» »Unlabelled » Mong meransang pekebun ngemesaika dandang ngambika muntang dikomersil BorneoPost Online | Borneo , Malaysia, Sarawak Daily News » Berita Iban - New 2 Borneo

05:07:00

Mong meransang pekebun ngemesaika dandang ngambika muntang dikomersil BorneoPost Online | Borneo , Malaysia, Sarawak Daily News » Berita Iban - New 2 Borneo

Mong meransang pekebun ngemesaika dandang ngambika muntang dikomersil

Posted: 12 Aug 2014 09:09 AM PDT

KUCHING: Tebal ari pekebun kitai di menua tu agi bekebun chara mit tang diatu, kompeni peribit sereta orang dagang udah berani ngereja pengawa bekebun tu dalam skala besai ke ulih dikomersilka sida.

Menteri Muda Betanam Betupi (Pemansang enggau Dagang) Datuk Mong Dagang madah, orang ke ngereja pengawa tu sereta pekebun mit suah betapi enggau penanggul deka nyual asil ke ditanam sida, laban kurang penemu, kelimpah ari kapasiti nadai pengangkut sereta penanggul bukai.

"Tu enda sebaka enggau kompeni besai ke bisi modal ke besai agi ngena teknologi baru sereta ulih ngemenuhka peminta sereta peneka penguna enggau makit.

"Taja pia, enggau kerejasama dalam pemansang pengulih sereta diberi penemu ke betul, orang ke bekebun sereta pekebun mit ulih sama enggau dalam pengawa dagang menua tu empu," ku Mong.

Iya madah munyi tu lebuh bejaku bejadika seminar 'Crop Produce Chain and Round-Table Meeting' ti sama bisi digulu urung 200 pekebun, alai bisi sekeda nya datai ari rumah panjai enggau genturung pendiau bukai.

Iya madah Opis Betanam Betupi (JPS) seruran meransang sida ke bekebun tu bulih nama sereta kelai baka SALM tauka MyGAP ke deka nyadi penguntung sida iya dalam penemu, ngambika lebuh sida iya ngambi orang gawa, semina sida ke bisi pengelandik dalam Gaya Betanam betupi ke manah aja ulih gawa ba kebun sida iya.

"Pengelandik tu sigi disadang kena beratika bekal nya likun sereta bekualiti ke deka dibeli tauka dipakai penguna.

"Kena beratika tapi tu, endang berat ngangkatka kapasiti orang ke bekebun sereta orang dagang ngambika sida iya teleba ngena pakej teknologi pengeluar," ku iya.

Ba pengawa mutar sereta nyual asil nya, sida ke bekebun mit agi mengkang enda nitihka atur ngaga gred, mungkus, ngena pengangkut ke bisi injin penyelap sereta bisi endur sementara alai nyimpan asil ngambika kualiti asil nya enda rusak.

"Pekebun mit kitai agi nyual asil sida nengah 'orang tengah' tauka ba pasar basah aja lalu sekeda ke udah maju mimit nyual asil nya ngagai pasar raya.

"Iya ke nyual ngagai pasar raya nya ngaga konterik ba bekal kuantiti, kualiti, maya sereta rega ke disetuju ulih kededua piak," ku iya.

Kelimpah ari nya, ku iya, bala pekebun mit kitai enda nemu pasal pemadah makit tekala nya bekaulenggau asil ke dijual sida nya nitihka gaya bekal enggau peminta tauka enda.

"Pekebun ke kurang penemu pasal makit, enda nemu ni naka penyampau ke patut ditanam, dijual. Kadang-kadang, laban enda betatika bekal enggau peminta, asil ke dijual sida iya kelalu mayuh, lalu maya dijual pan, ba rega ke kelalu mimit ke ngujungka pengerugi ba sida iya," ku iya.

Taja pia, ba sepiak sida pasar raya, sekeda sigi bisi udah madah deka nyual asil ari menua tu empu tang sida iya enda nemu sapa pemekal tauka orang ke bekebun nya ke ulih nganjung bekal ngagai sida iya.

"Nya alai kekadang asil enggau pemisi nya bisi enda senutuk entara pasaraya enggau pekebun.

