» »Unlabelled » Pemati Ngenyit Enjinir Kanan Kedua Di Murum

07:04:00

Pemati Ngenyit Enjinir Kanan Kedua Di Murum

Pemati Ngenyit Enjinir Kanan Kedua Di Murum

Posted: 05 Aug 2014 04:50 AM PDT

Orang ti rinduka main golf – nitihka penerang dalam laman Facebook iya, Jabing siku orang ti rindu bemain

Orang ti rinduka main golf – nitihka penerang dalam laman Facebook iya, Jabing siku orang ti rindu bemain

Diatu Sarawak Energy Bhd sekali agi lenyau siku agi Enjinir Kanan kedua sida ti benung bekereja ba tapak tekat Murum dalam timpuh beberapa minggu aja.
Munyi ti ditusui Borneo Post, Jabing Bujing ditemu parai ngenyit dalam bilik tinduk iya empu udah bekau beberapa hari iya pulai ari menua Sabah kena ke 29hb Tujuh tu tadi.

Pemati Jabing ditemu siku ari sida sebilik, udah bekau digiga pemesai iya sepengudah Jabing, ti beumur 48 taun, enda datai bekereja 3 hari beturut.
Pun pemati iya bedau ditemu laban nganti asil pansik ari bala lutur.

Kira sebulan dulu ari tu, iya nya kena 12hb Enam tu tadi, Pengarah Pengawa Teknikal SEB, Frankie Chin, mega ditemu mati ngenyit dalam bilik tinduk iya empu sepemulai iya ari menua Vietnam. Iya disadang mati ketegal bisi penanggul ba tungkul ati.

Pemeri penerang ari dalam SEB empu bisi madahka Sarawak Report madahka Jabing mangku pengawa tinggi bekaul enggau projek Murum – munyi penerang ti bisi dalam laman Facebook enggau Twitter bala bakih iya enggau bala sida sebilik empu.

Screen Shot 2014-08-04 at 11.05.49

Siku ari bakih iya dalam kompeni SEB nuliska penerang dalam tweeter iya

Siku ari bakih iya dalam kompeni SEB nuliska penerang dalam tweeter iya

Jabing Bujing nya siku enjinir kanan ngaga projek sab-stesyen ke Tekat Murum, udah nembuka pelajar enjinir iya ari sebuah universiti di menua Australia ti mega siku orang ti rinduka main golf.

Nitih ke penerang dalam laman Facebook iya iya kala nemuai ke menua Shanghai di menua China beberapa bulan ke udah tu, dipelabaka bekaul enggau pengawa iya enggau kompeni Three Gorges Dam, sebuah kompeni kontraktor ti ngaga Tekat Murum.

Murum nya tekat ti keterubah digaga kompeni ari menua China di luar menua sida empu lalu diatu tekat Murum nya udah setengah penuh diisi ai. Murum didirika 40 batu ari ulu Tekat Bakun lalu disambungka terus enggau danau Murum nengah sebatang sungai ari tukuh tekat ti baru tembu gaga nya.

Begambar begulai enggau bala bakih sama bekereja dalam SEB enggau bala pengereja pengawa ari menua China

Begambar begulai enggau bala bakih sama bekereja dalam SEB enggau bala pengereja pengawa ari menua China

Niang bos iya, Pengarah Teknikal dalam SEB ke projek Murum, Frankie Chin, udah kala ditanya pemesai ari opis MACC sebedau pemati ngenyit iya, munyi ti ditusui pemeri penerang ti rapat kaul enggau SEB.

Siku ari pengurus kanan dalam SEB sama enggau berami

Siku ari pengurus kanan dalam SEB sama enggau berami