokongan pelbagai pihak.

comments powered by