"Nya alai, palan tu manah alai kita betemu, berunding sereta ngiga peluang dagang ke sama bulih penguntung ngambika mayuh agi utai ke ditanam kita sereta produk menua tu ulih dibekal ngagai penguna enggau industri lebih agi di Sarawak," ku iya.

Print Friendly

IPK deka numbuhka sebuah Taska ungkup anak polis

Posted: 12 Aug 2014 09:09 AM PDT

KUCHING: Indu Opis Polis Kontigen (IPK) Sarawak deka numbuhka sebuah Taska ngambika bisi endur pengereja pengawa sereta balai polis ke semak nganjung anak sida.

Nitih penerang ari Sapit Ketuai Polis Sarawak Datuk Dr Chai Khin Chung, sebuah bangunan ke endang udah bisi deka dikemanahka baru awakka ulih endur anak ti beumur ari setaun ngagai lima taun.

"Naka ke diatu kami dalam proses ngiga ungkup belanja. Pengawa ngemanahka bangunan nya dipelabaka deka dipejalaika enda lama agi sereta dikearapka taska nya ulih dikena pun taun baru.

"Taska tu dipelabaka ulih tetapika peminta guna anak pengereja pengawa IPK Sarawak. Enti pengereja pengawa ari balai polis ke semak deka nganjung anak ke taska tu, kami deka nerima," ku iya ba aum pengarang berita di Pusat Media IPK Sarawak di Jalan Badruddin ditu, kemari.

Chai nerangka, semua pengereja pengawa IPK Sarawak ti ruang bilik teulihka penatai pemisi kurang ari RM5,000 ulih ngasaika penguntung penumbuh palan Taska nya.

Ku iya, sida mega ulih nerima bantu RM150 iya ke lalu terus dibayar perintah ngagai pengemeran Taska.

"Polis Sarawak amat ngemeratka pengelantang pengereja pengawa ulih raban enggau perintah.

"Lalu nengah servis ti baka tu, kami ngarapka kualiti servis enggau produktiviti pengereja pengawa deka majak manah agi," ku iya.

Dulu ari nya Chai nyuaka pemeri ari Tabung Kebajikan IPK Sarawak ngagai seiku raban polis, Syed Haidil Syed Ahmad, 32, ti nadai agi endur diau pengudah penusah angus nuntung Kampung Rampangi Fasa 1, Jalan Sultan Tengah ditu.

Syed Haidil madahka diri temegah ati laban penusah ke diasaika sida sebilik dikemeratka piak polis.

"Terima kasih ngagai pemeri tu, tu ulih ngelempungka pemerat ke diasaika kami sebilik," ku iya ke bisi tiga iku anak, beumur entara 2 ngagai 11 taun.

Bejaku baru iya madahka beberapa gerempung ukai dikuasa perintah (OKU) bisi meri pemeri ngagai sida sebilik kelimpah ari Sapit Menteri Dalam Negeri Datuk Dr Wan Junaidi Tuanku Jaafar.

Ku iya, diatu sida deka meresi palan rumah sida ti udah angus sebedau ngaga rumah baru, ti dipelabaka nitihka konsep Rumah Mesra Rakyat (RMR).

Print Friendly

JBPM Sarawak mujur nyeliahka penyampau RM263.9 juta pengerugi reta tengkira retung

Posted: 12 Aug 2014 09:09 AM PDT

KUCHING: Opis Pengerara Api (Bomba) enggau Penyah Penusah Malaysia (JBPM) Sarawak mujur nyelamatka reta tengkira ke dipelaba manggai urung RM263.9 juta ari timpuh Januari ngagai Julai taun tu.

Direltor opis nya, Nor Hisham Mohamad (gambar) madah penyampau nya dirikod ari 2,101 kes ke mungkur mayuh macham bansa reta tengkira ke angus baka rumah, kerita, injin, perengka guna, petrol, gis, kapal tasik, kebun, kampung, babas, rumah kedai sereta reta tengkira bukai.

Kelimpah ari nya, penyampau pengerugi ke dirikod dalam timpuh nya manggai RM66 juta, ku iya.

"Sepemanjai timpuh tujuh bulan taun tu, penyampau pengerugi reta tengkira ke ulih diselamatka manggai RM263, 898,831.42 enggau pengerudi manggai RM65,822,928.69.

"Taja pia, kes angus ke nyadi diperatika ke mungkur rumah enti dibanding enggau timpuh ke sebaka taun nyin tadi, bisi dalam 243 kes dalam taun 2013 enggau kes taun tu (naka kediatu) dalam 246 kes," ku iya madah lebuh dirandau kemari.

Iya nandu baru, penyampau orang ke bebadi dalam rumah, kerita sereta reta tengkira bukai ke angus diperatika bisi nambah, iya nya 11 (2013) ngagai 15 taun tu, lalu sida ke bakal 10 (2013) ngagai 17 (Januari-Julai) 2014.

Nor Hisham madah ari 2,101 kes angus ti dirikod ari Januari ngagai Julai taun tu, babas ke angus ngerikod penyampau ke pengabis mayuh, iya nya 1,055 lalu ditangkan enggau reta tengkira bukai (286), rumah (246), kampung (210), kebun (117), kerita (97), perengka guna (59) enggau sekeda ke mit-mit.

Ba penusah angus bekaul enggau perengka guna, iya madah, tasah nya nyadi ari perengka elekterik ke enda nitihka setindit (nadai chap SIRIM) tauka chara ngena elektrik nya salah.

l"Nya alai, aku ngelalau mensia mayuh ngambika sida iya ngena perenga guna elekterik ke bekualiti sereta enda ngena kuasa elekterik kelalu mayuh, kena nyeliahka penusah angus nya nyadi," ku Nor Hisham.

Print Friendly

Sekali nengah peranak menua dipinta mayar RM150

Posted: 12 Aug 2014 09:09 AM PDT

Bayar nengah Jematan Murum nya pinta ti pemadu mar di menua tu enti ukai di dunya, ku Liwan

KUCHING: Jematan Murum ti minta bayar RM150 sekali nengah tauka RM300 pejalai pulai mansang meraka sebagi ari tekat HEP Murum, nyangka bayar ke pemadu mar di menua tu enti ukai di dunya.

"Nadai masuk akal mayar toll nengah Jematan Murum ngemar nya," ku kaban kunsil nengeri (ADUN) sitak Belaga, Liwan Lagang lebuh dirandau Borneo Post ditu ensana.

Liwan bejaku munyi nya lebuh ngenang sebengkah kompeni batang ke minta bayar orang ke ngempu muto lebuh nengah jematan nya.

Nitih penerang, kenyau bulan Julai tu tadi kompeni batang nya minta pengempu muto mayar RM300 pejalai pulai mansang tauka RM150 sekali nengah jematan nya.

Dulu ari tu mega, kompeni batang nya minta orang ke ngempu muto mayar nyampau nya lebuh meraka ai nya ngena pantun sida.

"Ba aku, bayar nya enda masuk akal. Kati ulih peranak menua dia mayar nyampau nya?," tanya Liwan.

Ku iya, enti kompeni nya ngulihka untung ari kampung peranak menua dia, sida patut diasuh nengah jematan nya enggau enda bebayar.

Semua kampung kandang sitak Murum enda enggi sida dulu suba tang diberi ngagai perintah ngambika bisi endur ngaga tekat HEP Murum enggau Bakun. Peranak menua ti kena bungkur tekat nya mega begunaka jematan ditengah sida mindah begigaka pemakai tauka utai bukai dalam kampung nya," ku Liwan ke mega Sapit Menteri Main Asal enggau Pesaka Tuai.

Tandu iya, peranak menua ke pindah ngagai Palan Pengentap Baru Sg Asap semina diberi 2.8 ikar tanah ungkup seruang bilik lalu sida patut dikemendar begigaka pemakai dalam kampung di Murum dia.

Enti amat sida minta bayar ngemar nya, iya deka mai pekara nya maya aum kabinet tu ila.

"Aku deka mantu orang aku, peranak menua dia ngena nama chara ke ulih," ku iya ke mega Ketuai Nembiak PRS.

Ba pekara ti bekaul, raban Penan ari Palan Pengentap Baru di Metalun tau nengah jematan dia enggau enda bebayar tang nya mega dipinta perintah ari kompeni batang ke dia.

Tebal sida ti betengahka jematan nya raban pengajar sereta nembiak ti besekula di SK Metalun, pengereja pengawa tekat ai nya sereta staf SEB ke gawa di tekat HEP Murum.

Berebak enggau nya, lebuh ditelefon Direktor Opis Kereja Raya Sarawak Zuraimi Sabki enda mujur dibai berandau.

Print Friendly

Dr Rayong: Jematan Merebong Engkilili diperambu dalam RMK-11

Posted: 12 Aug 2014 09:09 AM PDT

ENGKILILI: Kaban kunsil nengeri (ADUN) sitak Engkilili Dr Johnnical Rayong Ngipa madah, perambu ngaga Jematan Merebong Engkilili udah dipasuk dalam Lumpar Pemansang Malaysia ti Ke-11 (RMK-11).

Nitih penerang ari Dr Rayong, perambu ngaga jematan nya udah dikenatai ngagai piak diatas ngambika dikemendar.

Berebak enggau nya, enti perambu nya dikemendar ila, iya tau bendar ngelantang sereta ngemuntangka pengidup peranak ari genturung Merebong, Bukit Tungku, Kelampu sereta kandang menua ti bekelingi.

"Jematan nya deka ngemuntangka pejalai raban pengajar enggau nembiak sekula di SK Merebong sereta redak ari Pasar Engkilili," ku iya.

Dr Rayong nyebut munyi tu lebuh bejadika atur pengawa Ketuai Begulai enggau Rayat di Rumah Ambon, Merebong di pelilih mit Engkilili, ensana.

Tandu iya, pemujur jematan nya ila deka ngemuntangka pengidup rayat di kandang nya ke ngelama tu bepanggai ba jematan mit ke semina ulih tengah mutosikal.

Kelimpah ari nya, peranak rumah panjai di Merebong enggau Bukit Tungku deka ngasaika bekal elekterik 24 jam enda lama agi.

"Aku ngarapka rayat sitak Engkilili tetap tegap nyukung perintah BN ngambika sida enda tinggal pemansang jemah ila.

Berebak enggau nya Dr Rayong ngewmendarka bantu Projek Mit Menua Pesisir (MRP) RM10,000 ungkup JKKK Rumah Ambon sereta RM5,000 ungkup biro indu rumah panjai nya.

Print Friendly

Anang lembau ngerijista masuk kaban RELA: Awis

Posted: 12 Aug 2014 09:09 AM PDT

Dikarang Judan Bungap

SIBU: Raban nembiak enggau bala mayuh ba sitak Sibu dilalau anang sanggu ngerijista diri enggau nyadi kaban Rela.

Pemesai Rela Sitak Sibu PPjR. Awis Adenan madah, Rela sitak tu semampai nerima bala mayuh pupu raban bansa nyadi raban Rela.

"Kitai deka nimbal peminta bala pemesai ngambika penyampau raban kitai lebih agi raban nembiak enda ngira bansa," pia ku iya madah.

Iya mantaika jaku tu maya bejadika pengerami nutup Kursus Asas Pengenalan Rela 4/2014 ke diatur Jabatan Sukarelawan Malaysia (RELA) Negeri Sarawak ditu, empai lama tu tadi.

Ngenang kus ke diatur nya, Awis madah, tuju kus ke diatur ngagai raban Rela baru nya laban deka ngerekaika sereta nerenakka ulah seririh enggau tuju, tanggung pengawa nyadi raban Rela.

"Kelimpah ari nya, kus tu mega deka ngembing raban baru ngambika nyemetak agi enggau bengkah pengawa nyadi raban Rela," ku iya madahka baru.

Iya mega madah, kus baka nya deka ditandu belama nyerumba penyampau raban baru ba sitak tu agi mayuh empai ngulu kus baka nya.

"Kitai ngarapka kus baka tu ulih nyaut timbal perintah seririh enggau jaku 'Dari Rayat Bersama Rayat Untuk Rayat'," pia ku iya madah.

Print Friendly